ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 460
  • ມື້ວານ1,359
  • ອາທິດນີ້1,819
  • ອາທິດກ່ອນ7,501
  • ເດືອນນີ້18,587
  • ເດືອນກ່ອນ43,980
  • ທັງໝົດ301,419
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ກອງປະຊຸມເປີດກວ້າງປະກອບຄຳເຫັນໃສ່ຮ່າງກົດໝາຍວ່າດ້ວຍຄື້ນຄວາມຖີ່ວິທະຍຸ

ໃນວັນທີ 5-6 ກໍລະກົດ 2016 ກົມໂທລະຄົມມະນາຄົມ,ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ ໄດ້ຈັດກອງປະຊຸມເປີດກວ້າງປະກອບຄຳເຫັນໃສ່ຮ່າງກົດໝາຍວ່າດ້ວຍຄື້ນຄວາມຖີ່ວິທະຍຸ. ທີ່ໂຮງແຮມວັນຊະນະຣິເວີຊາຍ, ນະຄອນຫຼວງວຽງຈັນ ໂດຍການເປັນກຽດເຂົ້າຮ່ວມເປີດພິທີ ແລະ ເປັນປະທານຂອງ ທ່ານ ທອງໃສ ຊານໄຊຍະ ຮອງລັດຖະມົນຕີ ກະຊວງ ປທສ ເຊິ່ງມີ ທ່ານ ໄຊລືຊາ ອິນສີຊຽງໃໝ່ ຫົວໜ້າກົມໂທລະຄົມມະນາຄົມ ແລະ ຜູ້ເຂົ້າຮ່ວມທີ່ມາຈາກບັນດາ ກະຊວງ ແລະ ບໍລິສັດ ໂທລະຄົມມະນາຄົມ ທີ່ກ່ຽວຂ້ອງ ທັງໝົດຈຳນວນ 45 ທ່ານ.

ຈຸດປະສົງຂອງກອງປະຊຸມຄັ້ງນີ້ແມ່ນເພື່ອຄົ້ນຄ້ວາ ແລະ ປະກອບຄຳເຫັນໃສ່ຮ່າງກົດໝາຍວ່າດ້ວຍຄື້ນຄວາມຖີ່ວິທະຍຸ ທີ່ໄດ້ປັບປຸງມາຈາກດຳລັດວ່າດ້ວຍຄື້ນຄວາມຖີ່ສະບັບເລກທີ 60/ລບ,ລົງວັນທີ່ 3 ກຸມພາ 2014 ຂື້ນເປັນກົດໝາຍ ແລະ ໃຫ້ຖືກຕ້ອງ ໂດຍໄດ້ປະຕິບັດຕາມຂັ້ນຕອນການສ້າງຮ່າງກົດໝາຍທີ່ກຳນົດໄວ້ໃນກົດໝາຍວ່າດ້ວຍການສ້າງນິຕິກຳ ແລະ ສ່ອດຄ່ອງກັບພື້ນຖານທາງດ້ານເຕັກນິກວິຊາການ. ຮ່າງກົດໝາຍວ່າດ້ວຍຄື້ນຄວາມຖີ່ວິທະຍຸ ປະກອບດ້ວຍ 10 ພາກ, 5 ໝວດ ແລະ 75 ມາດຕາ ເນື້ອໃນຕົ້ນຕໍແມ່ນລົງເລິກກ່ຽວກັບການຄຸ້ມຄອງຄື້ນຄວາມຖີ່ວິທະຍຸ, ການອະນຸຍາດນຳໃຊ້ຄື້ນຄວາມຖີ່ວິທະຍຸ ແລະ ການກວດກາການນຳໃຊ້ຄື້ນຄວາມຖີ່ວິທະຍຸໃຫ້ມີປະສິດທິພາບ, ປະສິດທິຜົນສູງສຸດ ຫຼີກເວັ້ນຄື້ນຄວາມຖີ່ລົບກວນ ຮັບປະກັນໃຫ້ແກ່ວຽກງານປ້ອງກັນຊາດປ້ອງກັນຄວາມສະຫງົບ. ເພື່ອເຮັດໃຫ້ການຄຸ້ມຄອງ ແລະ ການນໍາໃຊ້ຄື້ນຄວາມຖີ່ວິທະຍຸເປັນໄປຕາມຈຸດປະສົງ ແລະ ສອດຄ່ອງກັບແນວທາງປ່ຽນແປງໃຫມ່ຂອງພັກ ແລະ ແຜນນະໂຍບາຍຂອງລັດຖະ ບານໃນການພັດທະນາເສດຖະກິດ-ສັງຄົມ ໂດຍສະເພາະແຜນພັດທະນາ 5 ປີຄັ້ງທີ II ຂອງ ກະຊວງ ປທສ, ແລະ ທັງສອດຄ່ອງກັບເງື່ອນໄຂໃໝ່ຂອງການພັດທະນາດ້ານໂທລະຄົມມະນາຄົມ ແລະ ການສື່ສານໃນພາກພື້ນ ແລະສາກົນ. ຈຶ່ງເຫັນວ່າ ມີຄວາມຈຳເປັນຕ້ອງໄດ້ສ້າງກົດໝາຍວ່າດ້ວຍຄື້ນຄວາມຖີ່ວິທະຍຸເປັນນິຕິກຳເພື່ອບໍລິຫານ ແລະ ຄຸ້ມຄອງ ວຽກງານດັ່ງກ່າວໃຫ້ ຄົບຖ້ວນ ແລະ ສົມບູນ ສອດ ຄ່ອງກັບສະພາບຕົວຈິງຂອງປະເທດເຮົາ ແລະ ສາກົນ.