ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 1,593
  • ມື້ວານ651
  • ອາທິດນີ້10,696
  • ອາທິດກ່ອນ5,790
  • ເດືອນນີ້12,605
  • ເດືອນກ່ອນ28,282
  • ທັງໝົດ356,977
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ຮອງລັດຖະມົນຕີ ກະຊວງ ປທສ ເຂົ້າຮ່ວມ ກອງປະຊຸມ ອາຊີ ປາຊີຟິກ ລະດັບພາກພື້ນ ຄັ້ງທີ 03 ທີ່ບາງກອກ, ປະເທດໄທ.

ທ່ານ ບຸນສະເຫຼີມໄຊ ເຄນນາວົງ, ຮອງລັດຖະມົນຕີ ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ພ້ອມດ້ວຍຄະນະ ໄດ້ເຂົ້າຮ່ວມກອງປະຊຸມ ອາຊີປາຊີຟິກລະດັບພາກພື້ນ ຄັ້ງທີ 03 ແລະ ກອງປະຊຸມ ປິ່ນອ້ອມ ພາຍໃຕ້ຫົວຂໍ້ ການຫັນເປັນລັດດິຈິຕອນ ແລະ ການສ້າງຕົວເມືອງທັນສະໄໝ ໃນລະຫວ່າງວັນທີ 21 ເຖິງ 23 ກັນຍາ ທີ່ ບາງກອກ, ເຊີ່ງຈັດຂື້ນໂດຍ ສະຫະພາບໂທລະຄົມມະນາຄົມສາກົນ (ITU) ເປັນປະທານໂດຍ ທ່ານ ປອ ພິເສດ ດຸລົງຄະວິໂລດ, ລັດຖະມົນຕີ ກະຊວງ ດິຈິຕອນ ເພື່ອເສດຖະກິດ ແລະ ສັງຄົມ ປະເທດໄທ, ແລະ ປະທານຮ່ວມ ໂດຍ ທ່ານ ມາວຄອມ ຈອນຊັນ, ຮອງເລຂາທິການ ສະຫະພາບໂທລະຄົມມະນາຄົມສາກົນ.

ໃນກອງປະຊຸມຄັ້ງນີ້ ບັນດາຄະນະຜູ້ແທນຂັ້ນສູງຈາກພາກພື້ນອາຊີ ປາຊີຟິກ ໄດ້ປຶກສາຫາລືແລກປ່ຽນບົດຮຽນ ນະໂຍບາຍການພັດທະນາໄອຊີທີ ໂດຍສະເພາະການນໍາໃຊ້ເຕັກໂນໂລຊີການສື່ສານດິຈິຕອນ ແລະ ບັນດານະວັດຕະກໍາ ໄອຊີທີ ເຂົ້າໃນທຸກຂົງເຂດວຽກງານ ເພື່ອພັດທະນາເສດຖະກິດ ແລະ ສັງຄົມ ໂດຍສະເພາະຫັນປ່ຽນການບໍລິການຂອງພາກລັດ ໃຫ້ເປັນການບໍລິການທີ່ທັນສະໄໝ ຊື່ງລວມທັງແນວຄິດລິເລີ່ມໃນການສ້າງຕົວເມືອງພັດທະນາແບບຍືນຍົງ ແລະ ທັນສະໄໝ. ໃນໂອກາດນີ້ ທ່ານ ຮອງລັດຖະມົນຕີ ກະຊວງ ປທສ ໄດ້ຮັບກຽດຂື້ນກ່າວເປັນ Panelist ໃນວາລະ “ການປຶກສາຫາລື ການນໍາຂັ້ນສູງ - ການຫັນເປັນລັດດິຈິຕອນ”.

