ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 316
  • ມື້ວານ901
  • ອາທິດນີ້8,768
  • ອາທິດກ່ອນ5,790
  • ເດືອນນີ້10,677
  • ເດືອນກ່ອນ28,282
  • ທັງໝົດ355,049
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ກອງປະຊຸມເປີດກວ້າງປະກອບຄໍາເຫັນໃສ່ຮ່າງກົດໝາຍວ່າດ້ວຍເຕັກໂນໂລຊີການສື່ສານຂໍ້ມູນຂ່າວສານ

ລະຫວ່າງວັນທີ 28-29 ສິງຫາ 2016 ນີ້ທີ່ ເມືອງ ແກ້ວອຸດົມ(ທ່າລາດ), ແຂວງ ວຽງຈັນ ມີການເປີດກອງປະຊຸມເປີດກວ້າງຮ່າງກົດໝາຍວ່າດ້ວຍເຕັກໂນໂລຊີການສື່ສານຂໍ້ມູນຂ່າວສານ ຫລື ເອີ້ນວ່າ ICT ຈັດໂດຍ ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ (ປທສ) ຮ່ວມກັບ ສະພາແຫ່ງຊາດ, ໂດຍການເປັນປະທານຮ່ວມຂອງ ທ່ານ ບຸນປອນ ສີສຸລາດ ປະທານກໍາມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ສະພາແຫ່ງຊາດ, ທ່ານສາຍທອງ ແກ້ວດວງດີ ປະທານກໍາມະທິການກົດໝາຍ ແລະ ທ່ານ ທອງໃສ ຊານໄຊຍະ ຮອງລັດຖະມົນຕີ ກະຊວງ ປທສ, ພ້ອມດ້ວຍບັນດາຮອງປະທານ ກໍາມະທິການສະພາແຫ່ງຊາດ, ທ່ານຫົວໜ້າກົມ, ຮອງກົມ, ນັກຊ່ຽວຊານດ້ານກົດໝາຍ, ສະມາຊິກສະພາປະຈໍາເຂດເລືອກຕັ້ງ ແລະ ຄະນະຈັດຕັ້ງກອງປະຊຸມເຂົ້າຮ່ວມ ລວມທັງໝົດກວ່າ 160 ທ່ານ.

ຮ່າງກົດໝາຍສະບັບນີ້ ປະກອບມີ 12 ພາກ, 7 ໝວດ ແລະ 71 ມາດຕາ ໂດຍມີເນື້ອໃນຫຼັກແມ່ນແນ່ໃສ່ການຄຸ້ມຄອງການນຳໃຊ້, ການພັດທະນາ, ມາດຕະຖານເຕັກນິກ, ຄວາມປອດໄພ, ການໃຫ້ບໍລິການ ແລະ ສົ່ງເສີມການນຳໃຊ້ ເຕັກໂນໂລຊີການສື່ສານຂໍ້ມູນຂ່າວສານ ທີ່ມີຢູ່ແລ້ວເພື່ອໃຫ້ແທດເໝາະກັບສະພາບຂອງ ສປປ ລາວ.

ຈຸດປະສົງຂອງກອງປະຊຸມຄັ້ງນີ້ ເພື່ອເຕົ້າໂຮມສະຕິປັນຍາລວມໝູ່, ເສີມຂະຫຍາຍສິດປະຊາທິປະໄຕຂອງສະມາຊິກສະພາແຫ່ງຊາດ ແລະ ພາກສ່ວນຕ່າງໆ ທີ່ຢູ່ສູນກາງ ແລະ ທ້ອງຖິ່ນເຂົ້າໃສ່ການຄົ້ນຄວ້າ, ປະກອບຄໍາເຫັນຢ່າງກວ້າງຂວາງໃສ່ຮ່າງກົດໝາຍວ່າດ້ວຍເຕັກໂນໂລຊີການສື່ສານຂໍ້ມູນຂ່າວສານ ເພື່ອເປັນບ່ອນອີງໃຫ້ຄະນະຮັບຜິດຊອບ ແລະ ປັບປຸງກົດໝາຍ ໄດ້ນໍາໄປປັບປຸງໃສ່ເນື້ອໃນຂອງຮ່າງກົດໝາຍດັ່ງກ່າວໃຫ້ມີຄວາມຄົບຖ້ວນ, ຮັດກຸມ, ຈະແຈ້ງ ແລະ ສອດຄ່ອງກັບສະພາບຄວາມເປັນຈິງ ກໍຄືສະພາບການຂະຫຍາຍຕົວທາງດ້ານເສດຖະກິດ-ສັງຄົມຂອງປະເທດເຮົາ ໃນເງື່ອນໄຂຂອງການເຊື່ອມໂຍງເຂົ້າກັບພາກພື້ນ, ສາກົນ ແລະ ທີ່ສໍາຄັນຕ້ອງຮັບປະກັນໃຫ້ຮ່າງກົດໝາຍທີ່ຈະນໍາເຂົ້າກອງປະຊຸມສະພາແຫ່ງຊາດມີຄວາມຊັດເຈນ, ເຂົ້າໃຈງ່າຍ, ມີຄວາມວ່ອງໄວ, ໃຊ້ເວລາສັ້ນກະທັດຮັດ ແຕ່ຮັບປະກັນໃຫ້ເນື້ອໃນຂອງກົດໝາຍຖືກຕ້ອງຕາມແນວທາງຂອງພັກ-ລັດ, ສອດຄ່ອງກັບຄວາມມຸ້ງມາດປາດຖະໝາຂອງປະຊາຊົນບັນ ດາເຜົ່າ ແລະ ເພື່ອໃຫ້ບັນດາສະມາຊິກສະພາແຫ່ງຊາດຢູ່ແຕ່ລະເຂດເລືອກຕັ້ງໄດ້ເຊື່ອມຊຶມ, ສ້າງຄວາມເຂົ້າໃຈ ແລະ ກໍາໄດ້ເນື້ອໃນສໍາຄັນຕົ້ນຕໍຂອງຮ່າງກົດໝາຍ ແລ້ວໃຫ້ສືບຕໍ່ນໍາໄປຄົ້ນຄວ້າ ແລະ ຍາດແຍ່ງຄໍາຄິດເຫັນຂອງພະນັກງານ,ທະຫານ, ຕໍາຫຼວດ, ນັກທຸລະກິດ ແລະ ປະຊາຊົນຊັ້ນຄົນຕ່າງໆຢ່າງກວ້າງຂວາງຢູ່ໃນທ້ອງຖິ່ນຂອງຕົນ.