ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 1,600
  • ມື້ວານ651
  • ອາທິດນີ້10,703
  • ອາທິດກ່ອນ5,790
  • ເດືອນນີ້12,612
  • ເດືອນກ່ອນ28,282
  • ທັງໝົດ356,984
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປາຖະກະຖາ ລະນຶກວັນຊາດທີ 2 ທັນວາ ແລະວັນເກີດຂອງປະທານ ໄກສອນ ພົມວິຫານ

ໃນໂອກາດວັນສະຖາປານາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 42 ປີ (2 ທັນວາ 1975-2 ທັນວາ 2017) ແລະວັນເກີດຂອງປະທານ ໄກສອນ ພົມວິຫານ ຄົບຮອບ 97 ປີ (13 ທັນວາ 1920- 13 ທັນວາ 2017) ທີ່ໝູນວຽນມາຄົບຮອບ ອີກວາລະໜຶ່ງ ໃນວັນທີ 6 ທັນວາ ຜ່ານມານີ້, ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດໂຄສະນາ-ປາຖະກະຖາ ຫວນຄືນມູນເຊື້ອ 2 ວັນປະຫວັດສາດດັ່ງກ່າວ. ໃຫ້ກຽດໂຄສະນາ-ປາຖະກະຖາ ເລົ່າມູນເຊື້ອຂອງ ທ່ານ ສົມສະຫວາດ ເລັ່ງສະຫວັດ ອາດີດການນໍາພັກ-ລັດຂັ້ນສູງ, ໂດຍການເຂົ້າຮ່ວມຂອງ ທ່ານ ທັນສະໄໝ ກົມມະສິດ ກໍາມະການສູນກາງພັກ, ເລຂາຄະນະພັກກະຊວງ, ລັດຖະມົນຕີ ກະຊວງ ປທສ, ມີພາກສ່ວນທີ່ກ່ຽວຂ້ອງເຂົ້າຮ່ວມ.

ທ່ານ ສົມສະຫວາດ ເລັ່ງສະຫວັດ ໄດ້ເລົ່າເຖິງປະຫວັດຕົ້ນກໍາເນີດ ມູນເຊື້ອວັນຊາດທີ 2 ທັນວາ ແລະ ວັນເກີດຂອງປະທານ ໄກສອນ ພົມວິຫານ ໃຫ້ພະນັກງານການນໍາຫຼັກແຫຼ່ງຂອງກະຊວງ ໄດ້ມີຄວາມຮັບຮູ້ ແລະ ເຂົ້າໃຈ ຕໍ່ມູນເຊື້ອທີ່ສະຫງ່າ ອົງອາດ ການຕໍ່ສູ້ຂອງປະຊາຊົນບັນດາເຜົ່າ ພາຍໃຕ້ການຊີ້ນໍາ-ນໍາພາ ຂອງພັກປະຊາຊົນປະຕິວັດລາວ ແລະ ຜົນງານໄຊຊະນະອັນຍິ່ງໃຫຍ່ ຂອງປະຊາຊົນລາວເຮົາ, ໄດ້ເຊີດຊູນໍ້າໃຈຮັກຊາດ ເອກະລາດ ເປັນເຈົ້າຕົນເອງ ເພື່ອສ້າງສາປະເທດຊາດໃຫ້ມີຄວາມຮັ່ງມີ ເຂັ້ມແຂງ, ປະຊາຊົນມີຄວາມຜາສຸກ, ສັງຄົມມີຄວາມສາມັກຄີປອງດອງ, ມີຄວາມຍຸຕິທໍາ ແລະ ເຊືອມຊືມ ເຫັນໄດ້ບົດບາດ ການນໍາພາຂອງພັກປະຊາຊົນປະຕິວັດລາວ. ປະຊາຊົນລາວ ມີຄວາມສາມັກຄີຕໍ່ສູ້ຢ່າງພິລະອາດຫານ ຕ້ານການຮຸກຮານ ແລະ ການຄອບຄອງຂອງພວກລ່າເມືອງຂຶ້ນ ແບບເກົ່າ ແລະ ແບບໃໝ່ ສາມາດປົດປ່ອຍຊາດໄດ້ຢ່າງມີໄຊ.

ໃນໂອກາດນີ້, ທ່ານໄດ້ຍົກໃຫ້ເຫັນ ຜົນງານການສ້າງສາປະເທດຊາດຂອງພັກ-ລັດ ແລະ ຄຸນງາມຄວາມດີ ອັນໃຫຍ່ຫຼວງ ຂອງປະທານ ໄກສອນ ພົມວິຫານ ທີ່ມີຕໍ່ປະເທດຊາດ, ການປະຕິວັດລາວ ຊຶ່ງທ່ານເປັນຜູ້ນໍາທີ່ມີນໍ້າໃຈເສຍສະຫຼະເພື່ອຊາດ ແລະ ເພື່ອປະຊາຊົນທີ່ແທ້ຈິງ ເປັນແບບຢ່າງໃນການຊີ້ນໍາ-ນໍາພາ, ເຮັດວຽກມີແບບແຜນ, ດໍາລົງຊີວິດແບບລຽບງ່າຍ, ບໍ່ຟຸມເຟື້ອຍ, ເປັນຜູ້ນໍາທີ່ເຄົາລົບຮັກຂອງປວງຊົນທັງຊາດ ຊຶ່ງພວກເຮົາ ຄົນຮຸ້ນໜຸ່ມນ້ອຍ ຕ້ອງໄດ້ຕັ້ງໜ້າຮໍ່າຮຽນ ແລະ ສືບທອດມໍລະດົກອັນລໍ້າຄ່າ ຂອງທ່ານປະທານ ໄກສອນ ພົມວິຫານ ໄດ້ສ້າງໄວ້ ເພື່ອປະກອບສ່ວນເຂົ້າໃນການສ້າງສາພັດທະນາປະເທດຊາດ ໃຫ້ມີຄວາມຈະເລີນກ້າວໜ້າຕະຫຼອດໄປ.

ຂ່າວ: ກົມຈັດຕັ້ງ-ພະນັກງານ.