ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 451
  • ມື້ວານ1,359
  • ອາທິດນີ້1,810
  • ອາທິດກ່ອນ7,501
  • ເດືອນນີ້18,578
  • ເດືອນກ່ອນ43,980
  • ທັງໝົດ301,410
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ຝຶກອົບຮົມສ້າງຄວາມເຂັ້ມແຂງວຽກງານແຜນການໃຫ້ພະແນກ ປທສ 10 ແຂວງພາກເໜືອ

ກົມແຜນການ ແລະ ການຮ່ວມມື, ກະຊວງ ປທສ ໄດ້ເປີດຊຸດຝຶກອົບຮົມສ້າງຄວາມເຂັ້ມແຂງວຽກງານແຜນ ການໃຫ້ພະແນກ ປທສ 10 ແຂວງພາກເໜືອ ທີ່ພະແນກ ປທສ ເເຂວງອຸດົມໄຊ ໃນລະຫວ່າງວັນທີ 05-06 ກໍລະ ກົດ 2017 ທີ່ຜ່ານມາ. ເປັນກຽດກ່າວເປີດໂດຍ ທ່ານ ເສົານະຄອນ ເພັດວິຫານ ຮອງຫົວໜ້າກົມແຜນການ ແລະ ການຮ່ວມມື ແລະ ການເປັນປະທານຮ່ວມຂອງທ່ານ ຫຸມພັນ ບຸບຜາຄຳ ຫົວໜ້າພະແນກ ປທສ ແຂວງອຸດົມໄຊ ແລະ ມີນັກສຳມະນາກອນເຂົ້າຮ່ວມຈຳນວນ 45 ທ່ານໂດຍມີຄະນະພະແນກ, ຫົວໜ້າຂະແໜງ ແລະ ວິຊາການຄະນະຮັບຜິດຊອບວຽກແຜນການຈາກພະແນກ ປທສ 10 ແຂວງພາກເໜືອ.

ທ່ານ ເສົານະຄອນ ເພັດວິຫານ ໄດ້ກ່າວຈຸດປະສົງ ແລະ ວາລະໃນການຈັດຝຶກອົມຮົມກ່ຽວກັບວຽກງານແຜນການເຊິ່ງເປັນວຽກໜຶ່ງທີ່ສຳຄັນ ແລະ ຈຳເປັນຕ້ອງຍົກລະດັບຄວາມຮູ້, ຄວາມສາມາດ, ຄວາມຊຳນິຊຳນານໃນການຂຽນໂຄງການໃຫ້ຖືກຕ້ອງ ແລະ ສອດຄ່ອງກັບແຜນພັດທະນາຂອງຂະແໜງ ປທສ ໃນຕໍ່ໜ້າ.

ໃນການຈັດຝຶກອົບຮົມຄັ້ງນີ້, ຈຸດປະສົງເພື່ອຕິດຕາມຊຸກຍູ້ການຈັດຕັ້ງປະຕິບັດແຜນພັດທະນາ 5 ປີຄັ້ງທີ II (2016-2020) ຂອງຂະແໜງ ປທສ ເວົ້າລວມເວົ້າສະເພາະແມ່ນແຜນງານປີ 2017 ໃຫ້ບັນລຸຈຸດປະສົງ ແລະ ລະດັບຄາດໝາຍທີ່ກຳນົດໄວ້, ເພື່ອຍົກລະດັບຄວາມຮູ້ຄວາມສາມາດໃນການຂຽນບົດສະເໜີໂຄງການການຕາມແບບຟອມຂອງກະຊວງແຜນການ ແລະ ການລົງທຶນ ໃຫ້ແກ່ບັນດາພະນັກງານຮັບຜິດຊອບວຽກແຜນການຂອງພະແນກ ປທສ ແຂວງໃຫ້ມີຄວາມຊຳນານເຂົ້າໃຈໃນດ້ານຫຼັກການ, ການຂຽນໂຄງການເປັນຕົ້ນແມ່ນການກຳນົດຈຸດ ປະສົງ, ເປົ້າໝາຍ, ບັນດາຕົວຊີ້ວັດຜົນໄດ້ຮັບ, ຜົນກະທົບຂອງໂຄງການຕະຫຼອດເຖິງການຕິດຕາມກວດກາປະເມີນຜົນ. ນອກນັ້ນຕາງໜ້າພະແນກ ປທສ 10 ແຂວງ ພາກເໜືອ ໄດ້ຂື້ນຜ່ານສະພາບການຈັດຕັ້ງປະຕິບັດວຽກງານການ ເຄື່ອນໄຫວຂອງແຂວງຕົນໃນໄລຍະ 6 ເດືອນຕົ້ນປີທີ່ຜ່ານມາສະເໜີຂໍ້ສະດວກ,ຂໍ້ຄົງຄ້າງ ແລະ ວິທີແກ້ໄຂໃນຕໍ່ໜ້າ.

ຜ່ານຈາກການຝຶກອົບຮົມໃນຄັ້ງນີ້ເຫັນວ່າ: ບັນດານັກສຳມະນາກອນໄດ້ຕິດຕາມການນຳສະເໜີບົດດ້ວຍ ຄວາມເອົາໃຈໃສ ແລະ ຈະໄດ້ນຳເອົາບົດຮຽນໄປສືບຕໍ່ຜັນຂະຫຍາຍໃນ ການຈັດຕັ້ງປະຕິບັດໃນໜ້າວຽກທີ່ຕົນເອງຮັບຜິດຊອບ ໃຫ້ມີປະສິດທິຜົນສູງຂື້ນທັງໝົດກໍ່ເພື່ອໃຫ້ບັນລຸເປົ້າໝາຍທີ່ກຳນົດໄວ້ໃນແຜນພັດທະນາປະຈຳປີກໍ່ຄືແຜນພັດທະນາ 5 ປີຂອງຂະແໜງການ.

ໂດຍ: ກົມແຜນການ ແລະ ການຮ່ວມມື, ພະແນກແຜນການ