ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 1,056
  • ມື້ວານ998
  • ອາທິດນີ້4,206
  • ອາທິດກ່ອນ6,922
  • ເດືອນນີ້17,588
  • ເດືອນກ່ອນ30,760
  • ທັງໝົດ223,055
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ງານແຂ່ງຂັນ ໄອຊີທີລາວ 2017

ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ ( ປທສ) ໄດ້ຈັດງານແຂ່ງຂັນ ໄອຊີທີລາວ 2017 ຫຼື Lao ICT Award 2017 ຂຶ້ນ ໃນວັນທີ 12 ກໍລະກົດ 2017 ທີ່ ສະໜາມກິລາບູໂດ, ຊຶ່ງເປັນກຽດຮ່ວມໂດຍ ທ່ານ ບຸນສະເຫຼີມໄຊ ເຄນນາວົງ, ຮອງລັດຖະມົນຕີ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ, ພ້ອມດ້ວຍແຂກທີ່ຖືກເຊີນ ຈາກບັນດາກະຊວງ, ອົງການທຽບເທົ່າ, ບໍລິສັດທາງດ້ານໄອຊີທີ, ທະນາຄານ, ຫົວໜ່ວຍທຸລະກິດ ແລະ ສະຖາບັນການສຶກສາຕ່າງໆ.

ງານແຂ່ງຂັນ ແຂ່ງຂັນໄອຊີທີລາວ 2017 ໄດ້ຈັດຂື້ນໃນວັນດຽວ ຊຶ່ງພາກເຊົ້າແມ່ນການແຂ່ງຂັນນຳສະເໜີຜະລິດຕະພັນໄອຊີທີຂອງຜູ້ເຂົ້າແຂ່ງຂັນທັງໝົດ 10 ທິມ ທີ່ແບ່ງອອກເປັນ 6 ໝວດ ຄື

1. ໝວດກ່ຽວກັບພາກລັດ 2. ໝວດກ່ຽວກັບພາກເອກະຊົນ, 3. ໝວດເພື່ອສັງຄົມ, 4. ໝວດເນື້ອໃນດິຈິຕອນ, 5. ໝວດບໍລິສັດສ້າງຕັ້ງໃໝ່ ດ້ານໄອຊີທີ ແລະ 6. ໝວດຄົ້ນຄ້ວາ-ພັດທະນາ ດ້ານໄອຊີທີ,

ສ່ວນພາກບ່າຍ ແມ່ນເລີ່ມຕົ້ນດ້ວຍການຈັດກິດຈະກຳແຈກຂອງລາງວັນຈາກຜູ້ສະໜັບສະໜູນ ພ້ອມດ້ວຍການຈັດສຳມະນາ ໃຫ້ແກ່ຜູ້ເຂົ້າຊົມ. ຫຼັງຈາກນັ້ນ ກໍ່ເຂົ້າສູ່ພິທີງານປະກາດຜົນລາງວັນການແຂ່ງຂັນ ໄອຊີທີລາວ 2017 ຢ່າງເປັນທາງການ. ຊຶ່ງໃນງານປະກາດຜົນລາງວັນນີ້ ທ່ານ ບຸນສະເຫຼີມໄຊ ເຄນນາວົງ, ຮອງລັດຖະມົນຕີ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ ໄດ້ໃຫ້ກຽດຂື້ນກ່າວ ໂດຍມີບາງເນື້ອໃນ ຄື ການຈັດການແຂ່ງຂັນ ໄອຊີທີລາວ ຫຼື Lao ICT Award ກໍ່ເປັນແຜນງານໜຶ່ງໃນນອນໃນແຜນພັດທະນາ ຂະແໜງການ ໄປສະນີ ໂທລະຄົມມະນາຄົມ ແລະ ການສື່ສານ ທີ່ຄະນະພັກກະຊວງ ປທສ ກໍ່ໄດ້ໃຫ້ບູລິມາສິດ ໃນການຈັດຕັ້ງປະຕິບັດ ເພາະເຫັນໄດ້ເຖິງຄວາມສຳຄັນຂອງການແຂ່ງຂັນດັ່ງກ່າວ ຊຶ່ງມັນບໍ່ພຽງແຕ່ສົ່ງເສີມການແຂ່ງຂັນ ໃນການພັດທະນາໄອຊີທີ ແຕ່ມັນຍັງເປັນການໃຫ້ໂອກາດແກ່ ນັກພັດທະນາໄອຊີທີຮຸ້ນໃໝ່ ຫຼື ບໍລິສັດໄອຊີທີລາຍໃໝ່ ຫຼື ທີ່ເອີ້ນວ່າ Start Up ໄດ້ສ້າງຊື່ສຽງ ແລະ ໜ້າເຊື່ອຖືໃຫ້ແກ່ສັງຄົມລາວ ຫຼື ກ້າວໄປໄກ່ສູ່ລະດັບສາກົນ. ນອກຈາກນັ້ນ ທ່ານໄດ້ກ່າວຕື່ມວ່າ ເຖິງແມ່ນວ່າຜູ້ເຂົ້າປະກວດ ຍັງບໍ່ມີຫຼາຍ ຄືກັບປະເທດອ້ອມຂ້າງ ແຕ່ກໍ່ຈະເປັນຈຸດເລີ່ມຕົ້ນໃຫ້ແກ່ການສົ່ງເສີມການພັດທະນາໃນອະນາຄົດ ຊຶ່ງເຫັນໄດ້ຈາກຜະລິດຕະພັນທີ່ສົ່ງເຂົ້າ ປະກວດ ສ່ວນຫຼາຍກໍ່ຢູ່ໃນໝວດ ເນື້ອໃນເອເລັກໂຕຣນິກ (Digital Content) ຊຶ່ງສິ່ງນີ້ ຈະເປັນບາດກ້າວສຳຄັນໃນການຊຸກສູ້ ໃຫ້ຄົນລາວເຮົາມີແຫຼ່ງຂໍ້ມູນເທິງອິນເຕີເນັດທີ່ເປັນພາສາລາວຫຼາຍຂຶ້ນ ແລະ ກໍ່ຈະເປັນສ່ວນສຳຄັນໃຫ້ມີການເຊື່ອມຕໍ່ໂຄງລາງພື້ນຖານພາຍໃນປະເທດຫຼາຍຂື້ນ ແລະ ສົ່ງຜົນໃຫ້ອິນເຕີເນັດພາຍໃນປະເທດກໍ່ຈະໄວຂື້ນ.

