ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 444
  • ມື້ວານ1,359
  • ອາທິດນີ້1,803
  • ອາທິດກ່ອນ7,501
  • ເດືອນນີ້18,571
  • ເດືອນກ່ອນ43,980
  • ທັງໝົດ301,403
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ສູນອິນເຕີເນັດແຫ່ງຊາດຈັດຝຶກອົບຮົມມາດຕະຖານໂປໂຕຄອນ IPV6 ຂັ້ນສູງ

ສູນອິນເຕີເນັດແຫ່ງຊາດ ໄດ້ໄຂຊຸດຝຶກອົບຮົມຫົວຂໍ້ ມາດຕະຖານໂປໂຕຄອນ IPv6 ຂັ້ນສູງ ໃນວັນທີ 19 ກັນຍານີ້ທີ່ສູນດັ່ງກ່າວ ໂດຍການກ່າວໄຂຂອງ ທ່ານ ພູຂົງ ຈິດຮູບໂລກ, ຫົວໜ້າກົມແຜນການ ແລະ ການຮ່ວມມື, ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ ໂດຍມີພະນັກງານວິຊາການຂອງສູນອິນເຕີເນັດ ແຫ່ງຊາດ, ບັນດາບໍລິສັດໂທລະຄົມມະນາຄົມ, ຜູ້ໃຫ້ບໍລິການອິນເຕີເນັດ, ຜູ້ໃຫ້ບໍລິການດ້ານຂໍ້ມູນຂ່າວສານຜ່ານສື່ອິນເຕີເນັດ ເຂົ້າຮ່ວມຢ່າງພ້ອມພຽງ.

ການຈັດຝຶກອົບຮົມຄັ້ງນີ້ ໄດ້ດຳເນີນໄປເປັນເວລາ 4 ວັນ ໃນລະຫວ່າງວັນທີ 19 -22 ກັນຍາ ຈຸດປະສົງແມ່ນເພື່ອຈັດຕັ້ງສະເຫຼີມສະຫຼອງປີສາມັກຄີມິດຕະພາບ ລະຫວ່າງລາວ-ຫວຽດນາມ ໃນປີ 2017 ນີ້, ເຊິ່ງ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ ແລະ ກະຊວງ ຂໍ້ມູນຂ່າວສານ ແລະ ການສື່ສານ, ສສ ຫວຽດນາມ, ຮ່ວມກັນຈັດຊຸດຝຶກອົບຮົມຂຶ້ນ ພາຍໃຕ້ບົດບັນທຶກຄວາມເຂົົ້າໃຈ ແລະ ແຜນການຮ່ວມມືລະຫວ່າງສອງຝ່າຍ, ໂດຍສະເພາະ ແມ່ນການຮ່ວມມືລະຫວ່າງ ສອງ ສູນ ຄື: ສູນອິນເຕີເນັດ ແຫ່ງຊາດ (LANIC) ແລະ ສູນເຄືອຂ່າຍອິນເຕີເນັດຂໍ້ມູນຂ່າວສານ ຫວຽດນາມ (VNNIC).

ຜ່ານການຝຶກອົບຮົມດັ່ງກ່າວນີ້ຈະເປັນການເປີດໂອກາດອັນດີໃຫ້ຕົວແທນຈາກບັນດາພາກສ່ວນຕ່າງໆ ໄດ້ທຳຄວາມເຂົ້າໃຈເລິກເຊິ່ງກ່ຽວກັບການພັດທະນາ IPv6 ກໍ່ຄືການຫັນປ່ຽນຈາກມາດຕະຖານໂປໂຕຄອນ IPv4 ໄປນຳໃຊ້ IPv6 ເຊີ່ງໃນບັນດາປະເທດອ້ອມຂ້າງ ແລະ ໃນທົ່ວໂລກແມ່ນຖືວ່າໄດ້ມີການດຳເນີນການກະກຽມ ແລະ ເລີ່ມຈັດຕັ້ງປະຕິບັດມາແລ້ວໃນລະດັບໜຶ່ງແລ້ວ. ດັ່ງນັ້ນ, ສປປ ລາວ ໃນນາມ ສະມະຊິກປະຊາຄົມອາຊຽນ ເຮົາຕ້ອງໄດ້ມີການເຊື່ອມໂຍງກັບປະເທດອ້ອມຂ້າງ ແລະ ສາກົນ ຈິ່ງບໍ່ສາມາດຫຼີກລ່ຽງການຫັນປ່ຽນດັ່ງກ່າວໄດ້. ພ້ອມນັ້ນ ກະຊວງ ປທສ ກໍ່ເນັ້ນໜັກເຖີງຄວາມສຳຄັນດັ່ງກ່າວ ແລະ ໃຫ້ສອດຄ່ອງຕາມນະໂຍບາຍການຫັນເປັນ ອດສະຫະກຳທີ່ທັນສະໄໝຂອງ ສປປ ລາວ. ນອກຈາກນັ້ນ ກະຊວງ ປທສ ໄດ້ມອບໃຫ້ສູນອິນເຕີເນັດແຫ່ງຊາດ ແລະ ກົມກອງກ່ຽວຂ້ອງ ຄົ້ນຄວ້າ ແລະ ເຮັດແຜນການທົດລອງເພື່ອກຽມຄວາມພ້ອມທາງດ້ານ ນິຕິກຳ, ນະໂຍບາຍ, ແລະ ເຕັກນິກ, ພ້ອມທັງບັນດາ ບໍລິສັດໂທລະຄົມມະນາຄົມພາຍໃນ ສປປ ລາວ ກໍ່ຈະໄດ້ມີການກະກຽມ ແລະ ມີການຂຶ້ນແຜນວຽກງານເພື່ອຮອງຮັບໃນການຫັນປ່ຽນໄປນຳໃຊ້ມາດຕະຖານແບບໃໝ່.

ໃນໂອກາດນີ້ ທ່ານ ພູຂົງ ໄດ້ຮຽກຮ້ອງໃຫ້ຜູ້ເຂົ້້າຮ່ວມຝຶກອົບຮົມຄັ້ງດັ່ງກ່າວນີ້ ຈົ່ງນຳໃຊ້ບົດຮຽນທີ່ໄດ້ສຶກສາໃນຊຸດຝຶກອົບຮົມຄັ້ງນີ້ເຂົ້າໃນວຽກງານຂອງຕົນເພື່ອໃຫ້ເກີດຜົນປະໂຫຍດສູງສຸດ.

ໂດຍ: ສູນອິນເຕີເນັດແຫ່ງຊາດ , ປທສ.