ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 924
  • ມື້ວານ1,049
  • ອາທິດນີ້3,076
  • ອາທິດກ່ອນ6,922
  • ເດືອນນີ້16,458
  • ເດືອນກ່ອນ30,760
  • ທັງໝົດ221,925
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ຈັດຝຶກອົບຮົມໃຫ້ແກ່ລັດຖະກອນໃໝ່.

ກະຊວງໄປສະນີ, ໂທລະຄົມມະນາຄົມ ແລະການສື່ສານ (ປທສ) ໄດ້ເປີດພິທີຝຶກອົບຮົມໃຫ້ແກ່ລັດຖະກອນໃໝ່ ໃນວັນທີ 29 ພຶດສະພາ ຜ່ານມານີ້, ທີ່ສະຖາບັນເຕັກໂນໂລຊີສື່ສານຂໍ້ມູນຂ່າວສານ. ພິທີຈັດຊຸດຝຶກອົບຮົມໃນຄັ້ງນີ້ໄດ້ດໍາເນີນໄປເປັນເວລາ 3 ວັນ ລະຫວ່າງວັນທີ 29-31 ພຶດສະພາ 2017. ເປັນກຽດກ່າວເປີດພີທີໂດຍ ທ່ານ ຄໍາພູ ດວງຖະໜອມ ຫົວໜ້າກົມຈັດຕັ້ງ-ພະນັກງານ ກະຊວງ ປທສ, ໂດຍມີນັກວິທະຍາກອນຈາກ ສະຖາບັນຄົ້ນຄວ້າວິທະຍາສາດ ການປົກຄອງ ແລະຝຶກອົບຮົມ, ກະຊວງ ພາຍໃນ 3 ທ່ານ ແລະມີນັກສໍາມະກອນເຂົ້າຮ່ວມຝຶກອົບຮົມ ລວມທັງໝົດ 32 ທ່ານ.

ຈຸດປະສົງ ໃນການຈັດຊຸດຝຶກອົບຮົມໃນຄັ້ງນີ້ ກໍ່ເພື່ອເປັນການຍົກລະດັບຄວາມຮູ້ຄວາມສາ ມາດໃຫ້ກັບພະນັກງານລັດຖະກອນໃໝ່ ຂອງບັນດາກົມ ພາຍໃນກະຊວງ ປທສ ແລະ ເຮັດໃຫ້ຜູ້ເຂົ້າຮ່ວມຝຶກອົບຮົມ ເຫັນໄດ້ເຖິງຄວາມໝາຍຄວາມສໍາຄັນຂອງກົດໝາຍພະນັກງານ-ລັດຖະກອນ, ກໍ່ຄືລະບຽບເຂົ້າເປັນລັດຖະກອນ. ນອກຈາກນີ້, ຍັງມີຫົວຂໍ້ທີ່ກ່ຽວຂ້ອງກັນເຊັ່ນ: ຈັນຍາບັນຂອງລັດຖະກອນ, ການບໍລິຫານເອກະສານ, ຄຸ້ມຄອງ ແລະສໍາເນົາເອກະສານ, ວຽກງານພິທີການ ແລະມາລະຍາດທາງສັງຄົມ.

ຜ່ານການຝຶກອົບຮົມ ນັກສໍາມະນາກອນທັງໝົດສາມາດສາມາດຮຽນຮູ້ ແລະ ເຂົ້າໃຈຢ່າງຈະແຈ້ງເຖິງລະບຽບກົດໝາຍພະນັກງານ-ລັດຖະກອນ, ການຮ່າງເອກະສານທີ່ຖືກຕ້ອງ ເຮັດໃຫ້ພະນັກ ງານລັດຖະກອນໃໝ່ ສາມມາດກໍາແໜ້ນເຖິງ ຂັ້ນຕອນຕ່າງໆ ທີ່ໄດ້ຮຽນມາ ນໍາມາພັດທະນາຕົວເອງ ແລະ ໜູນໃຊ້ເຂົ້າໃນວຽກງານຕົວຈິງ ເພື່ອເຮັດໃຫ້ວຽກງານໃນການຈັດຕັ້ງຂອງຕົນໄດ້ຮັບໝາກຜົນທາງດ້ານປະລິມານ ແລະ ຄຸນນະພາບ.

ໂດຍ: ຫ້ອງການ, ພະແນກປະຊາສໍາພັນ.