ການແຂ່ງຂັນຄັ້ງນີ້ ຜະລິດຕະພັນຊະນະເລີດ ແມ່ນ Lao Autism Talks ຊຶ່ງໄດ້ຮັບໂລ້ລາງວັນ ພ້ອມດ້ວຍເງິນສົດ 8 ລ້ານກີບ ແລະ ຄອມພິວເຕີໂນດບຸກ 1 ເຄື່ອງ. ຜະລິດຕະພັນໄດ້ຮອງຊະນະເລີດອັນດັບ 1 ແມ່ນ TOHLAO Coworking space and Service ຊຶ່ງໄດ້ຮັບໂລ້ລາງວັນ ພ້ອມດ້ວຍເງິນສົດ 6 ລ້ານກີບ ແລະ ໂທລະສັບມືຖື 1 ເຄື່ອງ ແລະ ຜະລິດຕະພັນໄດ້ຮອງຊະນະເລີດອັນດັບ 2 ແມ່ນ Bizgital Company ຊຶ່ງໄດ້ຮັບໂລ້ລາງວັນ ພ້ອມດ້ວຍເງິນສົດ 4 ລ້ານກີບ ແລະ ແທັບເລັດ 1 ເຄື່ອງ, ລາງວັນພິເສດ ແມ່ນ Font midma ແລະລາງວັນຊົມເຊີຍໄດ້ແກ່ Vaivai taxi app, lao PDR trade portal ແລະ Lao navid ຜະລິດຕະພັນດີເດັ່ນໃນການປະກວດຄັ້ງນີ້ ຈະໄດ້ຮັບບູລິມາສິດ ໃນການເຂົ້າປະກວດການແຂ່ງຂັນໄອຊີທີລະດັບອາຊຽນທີ່ປະເທດກຳປູເຈຍໃນທ້າຍປີນີ້.

ງານ Lao ICT Award 2017 ປີນີ້ ຈັດຂຶ້ນໂດຍການຮ່ວມມືສະໜັບສະໜຸນ ແລະ ອຸປະຖຳຈາກຫຼາຍພາກສ່ວນເປັນຕົ້ນແມ່ນ ບັນດາກະຊວງ, ສະມາຄົມ ໄອຊີທີລາວ, ບັນດາບໍລິສັດ ເຊັ່ນ: ລັດວິສາຫະກິດ ລາວໂທລະຄົມ, ບໍລິສັດ Unitel, ກຸ່ມບໍລິສັດ Kolao, ບໍລິສັດ TVS (ALO), ບໍລິສັດ ETL, ບໍລິສັດ Cyberia, ບໍລິສັດ DataCom, ບໍລິສັດ MicroInfo, SkyTelecom ແລະ ບໍລິສັດອື່ນໆ.

ໂດຍ: ທ່ານ ອຳພອນສັກ ເທບພູມີ.