ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 1,049
  • ມື້ວານ998
  • ອາທິດນີ້4,199
  • ອາທິດກ່ອນ6,922
  • ເດືອນນີ້17,581
  • ເດືອນກ່ອນ30,760
  • ທັງໝົດ223,048
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ເຜີຍແຜ່ມູນເຊື້ອຊາວໝຸ່ມປະຊາຊົນປະຕິວັດລາວ ຄົບຮອບ 62ປີ

ຄະນະບໍລິຫານງານຊາວໜຸ່ມ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ ໄດ້ຈັດພິທີປາຖະກະຖາຫວນຄືນມູນເຊື້ອ ວັນສ້າງຕັ້ງ ຄະນະຊາວໜຸ່ມປະຊາຊົນປະຕິວັດລາວ (ຄຊປປລ) ຄົບຮອບ 62 ປີ (14.4.1955-14.4.2017) ຂື້ນເມື່ອວັນທີ 27 ເມສາ ນີ້, ທີ່ ຫ້ອງປະຊຸມ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ). ມີການເຂົ້າຮ່ວມຂອງ ສະຫາຍ ແກ້ວວີສຸກ ໂສລະພົມ ກຳມະການຄະນະບໍລິຫານງານສູນກາງ ຄຊປປລ, ເລຂາຄະນະບໍລິຫານງານ ຊາວຫນຸ່ມ ກະຊວງ ປທສ ພ້ອມດ້ວຍແຂກທີ່ຖືກເຊີນ.

ຄະນະເລຂາຊາວໝຸ່ມ ກະຊວງ ປທສ ໄດ້ຍົກໃຫ້ເຫັນເຖິງປະຫວັດການກຳເນີດ ແລະ ການເຕີບໃຫຍ່ຂະຫຍາຍຕົວຂອງກຳລັງຊາວໜຸ່ມປະຊາຊົນປະຕິວັດລາວໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ກໍຄືການຕໍ່ສູ້ກູ້ຊາດຕ້ານກັບຈັກກະພັດຜູ້ຮຸກຮານໃນສະໄໝສົງຄາມ ຊື່ງຍາມໃດຊາວໜຸ່ມກໍ່ໄດ້ເປັນກຳລັງແຮງໃນການຕໍ່ສູ້ເພື່ອຍາດເອົາໄຊຊະນະມາສູ່ປວງຊົນລາວ ດັ່ງຄຳເວົ້າຂອງທ່ານ ປະທານ ໄກສອນ ພົມວິຫານ ເຄີຍໄດ້ໃຫ້ນາມມະຍົດໄວ້ວ່າ: “ຊາວໜຸ່ມຈົ່ງເປັນດັ່ງນົກອິນຊີ ທີ່ບໍ່ຫວັ່ນກົວຕໍ່ພາຍຸລົມແດງ ຈົ່ງກາຍເປັນສິນໄຊແຫ່ງຍຸກສະໄໝຂອງພວກເຮົາ”. ເປັນຜູ້ສືບທອດທີ່ຈົ່ງຮັກພັກດີຂອງປະເທດຊາດ ມີບົດບາດສຳຄັນໃນການຕໍ່ສູ້ເພື່ອປົກປັກຮັກສາ ແລະ ສ້າງສາພັດທະນາປະເທດຊາດຂອງພວກເຮົາ. ໃນໄລຍະຜ່ານມາ ຊາວໜຸ່ມກະຊວງ ປທສ ກໍໄດ້ຍຶດໝັ້ນທັດສະນະ ຖືເອົາວຽກງານສຶກສາອົບຮົມການເມືອງ ແນວຄິດເປັນກົກ, ມີຄວາມຮັບຮູ້ເຊື່ອມຊຶມ ເຂົ້າໃຈ ແລະ ເຊື່ອໝັ້ນຕໍ່ການນຳພາຂອງພັກ ຈົ່ງຮັກພັກດີ ເດັດດ່ຽວໜຽວແໜ້ນເພື່ອພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ.ເວົ້າລວມ ເວົ້າສະເພາະ ແມ່ນການປະກອບສ່ວນໃນທຸກວຽກງານວິຊາສະເພາະ ຂອງ ຂະແໜງການ ໄປສະນີ,ໂທລະຄົມມະນາຄົມ ແລະ ການສື່ສານ ເຂົ້າໃນວຽກງານສຳຄັນຕ່າງໆຂອງກະຊວງ ແລະ ຂອງຊາດ, ເປັນຕົ້ນແມ່ນ ໄດ້ເຂົ້າຮ່ວມຮັບໃຊ້ກອງປະຊຸມສຸດຍອດອາຊຽນ ຄັ້ງທີ 28, 29; ພິທີສະເຫຼີມສະຫຼອງວັນຊາດທີ່ 2 ທັນວາ ແລະ ກອງປະຊຸມອື່ນທີ່ສໍາຄັນລະດັບຊາດ ແລະ ສາກົນທີ່ ສປປລາວ ເປັນເຈົ້າພາບ, ລະດົມເຄື່ອງອຸປະໂພກບໍລິໂພກທີ່ຈຳເປັນເພື່ອສົ່ງໄປຊ່ວຍເຫຼືອຜູ້ທີ່ປະສົບໄພໜາວທາງພາກເໜືອ, ການບໍລິຈາກເລືອດ, ຈັດຕັ້ງຂະບວນການອອກແຮງລວມ, ສ້າງຂະບວນການກິລາ ແລະ ອື່ນໆ.

ໃນໂອກາດນີ້, ຄະນະເລຂາຊາວໜຸ່ມ ກະຊວງ ປທສ ກໍ່ໄດ້ມີທິດທາງໃນການຊຸກຍູ້ ແລະ ກໍ່ສ້າງໜ່ວຍຊາວໜຸ່ມ ໃຫ້ກາຍເປັນຊາວໜຸ່ມ ຄົນຍຸກໃຫມ່ ໄດ້ຮັບຮູ້ຄວາມໝາຍ ແລະ ຄວາມສຳຄັນຂອງວຽກງານຊາວໜຸ່ມໃນການປະກອບສ່ວນເຂົ້າໃນການສ້າງສາປະເທດຊາດໃນໄລຍະໃໝ່, ສະມາຊິກຊາວໜຸ່ມທຸກສະຫາຍຄວນຕັ້ງໜ້າຝືກຝົນຫຼໍ່ຫຼອມຕົນເອງ ແລະ ນຳໄປເປັນແບບຢ່າງໃນການຈັດຕັ້ງປະຕິບັດວຽກງານ ປະກອບສ່ວນເຂົ້າໃນພາລະກິດປ່ຽນແປງ ໃໝ່ກໍຄືພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃຫ້ມີຄວາມຈະເລີນ ຂຶ້ນເລື້ອຍໆ. ພ້ອມທັງເອົາໃຈໃສປະຕິບັດຂະບວນການ 4 ບຸກຂອງ ຄຊປປລ ກະຊວງ ປທສ ວາງໄວ້ໃຫ້ປະກົດຜົນເປັນຈິງ, ຕ້ານບັນດາປະກົດການຫຍໍ້ທໍ້ຕ່າງໆທີ່ເກີດຂື້ນໂດຍສະເພາະແມ່ນຜ່ານທາງສື່ສັງຄົມອອນລາຍ.

ໂດຍ: ພວງປະເສີດ ແກ້ວສຸວັນ.