ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 1,049
  • ມື້ວານ998
  • ອາທິດນີ້4,199
  • ອາທິດກ່ອນ6,922
  • ເດືອນນີ້17,581
  • ເດືອນກ່ອນ30,760
  • ທັງໝົດ223,048
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ກອງປະຊຸມລັດຖະມົນຕີ ໄອຊີເອັມ 2017

ທ່ານ ບຸນສະເຫຼີມໄຊ ເຄນນາວົງ ຮອງລັດຖະມົນຕີ ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ (ປທສ) ພ້ອມດ້ວຍຄະນະ ໄດ້ເຂົ້າຮ່ວມກອງປະຊຸມລະດັບລັດຖະມົນຕີ ໄອຊີເອັມ (the Ministerial Forum on ICM 2017) ທີ່ປະເທດ ສິງກະໂປ, ໃນລະຫວ່າງວັນທີ 22-23 ພຶດສະພາ 2017 ທີ່ຈັດຂຶ້ນໂດຍ ອົງການດັດສົມໂທລະຄົມສິງກະໂປ (IDA),. ພາຍໃຕ້ການເປັນປະທານຂອງ ທ່ານ Yaacob Ibrahim ລັດຖະມົນຕີກະຊວງ ຂໍ້ມູນຂ່າວສານ ແລະ ການສື່ສານ. ມີການເຂົ້າຮ່ວມຂອງ ບັນດາລັດຖະມົນຕີຈາກ 13 ປະເທດ ໃນຂົງເຂດອາຊີປາຊິຟິກ ແລະ ອົງການຈັດຕັ້ງພາກພື້ນ ເຊັ່ນ: ອົງການໂທລະຄົມມະນາ ຄົມອາຊີປາຊີຟິກ (APT), ຕາງໜ້າກອງເລຂາອາຊຽນ ແລະ ຊ່ຽວຊານຈາກ ສະພາເສດຖະກິດສາກົນ (WEF). ກອງປະຊຸມລັດຖະມົນຕີ ໄອຊີເອັມ 2017 ຈັດຂື້ນພາຍໃຕ້ຄໍາຂວັນ “ຄວາມກ້າວໜ້າຂອງຍຸກເສດຖະກິດດິຈິຕອນ”, ຊຶ່ງຫົວຂໍ້ດັ່ງກ່າວ ແມ່ນປະເດັນທີ່ທົ່ວໂລກກໍາລັງໃຫ້ຄວາມສົນໃຈຕໍ່ກັບການຫັນປ່ຽນໄປສູ່ເສດຖະກິດຍຸກດິຈິຕອນ.

ໃນກອງປະຊຸມໄດ້ປຶກສາຫາລືກ່ຽວກັບ (1) ບົດບາດຄວາມສໍາຄັນຂອງການຫັນປ່ຽນນະວັດຕະກໍາໃໝ່ ທີ່ຈະນໍາມາຊຶ່ງໂອກາດ ແລະ ສິ່ງທ້າທາຍຕໍ່ເສດຖະກິດສັງຄົມໃນຍຸກເສດຖະກິດດິຈິຕອນ. ຊື່ງໄດ້ຍົກເອົາເຫດການ, ຜົນກະທົບ ແລະ ຄວາມສໍາຄັນໃນການນໍາໃຊ້ ເຕັກໂນໂລຊີສື່ສານ-ຂໍ້ມູນຂ່າວສານ ໃນການຫັນປ່ຽນເປັນຍຸກອຸດສາຫະກໍາ 4.0 ຂອງ ປະເທດທີ່ພັດທະນາຈາກທົ່ວໂລກ, ເປັນຕົ້ນການນໍາໃຊ້ຫຸ່ນຍົນ ໃນອຸດສາຫະກໍາການບໍລິການ, ການພັດທະນາ ແລະ ຄວາມສາມາດຂອງການຮຽນຮູ້ຂອງເຄື່ອງຈັກ ແລະ ຄວາມສາມາດຂອງການບໍລິການ ຈາກຖານຂໍ້ມູນຂະໜາດໃຫຍ່ ທີ່ຈະອໍານວຍຄວາມສະດວກໃຫ້ທຸກຂະແໜງການໃນການດໍາເນີນງານ; (2) ວິທີການໃນການຮັບມືຂອງລັດຖະບານ ໂດຍສະເພາະການວາງນະໂຍບາຍ ແລະ ການດັດສົມທີ່ເໝາະກັບສະພາບຂອງການພັດທະນາ ໃນການຫັນປ່ຽນໄປສູ່ເສດຖະກິດ ແລະ ອຸດສາຫະກໍາຮູບແບບໃໝ່ ເພື່ອການພັດທະນາທີ່ຍືນຍົງ, (3) ແນວທາງຂ້າງໜ້າສູ່ເສດຖະກິດິຈິຕອນ ເປັນຕົ້ນ ວິທີການໃນການສົ່ງເສີມການຮ່ວມມືລະຫວ່າງ ລັດຖະບານ ແລະ ພາກທຸລະກິດ, ລັດຖະບານ ແລະ ປະຊາຊົນ ໃນການສ້າງສະພາບແວດລ້ອມ ແລະ ເງື່ອນໄຂໃຫ້ ທຸລະກິດຮູບແບບໃຫມ່, ສ້າງເງື່ອນໄຂທີ່ອໍານວຍຄວາມສະດວກ ທີ່ສາມາດຕອບສະຫນອງການບໍລິການຫຼາກຫຼາຍຮູບແບບ, ຫຼາກຫຼາຍສີສັນ ເພື່ອໃຫ້ທຸກພາກສ່ວນ ໄດ້ມີສ່ວນຮ່ວມສ້າງແນວທາງທີ່ເປັນຍຸດທະສາດ ແລະ ສອດຄ່ອງກັນຍິ່ງຂຶ້ນ. ພ້ອມດຽວກັນ ກໍ່ຕ້ອງໄດ້ເອົາໃຈໃສ່ບັນຫາ ຄວາມປອດໄພຂອງຂໍ້ມູນຂ່າວສານ, ການປ້ອງກັນຂໍ້ມູນສ່ວນບຸກຄົນ, ເພື່ອເຮັດໃຫ້ການນໍາໃຊ້ເຕັກໂນໂລຊີສື່ສານ-ຂໍ້ມູນຂ່າວສານເກີດປະໂຫຍດໃນທາງບວກ ແລະ ກໍ່ເພື່ອຫຼຸດຜ່ອນຄວາມສ່ຽງໃນທາງລົບ.

