ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 1,603
  • ມື້ວານ651
  • ອາທິດນີ້10,706
  • ອາທິດກ່ອນ5,790
  • ເດືອນນີ້12,615
  • ເດືອນກ່ອນ28,282
  • ທັງໝົດ356,987
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ຝຶກອົບຮົມ ວຽກງານພິທີການ

ກະຊວງ ໄປສະນີ ໂທລະຄົມມະນາຄົມ ແລະການສື່ສານ (ປທສ) ໄດ້ເປີດຊຸດຝຶກອົບຮົມ ວຽກງານພິທີການ ຂຶ້ນໃນວັນທີ 24 ພະຈິກ ຜ່ານມານີ້, ທີ່ຫ້ອງປະຊຸມກະຊວງ ປທສ, ໂດຍການກ່າວເປີດພິທີຂອງທ່ານ ສາຍຝົນ ບຸດຈັນທະລາດ ຮັກສາການຫົວໜ້າຫ້ອງການ, ກະຊວງ ປທສ, ໃຫ້ກຽດຂຶ້ນບັນຍາຍໂດຍ ທ່ານ ວຽງໄຊ ພົມມະຈັນ ຮັກສາການຫົວໜ້າກົມພິທີການທູດ, ກະຊວງ ການຕ່າງປະເທດ ມີນັກສໍາມະນາກອນຈາກບັນດາກົມ/ທຽບເທົ່າກົມ ເຂົ້າຮ່ວມຢ່າງພ້ອມພຽງ.

ວຽກງານພິທີການ ກໍ່ແມ່ນວຽກງານໜຶ່ງທີ່ມີຄວາມສໍາຄັນ ແລະຈໍາເປັນຕໍ່ການຮັບໃຊ້ການນໍາ ເຊິ່ງເຮັດໜ້າທີ່ເປັນເສນາທິການໂດຍກົງໃຫ້ແກ່ຂັ້ນເທິງ ແລະ ພົວພັນກັບບັນດາປະເທດທີ່ໃກ້ຄຽງ ທີ່ນັບມື້ນັບກ້າວຂື້ນສູ່ມາດຕະຖານສາກົນໃນລະດັບອັນແນ່ນອນ ແລະ ທັງເປັນການຮັບປະກັນຜົນສຳເລັດໃນການປະຕິບັດວຽກງານພົວພັນກັບພາຍໃນ ແລະສາກົນໃນໄລຍະໃໝ່ ຍຸກແຫ່ງໂລກາພິວັດ, ຍຸກແຫ່ງການເຊື່ອມໂຍງເຂົ້າກັບພາກພື້ນ ແລະ ສາກົນ ບໍ່ວ່າຈະຢູ່ພາຍໃນ ຫຼືຕ່າງປະເທດ ກໍ່ລ້ວນແລ້ວແຕ່ຕ້ອງມີວຽກງານພິທີການ ທີ່ເປັນສ່ວນປະກອບສໍາຄັນ. ດັ່ງນັ້ນ, ເພື່ອຊ່ວຍໃຫ້ວຽກງານ ມີຜົນສໍາເລັດໃນດ້ານຕ່າງໆ ກະຊວງ ປທສ ຈຶ່ງໄດ້ຈັດຝຶກອົບຮົມ ວຽກງານພິທີການໃນຄັ້ງນີ້ຂຶ້ນ ເພື່ອຍົກສູງຄຸນນະພາບ, ສ້າງຄວາມເຂັ້ມແຂງ ແລະຄວາມເຂົ້າໃຈຢ່າງລະອຽດຈະແຈ້ງ ກ່ຽວກັບວຽກງານພິທີການ ເພື່ອນໍາໄປຈັດຕັ້ງປະຕິບັດຢ່າງຖືກຕ້ອງ ໃນຂົງເຂດວຽກງານຕົວຈິງຂອງຕົນ. ໂດຍເນື້ອໃນເອກະສານ ຫຼື ຫົວຂໍ້ທີ່ນໍາມາຝຶກອົບຮົມປະກອບມີ: ຄວາມຮູ້ພື້ນຖານຕໍ່ກັບວຽກງານພິທີການ, ມາລະຍາດໃນສັງຄົມ ແລະງານລ້ຽງ, ການຕ້ອນຮັບແຂກ, ການກະກຽມ ແລະຈັດສະຖານທີ່ຫ້ອງປະຊຸມຕ່າງໆ ພ້ອມດ້ວຍສາທິດການຮັບແຂກ ແລະຈັດຫ້ອງປະຊຸມອີກດ້ວຍ.

ຫຼັງຈາກສໍາເລັດການຝຶກອົບຮົມ ເຫັນໄດ້ວ່ານັກສຳມະນາກອນມີຄວາມຕັ້ງໃຈຮັບຟັງ ແລະ ຕິດຕາມການຂຶ້ນບັນຍາຍໃນຫົວຂໍ້ຕ່າງໆ ໂດຍສະເພາະກໍ່ໄດ້ມີການຕັ້ງບັນຫາ, ຕັ້ງຄຳຖາມເຈາະຈີ້ມສົນທະນາຢ່າງກົງໄປກົງມາພ້ອມດ້ວຍມີການແລກປ່ຽນຄວາມຄິດຄວາມເຫັນ, ຖາມ-ຕອບ ກັບນັກວິທະຍາກອນ ເພື່ອນຳເອົາໄປໝູນໃຊ້ເຂົ້າໃນໜ້າທີ່ວຽກງານກໍ່ຄືຊີວິດປະຈຳວັນ ແລະ ນຳເອົາເນື້ອໃນຈິດໃຈການຝຶກອົບຮົມຄັ້ງນີ້ ໄປເຜີຍແຜ່ຜັນຂະຫຍາຍໃນກົມກອງຂອງຕົນ ໃຫ້ມີປະສິດທີຜົນສູງຂື້ນເລື້ອຍໆ.

ຂ່າວ: ຫ້ອງການ, ພະແນກປະຊາສໍາພັນ.