ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 1,558
  • ມື້ວານ651
  • ອາທິດນີ້10,661
  • ອາທິດກ່ອນ5,790
  • ເດືອນນີ້12,570
  • ເດືອນກ່ອນ28,282
  • ທັງໝົດ356,942
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ດໍາເນີນວຽກງານ ການແຈ້ງຊັບສິນ ແລະ ລາຍຮັບ ຮອບທີ II

ເພື່ອເປັນການຜັນຂະຫຍາຍ ແລະ ຈັດຕັ້ງປະຕິບັດ ເນື້ອໃນຈິດໃຈອັນສຳຄັນ ແຜນຍຸດທະສາດຕ້ານການສໍ້ລາດບັງຫຼວງ ໃນຂົງເຂດ ປທສ. ກະຊວງ ໄປສະນີ ໂທລະຄົມມະນ່ຄົມ ແລະການສື່ສານ (ປທສ) ຈຶ່ງໄດ້ຈັດກອງປະຊຸມເຜີຍແຜ່ ການແຈ້ງຊັບສິນ ແລະ ລາຍຮັບ ຮອບທີ II ຂຶ້ນເມື່ອບໍ່ດົນມານີ້, ທີ່ສະຖາບັນເຕັກໂນໂລຊີການສື່ສານ ຂໍ້ມູນ-ຂ່າວສານ. ໂດຍການເປັນປະທານຂອງ ທ່ານ ທອງໃສ ຊານໄຊຍະ ຮອງເລຂາຄະນະພັກ, ປະທານກວດກາ, ຮອງລັດຖະມົນຕີ ກະຊວງ ປທສ, ໃຫ້ກຽດເຜີຍແຜ່ເອກະສານໂດຍ ທ່ານ ເທບພະໄທ ພັນກ້າ ຮອງຫົວໜ້າກົມກວດກາຕ້ານການສໍ້ລາດບັງຫຼວງ ຈາກອົງການກວດກາລັດຖະບານ ມີບັນດາ ຜູ້ເຮັດວຽກງານກວດກາ ຂອງບັນດາກົມ/ທຽບເທົ່າ ແລະ ບໍລິສັດ ລັດວິສາຫະກິດ ທີ່ຂື້ນກັບການຄຸ້ມຄອງ ຂອງກະຊວງ ປທສ ທັງໝົດເຂົ້າຮ່ວມ.

ໃນພິທີ ໄດ້ມີການເຜີຍແຜ່ ບົດແນະນຳຂອງອົງການກວດກາລັດຖະບານ ສະບັບເລກທີ 46/ອກລ, ລົງວັນທີ 20 ກຸມພາ 2017 ວ່າດ້ວຍການຈັດຕັ້ງປະຕິບັດດຳລັດການແຈ້ງຊັບສິນ ແລະ ລາຍຮັບ (ສະບັບປັບປຸງ) ແລະ ໄດ້ແນະນຳການຂຽນແບບຟອມການແຈ້ງຊັບສິນ ເພື່ອເຮັດໃຫ້ພະນັກງານ-ລັດຖະກອນ ອ້ອມຂ້າງກະຊວງ ປທສ ໄດ້ຮັບຮູ້ ແລະ ເຂົ້າໃຈ, ມີຄວາມເປັນເອກະພາບ ແລະ ເປັນເຈົ້າການໃນການຈັດຕັ້ງປະຕິບັດດ້ວຍຄວາມຮັບຜິດຊອບສູງ ແນໃສ່ເຮັດໃຫ້ການແຈ້ງຊັບສິນ ແລະ ລາຍຮັບ ຮອບທີ II ນີ້ໄດ້ດຳເນີນໄປຢ່າງຖືກຕ້ອງ, ຈະແຈ້ງ, ຄົບຖ້ວນ, ມີຄວາມໂປ່ງໃສ ແລະ ທັນຕາມກຳນົດເວລາ. ຊຶ່ງການແຈ້ງຊັບ ສິນ ແລະ ລາຍຮັບຖືວ່າເປັນ ພັນທະ ແລະ ໜ້າທີ່ຂອງພະນັກງານ - ລັດຖະກອນ ໝົດທຸກຄົນ ທີ່ຕ້ອງຈັດຕັ້ງປະຕິບັດຕາມທີ່ໄດ້ກຳນົດໄວ້ໃນກົດໝາຍ ແລະ ລະບຽບການຕ່າງໆທີ່ກ່ຽວຂ້ອງ.

ຜ່ານກອງປະຊຸມເຜີຍແຜ່ດັ່ງກ່າວ ເຫັນໄດ້ວ່າພະນັກງານ-ລັດຖະກອນ ແຕ່ລະທ່ານໄດ້ເອົາໃຈໃສ່ຮັບຟັງ,ແລກປ່ຽນບົດຮຽນເຊິ່ງກັນ ແລະ ກັນ, ມັນສະແດງອອກໃຫ້ເຫັນໄດ້ວ່າ ແຕ່ລະທ່ານໄດ້ປະກອບສ່ວນ ຕັ້ງຄຳຖາມຕໍ່ບັນຫາທີ່ຕົນບໍ່ທັນເຂົ້າໃຈ ແລະ ໄດ້ຮັບການແກ້ຂໍ້ຂ້ອງຢ່າງຊັດເຈນຈາກນັກສຳມະນາກອນ ຈົນສາມາດນຳໄປຈັດຕັ້ງປະຕິບັດໃຫ້ໄດ້ຮັບປະສິດທິພາບ ແລະ ປະສິດທິຜົນສູງສຸດ.

ໂດຍ: ທ່ານ ອາພິສິດ ພົມມະວົງ, ປທສ.