ໃນໂອກາດດັ່ງກ່າວ ທ່ານ ບຸນສະເຫຼີມໄຊ ເຄນນາວົງ ພ້ອມດ້ວຍຄະນະຜູ້ແທນທັງໝົດ ໄດ້ເຂົ້າຮ່ວມພິທິເປີດງານ ການແລກປ່ຽນທາງທຸລະກິດຂອງຜູ້ປະກອບການໄອຊີທີ ແລະສື່ມວນຊົນ. ພ້ອມທັງ, ຢ້ຽມຊົມງານວາງສະແດງ CommunicAsia 2017, BroadcastAsia 2017 ແລະ EnterpriseIT 2017 ທີ່ ສູນວາງສະແດງ SUNTEC ແລະ Marina Bay Sands. ໃນງານວາງສະແດງ ມີບັນດາບໍລິສັດຜູ້ປະກອບການໂທລະຄົມມະນາຄົມ, ໄອຊີທີ, ຜູ້ປະກອບການດ້ານໂທລະພາບ, ວິທະຍຸ, ອຸດສາຫະກໍາດ້ານສື່ ແລະ ເນື້ອຫາ ຈາກພາກລັດ ແລະ ເອກະຊົນ ຂອງ ສິງກະໂປ. ນອກນັ້ນ, ກໍ່ຍັງມີຜູ້ວາງສະແດງຈາກພາກພື້ນ ແລະ ສາກົນ ເຂົ້າຮ່ວມສະແດງບັນດາການຄົ້ນຄ້ວາ, ນະວັດຕະກໍາ, ການບໍລິການ ແລະ ຜະລິດຕະພັນ. ພ້ອມນີ້, ໃນງານຍັງມີຈຸດວາງສະແດງໃຫ້ແກ່ ສະຕາດອັບ ແລະ ຜູ້ປະກອບການເຕັກໂນໂລຊີ ຂະໜາດນ້ອຍ ແລະກາງ (Tech-SME) ທີ່ມາຮ່ວມສະແດງຜົນງານ ຊື່ງເປັນການສ້າງໂອກາດໃຫ້ແກ່ການຮ່ວມມືທາງທຸລະກິດຂອງບັນດາຜູ້ປະກອບການ. ໃນໂອກາດດັ່ງກ່າວນີ້, ທ່ານ ຮອງລັດຖະມົນຕີ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ ພ້ອມດ້ວຍຄະນະ ຍັງໄດ້ຢ້ຽມຊົມຫ້ອງວາງສະແດງຂອງ ບໍລິສັດ ດາວທຽມລາວ ເອເຊຍ ປາຊິຟິກ, ຜູ້ໃຫ້ບໍລິການ ການສື່ສານດາວທຽມລາວ ໃນຈຸດທີ່ຕັ້ງ 128.5 ອົງສາຕາເວັນອອກ, ທີ່ເປັນໜື່ງໃນບັນດາຜູ້ວາງສະແດງຕ່າງຊາດ ໃນງານ CommunicAsia2017.

ງານວາງສະແດງແມ່ນຈັດຂື້ນປະຈໍາປີ, ຊື່ງບັນດາທ່ານຜູ້ສົນໃຈໃນການເຂົ້າຮ່ວມງານສາມາດເຂົ້າຕິດຕາມໄດ້ທີ່ http://www.visit-imbx.com

ໂດຍ: ວັນນະພາ ພົມມະທັນສີ