ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 1,597
  • ມື້ວານ651
  • ອາທິດນີ້10,700
  • ອາທິດກ່ອນ5,790
  • ເດືອນນີ້12,609
  • ເດືອນກ່ອນ28,282
  • ທັງໝົດ356,981
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ລັດຖະມົນຕີ ກະຊວງ ປທສ ຊີ້ນໍາວຽກງານຢູ່ແຂວງຕ່າງໆ

ທ່ານ ທັນສະໄໝ ກົມມະສິດ ລັດຖະມົນຕີ ກະຊວງ ໄປສະນີ ໂທລະຄົມມະນາຄົມ ແລະການສື່ສານ (ປທສ) ໄດ້ລົງເຄື່ອຮໄຫວຊີ້ນໍາວຽກງານ ທີ່ກະຊວງ ຕົນຮັບຜິດຊອບຢູ່ບັນດາແຂວງພາກກາງ ແລະພາກໃຕ້ ລະຫວ່າງວັນທີ 12-19/10/2017 ປະກອບມີ ບໍລິຄໍາໄຊ, ຄໍທມ່ວນ, ສະຫວັນນະເຂດ, ຈໍາປາສັກ, ສາລະວັນ, ອັດຕະປື ແລະເຊກອງ. ໂດຍໄດ້ຮັບການຕ້ອນຮັບຈາກ ບັນດາຫົວໜ້າ ແລະຄະນະ ພະແນກ ປທສ ແຂວງດັ່ງກ່າວ.

ໃນການລົງຊີ້ນໍາວຽກງານ ໃນຄັ້ງນີ້, ນອກຈາກໄດ້ຮັບຟັງ ສະພາບການຈັດຕັ້ງປະຕິບັດວຽກງານ ປທສ ໃນໄລຍະຜ່ານມາ ຈາກຫົວໜ້າພະແນກ ປທສ ແຂວງແລ້ວ, ທ່ານ ລັດຖະມົນຕີ ປທສ ກໍໄດ້ຍົກໃຫ້ເຫັນສະພາບຄວາມສະດວກ, ຂໍ້ຫຍຸ້ງຍາກ ແລະສິ່ງທ້າທາຍ ໃນການພັດດທະນາ ແລະນໍາໃຊ້ລະບົບ ໄອຊີທີ ຢູ່ໃນໂລກ ແລະຢູ່ພາຍໃນປະເທດເຮົາ ເປັນຕົ້ນ ການເຜີຍແຜ່ຂໍ້ມູນຂ່າວສານ ສື່ສັງຄົມອອນລາຍ ທີ່ແມ່ນອິດສະຫຼະຂອງແຕ່ລະຄົນສາມາດເຮັດໄດ້ ຊຶ່ງເປັນເງື່ອນໄຂ ໃຫ້ຄົນບໍ່ດີ ສວຍໃຊ້ວິທີນີ້ ກະຈາຍຂ່າວໃສ່ຮ້າຍປ້າຍສີ, ສ້າງຄວາມແບ່ງແຍກ ແລະຍຸຍົງສົ່ງເສີມໃຫ້ເກີດມີປາກົດການ ຫຍໍ້ທໍ້ໃນສັງຄົມ. ບາງກຸ່ມຄົນບໍ່ດີກໍ່ໃຊ້ສື່ສັງຄົມອອນລາຍ ເປັນເຄື່ອງມືກໍ່ອາດສະຍາກໍາ, ລັກ ແລະປອມແປງ ຂໍ້ມູນທາງການຄ້າ, ບັນຊີທະນາຄານ ສ້າງຄວາມເສຍຫາຍທາງຊັບສິນ ແລະຊີວິດ. ເພື່ອແກ້ໄຂບັນຫານີ້ ທ່ານລັດຖະມົນຕີ ປທສ ກໍ່ໄດ້ຍົກໃຫ້ເຫັນ ຄວາມເອົາໃຈໃສ່ ແລະຄວາມເປັນຫ່ວງ ເປັນໃຍ ຂອງພັກ ແລະລັດຖະບານເຮົາ ຕໍ່ວຽກງານ ປທສ ໂດຍໄດ້ມອບໝາຍໃຫ້ຄະນະພັກ, ຄະນະນໍາ ກະຊວງ ປທສ ເປັນເຈົ້າການໃນການສືບຕໍ່ ນໍາພາຈັດຕັ້ງປະຕິບັດ ແຜນພັດທະນາຂະແໜງການ ປທສ 5 ປີ ຄັ້ງທີ II (2016-2020) ດ້ວຍຄວາມຮັບຜິດຊອບສູງ ແລະໃຫ້ມີຜົນສໍາເລັດ.

ຕອນທ້າຍຂອງການໂອ້ລົມ, ທ່ານລັດຖະມົນຕີ ກໍ່ໄດ້ຮຽກຮ້ອງ ມາຍັງການນໍາ ປທສ ແຕ່ລະແຂວງ ຈົ່ງມີວິທີທາງໃນການແກ້ໄຂ ຄື: ສ້າງ ແລະບໍາລຸງບຸກຄະລາກອນໃຫ້ມີຄວາມຮູ້ ຄວາມສາມາດພຽງພໍ ໃນການພັດທະນາ, ນໍາໃຊ້ ແລະຄຸ້ມຄອງ ໄອຊີທີ, ສຶກສາຄົ້ນຄວ້າຄວາມເປັນໄປໄດ້ ຂອງທຸກໂຄງການຢ່າງລະອຽດ ແລະວາງແຜນຈັດຕັ້ງປະຕິບັດຢ່າງຮອບຄອບ-ຮອບດ້ານ ທັງແຜນງານ, ແຜນເງີນ ແລະແຜນຄົນ, ເພີ່ມທະວີການສືກສາອົບຮົມສະມາຊິກພັກ-ພະນັກງານ, ທະຫານ, ຕໍາຫຼວດ, ນັກຮຽນ-ນັກສຶກສາ, ປະຊາຊົນບັນດາເຜົ່າໃຫ້ມີ ຄວາມຮັບຮູ້ ແລະເຂົ້າໃຈຈະແຈ້ງ ຕື່ມກ່ຽວກັບກົນອຸບາຍ ຫັນປ່ຽນໂດຍສັນທິອິດທິປໍລະປັກ ທີ່ສວຍໃຊ້ຄວາມກ້າວໜ້າຂອງເຕັກໂນໂລຊີ ສື່ສານຂໍ້ມູນຂ່າວສານ ໂດຍສະເພາະ ສື່ສັງຄົມອອນລາຍ ເປັນເວທີໂຄສະນາ ບິດເບືອນ, ໃສ່ຮ້າຍປ້າຍສີທັບຖົມ, ໂຈມຕີພັກ-ລັດຖະບານ, ສ້າງຄວາມປັ່ນປ່ວນ ແລະເຜີຍແຜ່ ຂໍ້ມູນຂ່າວສານທີ່ບໍ່ຖືກຕ້ອງ ໃຫ້ມີການນໍາໃຊ້ ສື່ສັງຄົມອອນລາຍ ຢ່າງມີຈັນຍາບັນ, ປັບປຸງລະບົບປ້ອງກັນ ຄວາມປອດໄພຂອງເຄື່ອຂ່າຍ ອິນເຕີເນັດ ແລະຂໍ້ມູນຂ່າວສານ ໃຫ້ມີມາດຕະຖານສູງ.

ຂ່າວ: ທ່ານ ສະກຸນຄໍາ ແກ້ວບຸນຍາສິດ, ປທສ.