ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 1,584
  • ມື້ວານ651
  • ອາທິດນີ້10,687
  • ອາທິດກ່ອນ5,790
  • ເດືອນນີ້12,596
  • ເດືອນກ່ອນ28,282
  • ທັງໝົດ356,968
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ສະເຫຼີມສະຫຼອງວັນສ້າງຕັ້ງສະຫະພັນແມ່ຍິງລາວ

ສະຫະພັນແມ່ຍິງ ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດງານ ສະເຫຼີມສະຫຼອງວັນສ້າງຕັ້ງສະຫະພັນແມ່ຍິງລາວ ຄົບຮອບ 62 ປີ (20 ກໍລະກົດ 1955 ເຖິງ 20 ກໍລະກົດ 2017) ຂຶ້ນໃນວັນທີ 18 ກໍລະກົດ 2017 ນີ້, ທີ່ກະຊວງ ປທສ . ພ້ອມກັນນັ້ນ ໄດ້ຈັດພິທີປາຖາກະຖາ ໃນຫົວຂໍ້: “ແມ່ຍິງໃນຍຸກໃໝ່ກັບການປ່ຽນແປງເສດຖະກິດ ແລະ ສະພາບການຂອງໂລກໃນຍຸກເຊື່ອມໂຍງ. ພາຍໃຕ້ການເປັນປະທານກ່າວເປີດພິທີຂອງ ສະຫາຍ ພູຂົງ ຈິດຮູບໂລກ ຄະນະພັກກະຊວງ, ຫົວໜ້າກົມແຜນການ ແລະການຮ່ວມມື ກະຊວງ ປທສ, ໃຫ້ກຽດຂຶ້ນບັນຍາຍເອກະສານ ສະຫາຍ ນາງ ສິລິກິດ ບຸບຜາ, ຮອງປະທານ ຄະນະບໍລິຫານງານສູນກາງສະຫະພັນແມ່ຍິງລາວ ມີເອື້ອຍນ້ອງສະຫະະພັນແມ່ຍິງ ອ້ອມຂ້າງກະຊວງ ປທສ ເຂົ້າຮ່ວມ.

ໃນການຈັດປາຖະກະຖາໃນຄັ້ງນີ້ ກໍ່ເພື່ອເປັນການສ້າງໃຫ້ເອື້ອຍນ້ອງແມ່ຍິງໄດ້ຮັບຮູ້ ແລະ ເຂົ້າໃຈກັບສະພາບການຫັນປ່ຽນດ້ານຕ່າງໆໃນພາກພື້ນ ແລະ ສາກົນ, ຊຶ່ງຈະຊ່ວຍໃຫ້ເອື້ອຍນ້ອງແມ່ຍິງໄດ້ປັບປຸງ ແລະ ພັດທະນາ ຮູບແບບການນຳພາຄຸ້ມຄອງ ແລະ ການປະຕິບັດວຽກງານວິຊາສະເພາະຕ່າງໆ ໃຫ້ສອດຄ່ອງກັບສະພາບການຫັນປ່ຽນ ໂດຍສະເພາະ ໃນຂະແໜງໄປສະນີ,ໂທລະຄົມມະນາຄົມ ແລະ ການສື່ສານ ຂອງພວກເຮົາ ຕ້ອງໄດ້ຝຶກຝົນຫຼໍ່ຫຼອມຄວາມຮູ້, ຄວາມສາມາດຂອງຕົນຢ່າງຕໍ່ເນື່ອງ ແລະ ເປັນປົກກະຕິ, ເຊິ່ງການປາຖະກະຖາໃນຄັ້ງນີ້ ກໍ່ເປັນອີກໜຶ່ງເງື່ອນໄຂທີ່ຊ່ວຍຊຸກຍູ້ເອື້ອຍນ້ອງແມ່ຍິງໃຫ້ມີການພັດທະນາຕົນເອງ ແລະ ອົງກອນຂອງຕົນໃຫ້ມີປະສິດທິພາບຍິ່ງໆຂຶ້ນໄປ.

ພ້ອມນີ້, ສະຫະພັນແມ່ຍິງກະຊວງ ປທສ ກໍຍັງໄດ້ສ້າງກິດຈະກຳ ແລະ ຂະບວນການຕ່າງໆຢ່າງຟົດຟື້ນ ເພື່ອຂ່ຳນັບຮັບຕ້ອນວັນສຳຄັນດັ່ງກ່າວເຊັ່ນ: ການໄປຢ້ຽມຢາມ ແລະ ແລກປ່ຽນບົດຮຽນຢູ່ຕະຫຼາດຫຼັກຊັບລາວ ໃນຕອນເຊົ້າວັນທີ 13 ກໍລະກົດ 2017, ໂດຍມີຄະນະສະຫະພັນແມ່ຍິງກະຊວງ ປທສ ພ້ອມດ້ວຍເອື້ອຍນ້ອງແມ່ຍິງ ຈຳນວນ 100 ສະຫາຍ ແລະ ຕອນບາຍຂອງວັນດຽວກັນຄະນະສະຫະພັນແມ່ຍິງກະຊວງ ປທສ ພ້ອມດ້ວຍເອື້ອຍນ້ອງແມ່ຍິງ ຈຳນວນ 60 ສະຫາຍ ກໍໄດ້ເຂົ້າຢ້ຽມຊົມຫໍມູນເຊຶ້ອສະຫະພັນແມ່ຍິງລາວ, ທີ່ສູນຝຶກອົບຮົມຂອງສູນກາງສະຫະພັນແມ່ຍິງລາວ.

ໂດຍ: ສະຫະພັນແມ່ຍິງ ກະຊວງ ປທສ