ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 1,602
  • ມື້ວານ651
  • ອາທິດນີ້10,705
  • ອາທິດກ່ອນ5,790
  • ເດືອນນີ້12,614
  • ເດືອນກ່ອນ28,282
  • ທັງໝົດ356,986
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ກອງປະຊຸມຄົບຄະນະ ຄັ້ງທີ 3 ສະໄໝທີ I ຂອງຄະນະບໍລິຫານງານພັກກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ

ທີ່ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ ວັນທີ 16 ພະຈິກ 2017 ໄດ້ມີກອງປະຊຸມ ຄົບຄະນະ ຄັ້ງທີ 3 ສະໄໝທີ I ຂອງຄະນະບໍລິຫານງານພັກກະຊວງໄປສະນີ, ໂທລະຄົມມະນາຄົມ ແລະ ການສື່ສານ ພາຍໃຕ້ການເປັນປະທານ ຂອງ ສະຫາຍ ປອ ທັນສະໄໝ ກົມມະສິດ, ກຳມະການສູນກາງພັກ, ເລຂາຄະນະພັກກະຊວງ. ໂດຍການເຂົ້າຮ່ວມຂອງສະຫາຍຮອງເລຂາຄະນະພັກ, ຄະນະປະຈຳພັກ ແລະ ຄະນະພັກກະຊວງ 10 ສະຫາຍ

ື ສະຫາຍເລຂາຄະນະພັກກະຊວງ ໄດ້ກ່າວໃນກອງປະຊຸມວ່າ: ກອງປະຊຸມຄົບຄະນະຄັ້ງນີ້ ແມ່ນສຳຫລວດກວດກາຄືນ ການຈັດຕັ້ງປະຕິບັດ ມະຕິກອງປະຊຸມຄົບຄະນະຄັ້ງທີ 2 ສະໄໝທີ I ຂອງຄະນະບໍລິຫານງານພັກກະຊວງຕົນ, ຊື່ງຕິດພັນກັບການຈັດຕັ້ງຜັນຂະຫຍາຍ ມະຕີກອງປະຊຸມຄົບຄະນະ ຄັ້ງທີ 4 ສະໄໝທີ X ຂອງຄະນະບໍລິຫານງານສູນກາງພັກ ແລະ ເພື່ອເປັນການຍູ້ແຮງຂະບວນການຮອບດ້ານຂອງຂະແໜງການຕົນ ໃຫ້ຟົດຟື້ນ,ແຂງແຮງ, ຕໍ່ເນື່ອງ ເຂົ້າສູ່ລວງເລີກ ແລະ ປະເມີນຄືນກ່ຽວກັບການດຳເນີນຊີວິດການເມືອງປັບປຸງປົວແປງທົ່ວອົງຄະນະພັກຕົນ ໝາກຜົນທີ່ໄດ້ຮັບ ແລະ ບັນຫາທີ່ຍັງຄົງຄ້າງຈະຕ້ອງໄດ້ປັບປຸງແກ້ໄຂໃນຕໍ່ໜ້າ.

ສະຫາຍຍັງໄດ້ຍົກໃຫ້ເຫັນເຖິງ ການຈັດຕັ້ງຜັນຂະຫຍາຍ ມະຕິກອງປະຊຸມຄົບຄະນະຄັ້ງທີ 2 ສະໄໝທີ I ຂອງຄະນະບໍລິຫານງານພັກກະຊວງ ຜ່ານມາ ແລະ ທິດທາງທີ່ຈະຕ້ອງໄດ້ສຸມໃສ່ຢ່າງແຂງແຮງຢູ່ພາຍໃນພັກ, ກ່ຽວກັບການຄົ້ນຄ້ວາເຊື່ອມຊຶມ ຈັດຕັ້ງຜັນຂະຫຍາຍມະຕິ, ຄຳສັ່ງ , ຂໍ້ກຳນົດຕ່າງໆຂອງຄະນະພັກຂັ້ນເທິງ ແລະ ຂອງອົງຄະນະພັກຕົນວາງອອກ, ປັບປຸງກົງຈັດການຈັດຕັ້ງ, ແບບແຜນວິທີນຳພາ-ເຮັດວຽກ, ຄຸນທາດການເມືອງ ຄຸນ ສົມບັດສີນທຳປະຕິວັດ ,ວຽກພັກ-ພະນັກງານ, ອົງການຈັດຕັ້ງມະຫາຊົນ, ວຽກປ້ອງກັນຊາດ-ປ້ອງກັນຄວາມສະຫງົບ ແລະ ວຽກງານວິຊາສະເພາະ ໃນຂົງເຂດຂະແໜງການຕົນ.

ສະຫາຍຍັງໄດ້ກ່າວຕື່ມອິກວ່າ: ການປັບປຸງ ການຈັດຕັ້ງພັກ ໃຫ້ມີຄວາມປອດໃສ, ເຂັ້ມແຂງ ແລະ ໜັກ ແໜ້ນ ແລະ ການເພີ່ມທະວີການນຳພາຂອງຄະນະພັກແຕ່ລະຂັ້ນ ໃນການປັບປຸງກໍ່ສ້າງຮາກຖານພັກໃຫ້ເຂັ້ມແຂງຮູ້ນຳພາຮອບດ້ານ ຍົກສູງຄຸນນະພາບການຈັດຕັ້ງຮາກຖານພັກ-ສະມາຊິກພັກ ຖືເອົາຄຸນນະພາບເປັນກົກ ເພື່ອຮັບປະກັນໃຫ້ແກ່ການຄົງຕົວ ແລະ ຂະຫຍາຍຕົວຂອງພັກ ແມ່ນວຽກໜື່ງທີ່ສຳຄັນ ແລະ ຈະສູ້ຊົນຢ່າງແຂງແຮງສ້າງໃຫ້ໄດ້ເປັນໜ່ວຍພັກເຂັ້ມແຂງ-ຮູ້ນຳພາຮອບດ້ານ ເພີ່ມຂື້ນຢ່າງຕໍ່ເນື່ອງໃນແຕ່ລະປີ.

ໃນຕອນທ້າຍສະຫາຍຍັງໄດ້ເໜັ້ນໜັກ ແລະ ຊີ້ນຳບັນດາສະຫາຍໃນຄະນະພັກ ເອົາໃຈໃສ່ຊີ້ນຳ-ນຳພາ ຈັດຕັ້ງປະຕິບັດໜ້າທີ່ການເມືອງໃນຂົງເຂດຄວາມຮັບຜິດຊອບຂອງຕົນໃຫ້ບັນລຸຕາມລະດັບຄາດໝາຍທີ່ວາງໄວ້.

ຂ່າວ: ກົມຈັດຕັ້ງ-ພະນັກງານ, ປທສ.