ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 1,559
  • ມື້ວານ651
  • ອາທິດນີ້10,662
  • ອາທິດກ່ອນ5,790
  • ເດືອນນີ້12,571
  • ເດືອນກ່ອນ28,282
  • ທັງໝົດ356,943
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ທ່ານ ທັນສະໄໝ ກົມມະສິດ ຕ້ອນຮັບ ຄະນະຜູ້ແທນພາກພື້ນຂອງສະພາທຸລະກິດອາຊຽນ-ສ. ອາເມລິກາ

ທ່ານ ທັນສະໄໝ ກົມມະສິດ ລັດຖະມົນຕີ ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ (ປທສ) ໄດ້ຕ້ອນຮັບການຢ້ຽມຂໍ່ານັບຂອງ ທ່ານ ໄມເຄິ້ນ ດັບເບີ້ນຢູ. ມິຊາລັກ (Michael W. Michalak), ຮອງປະທານ ສະພາອາວຸໂສ, ຜູ້ຈັດການລະດັບພາກພຶ້ນຂອງສະຫະພາບທຸລະກິດອາຊຽນ-ສ. ອາເມລິກາ ແລະທ່ານ ນາງ ຣີນ່າ ບິດເຕີ (Rena Bitter) ເອກອັກຄະລັດຖະທູດ ຜູ້ມີອໍານາດເຕັມແຫ່ງ ສະຫະລັດອາເມຣິກາ ປະຈໍາ ສປປ ລາວ ພ້ອມດ້ວຍຄະນະ ບໍລິສັດທີ່ພັດທະນາ ແລະ ບໍລິການ ດ້ານ ໄອຊີທີ ບໍລິສັດ ໄມໂຄຣຊອບ (Microsoft), ໃນວັນທີ 31 ສິງຫານີ້, ທີ່ຫ້ອງຮັບແຂກ ກະຊວງ ດັ່ງກ່າວ.

ໃນໂອກາດນີ້ ທ່ານ ລັດຖະມົນຕີ ກະຊວງ ປທສ ໄດ້ສະແດງຄວາມຍິນດີຕ້ອນຮັບ, ຊົມເຊີຍ ພ້ອມທັງ ຕີລາຄາສູງ ຕໍ່ການຢ້ຽມຢາມ ຂອງຄະນະດັ່ງກ່າວ. ຊຶ່ງໃນໄລຍະຜ່ານມາ ພາຍໃຕ້ຂອບການຮ່ວມມື ອາຊຽນ-ສ. ອາເມລິກາ (ASEAN – US) ກະຊວງ ປທສ ແລະ ສ. ອາເມລິກາ ກໍ່ຄືບໍລິສັດ ໄມໂຄຣຊອບ (Microsoft) ໄດ້ມີການຮ່ວມມືກັນ ລົງນາມ ເຊັນບົດບັນທຶກຄວາມເຂົ້າໃຈໃນການສ້າງຄວາມອາດສາມາດທາງດ້ານ ICT ໃຫ້ໄວໜຸ່ມ ແລະ ການໃຫ້ທຶນໄປຝຶກອົບຮົມ, ການໄປຖອດຖອນບົດຮຽນຢູ່ບໍລິສັດ ໄມໂຄຣຊອບ (Microsoft) ຂອງຄະນະ ກະຊວງ ປທສ. ພ້ອມນີ້, ຍັງໄດ້ມີການແລກປ່ຽນຄຳຄິດຄຳເຫັນກ່ຽວກັບ ການຂະຫຍາຍຕົວ ຂອງວຽກງານ ICT, ພາລະບົດບາດ ຂອງຂະແໜງການ ໃນການປະກອບສ່ວນເຂົ້າໃນການພັດທະນາ ເສດຖະກິດ-ສັງຄົມ ກໍຄືການຮັບໃຊ້ແກ່ທຸກຂະແໜງການ ທັງພາກລັດ ແລະ ເອກະຊົນ ໃນການຍົກສູງປະສິດທິພາບໃນການບໍລິຫານ ແລະ ການບໍລິການຂອງພາກລັດ ເພື່ອສ້າງຄວາມເຂັ້ມແຂງໃຫ້ພາກທຸລະກິດ ແລະ ຍົກສູງລະດັບຊີວິດການເປັນຢູ່ຂອງປະຊາຊົນ.

ໃນຕອນທ້າຍ ທ່ານ ໄມເຄິ້ນ ດັບເບີ້ນຢູ. ມິຊາລັກ ໄດ້ສະແດງ ຄວາມຂອບໃຈ ທີ່ທ່ານ ລັດຖະມົນຕີ ກະຊວງ ປທສ ໄດ້ສະຫຼະເວລາ ອັນມີຄ່າ ຕ້ອນຮັບການເຂົ້າຢ້ຽມ ຂໍ່ານັບໃນຄັ້ງນີ້ ຢ່າງອົບອຸ່ນ, ເປັນກັນເອງ ແລະ ອຳນວຍ ຄວາມສະດວກ ໃນໄລຍະການ ຢ້ຽມຢາມ ດັ່ງກ່າວ.

ໂດຍ: ຄອນສະຫວັນ ແກ້ວໂສພາ, ປທສ.