ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 316
  • ມື້ວານ901
  • ອາທິດນີ້8,768
  • ອາທິດກ່ອນ5,790
  • ເດືອນນີ້10,677
  • ເດືອນກ່ອນ28,282
  • ທັງໝົດ355,049
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ສຳເລັດການເຂົ້າຮ່ວມ ຝຶກອົບຮົມວຽກງານກວດກາພັກ-ລັດ ຊຸດທີ່ III

ກົມກວດກາ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ ສໍາເລັດການເຂົ້າຮ່ວມກອງປະຊຸມຝຶກອົບຮົມວຽກງານກວດກາພັກ-ລັດ ຊຸດທີ່ III ທີ່ໄດ້ຈັດຂື້ນ ເມື່ອບໍ່ດົນມານີ້, ທີ່ ຫ້ອງສະໂມສອນໃຫຍ່ ຂອງຄະນະກວດກາສູນກາງພັກ (ຫຼັກ 06), ນະຄອນຫຼວງວຽງຈັນ. ເປັນກຽດກ່າວເປິດພິທີໂດຍ ທ່ານ ຄຳສວນ ຈັນທະວົງ ຄະນະພັກ, ຮອງປະທານຄະນະກວດກາສູນກາງພັກ. ມີນັກສໍາມະນາກອນຈາກກົມກວດກາ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ , ຈາກກົມກວດກາ ກະຊວງ ຖະແຫຼງຂ່າວ, ວັດຖະນະທຳ ແລະ ທ່ອງທ່ຽວ ພ້ອມດ້ວຍບັນດາກົມອ້ອມຂ້າງ ຄະນະກວດກາສູນກາງພັກ ແລະ ອົງການກວດກາລັດຖະບານເຂົ້າຮ່ວມ.

\ພິທີຈັດຊຸດຝຶກອົບຮົມຄັ້ງນີ້ ໄດ້ດໍາເນີນໄປເປັນໄລຍະເວລາ 9 ວັນ (ລະຫວ່າງວັນທີ 24 ເມສາ ເຖີງວັນທີ 05 ພຶດສະພາ 2017). ຊຶ່ງນັກສຳມະນາກອນທັງໝົດໄດ້ຮ່ຳຮຽນບົດຮຽນຈຳນວນ 12 ບົດ ທີ່ເປັນພື້ນຖານກ່ຽວກັບວຽກງານຕິດຕາມ-ກວດກາ; ວຽກງານການສະກັດກັ້ນ ແລະ ຕ້ານການສໍ້ລາດບັງຫຼວງ; ວຽກງານແກ້ໄຂຄຳຮ້ອງຟ້ອງ, ຮ້ອງທຸກ ແລະ ຄຳສະເໜີ ແລະ ນິຕິກຳອື່ນໆ ທີ່ກ່ຽວຂ້ອງ. ນອກນັ້ນ ກໍ່ຍັງໄດ້ປະກອບຄຳເຫັນ, ແລກປ່ຽນບົດຮຽນນຳຄູອາຈານ ແລະ ນັກສຳມະນາກອນດ້ວຍກັນ, ເຮັດໃຫ້ມີເນື້ອໃນ ແລະ ບັນຍາກາດທີ່ດີ. ຜ່ານການຝຶກອົບຮົມໃນຄັ້ງນີ້ ນັກສຳມະນາກອນສາມາດຍົກລະດັບຄວາມຮູ້-ຄວາມສາມາດທາງທິດສະດີ ແລະ ບົດຮຽນຈາກພຶດຕິກຳຕົວຈິງ ກ່ຽວກັບວຽກງານຕິດຕາມ-ກວດກາ ຈຳນວນໜຶ່ງ ແລະ ສາມາດປະເມີນຜົນໄດ້ວ່າ ນັກສຳມະນາກອນເຂົ້າໃຈໄດ້ໃນລະດັບດີ.

ໃນໂອກາດສໍາເລັດການຝຶກອົບຮົມໃນຄັ້ງນີ້, ໂດຍການເປັນກຽດເຂົ້າຮ່ວມຂອງ ທ່ານ ດາວບົວລະພາ ບາວົງເພັດ ຄະນະພັກ, ຮອງປະທານຄະນະກວດກາສູນກາງພັກ. ໃນຂະນະດຽວກັນ, ຄະນະຈັດຕັ້ງກອງປະຊຸມຝຶກອົບຮົມວຽກງານກວດກາພັກ-ລັດ ໄດ້ກ່າວສະຫຼຸບການຝຶກອົບຮົມ ແລະ ໄດ້ມີພິທີ ການມອບໃບຢັ້ງຢືນ ໃຫ້ແກ່ ນັກສຳມະນາກອນ ທີ່ໄດ້ສຳເລັດການເຂົ້າຮ່ວມຝຶກໃນຄັ້ງນີ້ ທັງໝົດ 50 ທ່ານ.

ໂດຍ: ພຸດທະສັກ ບຸນສຸດທະວີ.