ໃນທີ່ປະຊຸມ ທ່ານ ບຸນສະເຫຼີມໄຊ ເຄນນາວົງ ໄດ້ສະເໜີ ສະພາບການພັດທະນາຂະແໜງການ ໄອຊິທີ ສປປ ລາວ, ວິໄສທັດ 2030 ແລະ 7 ແຜນຍຸດທະສາດ ຂອງ ກະຊວງ ປທສ, ໂດຍສະເພາະ ທິດທາງໃນຕໍ່ໜ້າໃນການສົ່ງເສີມບໍລິຫານລັດດ້ວຍເອເລັກໂຕຣນິກ ເຊີ່ງທ່ານໄດ້ກ່າວໃນຕອນໜື່ງວ່າ “ລັດຖະບານ ກໍ່ຄື ກະຊວງ ປທສ ໄດ້ສຸມໃສ່ການພັດ ທະນາລະບົບ ແລະ ຍົກລະດັບຄວາມທັນສະໄໝ ໃນການຄຸ້ມຄອງບໍລິຫານ ແລະ ການບໍລິການ ຂອງບັນດາພາກລັດດ້ວຍເອເລັກໂຕຣນີກ ເພື່ອຮັບປະກັນວຽກງານການບໍລິຫານລັດແບບທັນສະໄໝ ມີປະສິດທິພາບ ແລະ ປະສິດທິຜົນ, ມີຄວາມປອດໄພ, ຫຼຸດຜ່ອນການລົງທຶນຊໍ້າຊ້ອນ ແລະ ໃຫ້ບັນດາລະບົບສາມາດເຮັດວຽກຮ່ວມກັນ. ພ້ອມນີ້ ກໍ່ສົ່ງເສີມການສ້າງຄວາມອາດສາມາດ ແລະ ຄວາມຊໍານິຊໍານານໃນການນໍາໃຊ້ ໄອຊີທີ ເຂົ້າໃນວຽກງານຕົວຈິງ ໃຫ້ແກ່ພະນັກງານລັດ ຢູ່ສູນກາງ, ທ້ອງຖີ່ນ ແລະ ປະຊາຊົນ”.

ນອກຈາກນີ້ ຄະນະຜູ້ແທນກະຊວງ ປທສ ໄດ້ເຂົ້າຮ່ວມພິທີເປີດງານວາງສະແດງ Digital Bigbang Thailand 2017, ຈັດຂື້ນໂດຍ ກະຊວງ ດິຕິຈອນ ເພື່ອເສດຖະກິດ ແລະ ສັງຄົມ ປະເທດໄທ, ກ່າວເປີດ ພິທີໂດຍ ທ່ານ ປະຢຸດ ຈັນໂອຊາ, ນາຍົກລັດຖະມົນຕີໄທ. ຊື່ງງານວາງສະແດງໃນຄັ້ງນີ້ ແມ່ນພາຍໃຕ້ນະໂຍບາຍຜັກດັນການນໍາໃຊ້ເຕັກໂນໂລຊີສື່ສານ ແລະ ນະວັດຕະກໍາໃໝ່ ໃນການຂັບເຄື່ອນເສດຖະກິດ ແລະ ສັງຄົມ ໃນການຫັນເປັນດິຈິຕອນ. ງານມະຫະກໍານະວັດຕະກໍາເຕັກໂນໂລຊີດິຈິຕອນ ທີ່ມີຜູ້ວາງສະແດງ ແລະ ຜູ້ເຂົ້າຮ່ວມຈາກພາຍໃນ, ພາກພື້ນ ແລະ ສາກົນ. ໃນງານດັ່ງກ່າວ ໄດ້ແບ່ງງານອອກເປັນ 4 ສ່ວນຄື: 1. Digital Ecosystem: ມີ ພາກລັດຖະບານ e-Government, ຜູ້ປະກອບການ Start up, Fin-Tech, E-commerce, ຜູ້ປະກອບໂທລະຄົມມະນາຄົມ ແລະ ອື່ນ, 2. Digital community and smart city ໂດຍການເອົາຕົວແບບໂຄງການເມືອງທັນສະໄໝທີ່ປະສົບຜົນສໍາເລັດມາຈໍາລອງ, 3. Digital Park - ສູນລວມນະວັດຕະກໍາໃໝ່ ລວມມີ Big data, IoT, Cloud computing, ມາດຕະຖານໂທລະຄົມມະນາຄົມ ແລະ ການນໍາໃຊ້ເຕັກໂນໂລຊີການສື່ສານ ໃນຂະແໜງການກະສິກໍາ, ສາທາລະນະສຸກ ແລະ ການສືກສາ; ແລະ 4. Digital playground – ເອົາບັນດາກິດຈະກໍາແຂ່ງຂັນແນວຄວາມຄິດນະວັດຕະກໍາ, ການແຂ່ງຂັນກິລາທັນສະໄໝ (e-sport) ແລະ ແຂ່ງຂັນຫຸ່ນຍົນ (Robot, Drone), ການຈັດສໍາມະນາຝືກອົບຮົມ ບັນດາຫົວຂໍ້ ເຕັກໂນໂລຊີໃໝ່, ແລະ ອໍານວຍພື້ນທີ ໃຫ້ແກ່ການພົບປະລະຫວ່າງ ຜູ້ປະກອບການ,ນັກປະດິດ ແລະ ນັກທຸລະກິດ.

ໂດຍ: ກົມແຜນການ ແລະ ການຮ່ວມມື , ປທສ.