ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 1,595
  • ມື້ວານ651
  • ອາທິດນີ້10,698
  • ອາທິດກ່ອນ5,790
  • ເດືອນນີ້12,607
  • ເດືອນກ່ອນ28,282
  • ທັງໝົດ356,979
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ກອງປະຊຸມປຶກສາຫາລືການຄຸ້ມຄອງ ການຄ້າຜ່ານເອເລັກໂຕຼນິກ (e-Commerce)

ໃນຕອນເຊົ້າຂອງວັນທີ 13/9/2017 ຜ່ານມານີ້, ທີ່ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດກອງປະຊຸມປຶກສາຫາລືກ່ຽວກັບວຽກງານຄຸ້ມຄອງການຄ້າຜ່ານລະບົບເອເລັກໂຕຣນິກ (e-Commerce) ໂດຍການເປັນປະທານ ຂອງທ່ານ ປອ ທະວີສັກ ມະໂນທັມ, ຫົວໜ້າກົມເຕັກໂນໂລຊີການສື່ສານຂໍ້ມູນຂ່າວສານ ຊຶ່ງມີບັນດາຕົວແທນຈາກກະຊວງອຸດສະຫະກຳ ແລະ ການຄ້າ, ກະຊວງການເງິນ, ທະນາຄານແຫ່ງ ສປປ ລາວ ແລະ ບັນດາກົມກ່ຽວຂ້ອງ ເຂົ້າຮ່ວມຢ່າງພ້ອມພຽງ.

ກອງປະຊຸມ ໄດ້ສະເໜີກ່ຽວກັບສະພາບລວມຂອງ e-Commerce ໃນສາກົນ ກໍ່ຄື ໃນ ສປປ ລາວ, ທ່າແຮງ ແລະ ບາງບັນຫາທີ່ຕ້ອງໄດ້ເອົາໃຈໃສ່ ເພື່ອຮັກສາຜົນປະໂຫຍດຂອງລັດ ແລະ ຂອງປະຊາຊົນ. ພ້ອມນັ້ນ ຍັງໄດ້ປຶກສາຫາລືກັນກ່ຽວກັບຄວາມພ້ອມທາງດ້ານ e-Commerce ຊຶ່ງຕິດພັນກັບວຽກງານຂອງຫຼາຍກະຊວງ ຊຶ່ງຈຳເປັນຕ້ອງໄດ້ມີການປະສານງານ ແລະ ມີຄວາມເປັນເອກະພາບກັນ ເພື່ອບໍ່ໃຫ້ມີວຽກຊ້ຳຊ້ອນ ອີກທັງເປັນການສົ່ງເສີມ e-Commerce ໃຫ້ກາຍເປັນເຄື່ອງມືສຳຄັນໃນການຂັບເຄື່ອນເສດຖະກິດ-ສັງຄົມ, ຊຸກຍູ້ສົ່ງເສີມຊີວິດການເປັນຢູ່ຂອງປະຊາຊົນໃຫ້ດີຂຶ້ນ. ໃນການປຶກສາຫາລື ກ່ຽວກັບທິດທາງ, ແບບແຜນການພັດທະນາ ແລະ ຄຸ້ມຄອງລະບົບການຄ້າຜ່ານລະບົບເອເລັກໂຕຣນິກ (e-Commerce) ຂອງລາວ ແມ່ນແບ່ງຄວາມຮັບຜິດຊອບຂອງແຕ່ລະກະຊວງໃຫ້ຊັດເຈນ, ເປັນເອກະພາບ ແລະ ມີສ່ວນຮ່ວມຂອງບັນດາກະຊວງກ່ຽວຂ້ອງ ເຊັ່ນ ກະຊວງອຸດສະຫະກຳ ແລະ ການຄ້າ ເປັນຜູ້ຄຸ້ມຄອງທະບຽນອະນຸຍາດ, ກະຊວງ ປທສ ເປັນຜູ້ຄຸ້ມຄອງພື້ນຖານໂຄງລ່າງອິນເຕີເນັດ, ຮັບຮອງຄວາມຖືກຕ້ອງທາງເອເລັກໂຕຣນິກ (CA) ແລະ ຄວາມປອດໄພໃນການສົ່ງ-ຮັບຂໍ້ມູນ, ທະນາຄານກາງ ເປັນຜູ້ຄຸ້ມຄອງການໂອນຈ່າຍ-ຮັບເງິນທາງເອເລັກໂຕຣນິກ, ແລະ ກະຊວງການເງິນແມ່ນຄຸ້ມຄອງການເກັບພາສີ ແລະ ອາກອນ ເປັນຕົ້ນ. ທັງນີ້ ເພື່ອຮັບປະກັນການເຊື່ອມໂຍງກັບ e-Commerce ຂອງສາກົນ, ປົກປ້ອງຜົນປະໂຫຍດຂອງຜູ້ຊົມໃຊ້ ພ້ອມທັງສາມາດເກັບລາຍຮັບເຂົ້າງົບປະມານຂອງລັດໄດ້ຢ່າງຄົບຖ້ວນ.

ທ່ານ ປອ ທະວີສັກ ມະໂນທັມ ໄດ້ກ່າວບາງຕອນວ່າ: “ວຽກງານການຄຸ້ມຄອງ e-Commerce ບໍ່ແມ່ນວຽກຂອງກະຊວງໃດໜຶ່ງ ແຕ່ມັນໄດ້ຕິດພັນ ແລະ ຮຽກຮ້ອງໃຫ້ມີການປະສານງານ ແລະ ຮ່ວມມືຂອງຫຼາຍກະຊວງ, ທີ່ຜ່ານມາ ກະຊວງ ປທສ ແມ່ນໄດ້ສຳເລັດການສ້າງນິຕິກຳຫຼາຍຢ່າງ ເພື່ອຄຸ້ມຄອງບໍລິການຜ່ານອິນເຕີເນັດ ເປັນຕົ້ນ ກົດໝາຍ ICT, ກົດໝາຍຕ້ານອາດສະຍາກຳທາງຄອມພິວເຕີ, ກົດໝາຍປົກປ້ອງຂໍ້ມູນຂ່າວສານ, ດຳລັດ Data Center ແລະ ອື່ນໆ”. ດັ່ງນັ້ນ, ເພື່ອເຮັດໃຫ້ໄດ້ຕາມຄາດໝາຍດັ່ງກ່າວ ຈຶ່ງຕ້ອງໄດ້ມີການສ້າງ ແລະ ປັບປຸງຄືນບັນດານິຕິກຳຈຳນວນໜຶ່ງ, ເພີ່ມທະວີການປະສານງານ ແລະ ຮ່ວມມືແລກປ່ຽນຂໍ້ມູນກັນຂອງບັນດາກະຊວງທີ່ກ່ຽວຂ້ອງ ຈຶ່ງຈະເຮັດໃຫ້ການຄຸ້ມຄອງ ແລະ ພັດທະນາ e-Commerce ມີປະສິດທິພາບ ແລະ ຫັນການພັດທະນາເສດຖະກິດສູ່ເສດຖະກິດແບບດິຈິຕອນ ຂັບເຄື່ອນປະເທດລາວໃຫ້ຫຼຸດພົ້ນຈາກປະເທດກຳລັງພັດທະນາ.

ໂດຍ: ກົມໄອທີ, ປທສ.