ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 453
  • ມື້ວານ1,359
  • ອາທິດນີ້1,812
  • ອາທິດກ່ອນ7,501
  • ເດືອນນີ້18,580
  • ເດືອນກ່ອນ43,980
  • ທັງໝົດ301,412
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ຈັດກອງປະຊຸມເປີດກວ້າງໃຫ້ ສສຊ ປະກອບຄຳເຫັນໃສ່ 2 ຮ່າງກົດໝາຍ.

ເພື່ອຮັບປະກັນໃຫ້ເນື້ອໃນກົດໝາຍ ວ່າດ້ວຍ ການປົກປ້ອງຂໍ້ມູນເອເລັກໂຕຣນິກ ແລະ ຮ່າງກົດໝາຍວ່າດ້ວຍ ຄື້ນຄວາມຖີ່ວິທະຍຸສື່ສານ ທີ່ຈະນຳເຂົ້າພິຈາລະນາໃນກອງປະຊຸມສະໄໝສາມັນເທ່ືອທີ 3 ຂອງສະພາແຫ່ງຊາດຊຸດທີ VIII ໃຫ້ມີເນື້ອໃນຄົບຖ້ວນ, ຮັດກຸມ, ສາມາດຈັດຕັ້ງປະຕິບັດໄດ້ ແລະ ສອດຄ່ອງກັບສະພາບການຂະຫຍາຍຕົວທາງດ້ານ ເສດຖະກິດ-ສັງຄົມ ຂອງປະເທດເຮົາໃນໄລຍະໃໝ່. ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ຮ່ວມກັບສະພາແຫ່ງຊາດ ຈຶ່ງໄດ້ຈັດກອງປະຊຸມກວດກາເນື້່ອໃນຮອບດ້ານຕໍ່ຮ່າງກົດໝາຍວ່າດ້ວຍການປົກປ້ອງຂໍ້ມູນເອເລັກໂຕຣນິກ ແລະ ຮ່າງກົດໝາຍວ່າດ້ວຍຄວາມຖີ່ວິທະຍຸສື່ສານຂື້ນ ໃນວັນທີ 06 ເມສາ ທີ່ຜ່ານມານີ້ ທີ່ເມືອງວຽງຄຳ ແຂວງວຽງຈັນ ໂດຍການເປັນປະທານຂອງທ່ານ ທ່ານ ທອງໃສ ຊານໄຊຍະ ຮອງລັດຖະມົນຕີກະຊວງ ປທສ ແລະ ທ່ານ ບຸນປອນ ສີສຸລາດ ປະທານກຳມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ, ສະພາແຫ່ງຊາດ ພ້ອມດ້ວຍ ສສຊ ຈາກສູນກາງ ແລະ ທ້ອງຖິ່ນທົ່ວປະເທດເຂົ້າຮ່ວມ.

ການດຳເນີນກອງປະຊຸມຄັ້ງນີ້ ທາງຄະນະຮັບຜິດຊອບສ້າງກົດໝາຍຂອງ ປທສ ໄດ້ສະເໜີບົດຄວາມເຂົ້າໃຈພື້ນຖານ ແລະ ວີດີໂອກ່ຽວກັບຄື້່ນຄວາມຖີ່ ໃຫ້ບັນດາ ສສຊ ເພື່ອສ້າງຄວາມເຂົ້າໃຈ ແລະ ເປັນຂໍ້ມູນໃນການປະກອບຄຳຄິດເຫັນໃສ່ຮ່າງກົດໝາຍດັ່ງກ່າວ, ໃນໂອກາດດັ່ງກ່າວນີ້ ສສຊ ທັງຂັ້ນສູນກາງ ແລະ ທ້ອງຖິ່ນກໍ່ໄດ້ພ້ອມກັນຄົ້ນຄວ້າ ແລະ ປະກອບຄໍາເຫັນຢ່າງກວ້າງຂວາງໃສ່ຮ່າງກົດໝາຍວ່າດ້ວຍ ການປົກປ້ອງຂໍ້ມູນເອເລັກໂຕຣນິກ ແລະ ຮ່າງກົດໝາຍວ່າດ້ວຍ ຄື້ນຄວາມຖີ່ວິທະຍຸສື່ສານ ເພື່ອເປັນບ່ອນອີງໃຫ້ຄະນະຮັບຜິດຊອບນຳໄປປັບປຸງໃສ່ເນື້ອໃນຂອງຮ່າງກົດ ໝາຍດັ່ງກ່າວໃຫ້ມີເນື້ອໃນຄົບຖ້ວນ, ຮັດກຸມ, ຈະແຈ້ງ ແລະ ສອດຄ່ອງກັບສະພາບຄວາມເປັນຈິງ ກໍຄືສະພາບການຂະຫຍາຍຕົວທາງດ້ານເສດຖະກິດ-ສັງຄົມຂອງປະເທດເຮົາ ແລະ ສ້າງເງື່ອນໄຂຂອງການເຊື່ອມໂຍງເຂົ້າກັບພາກພື້ນ, ສາກົນ ແລະ ທີ່ສໍາຄັນຕ້ອງຮັບປະກັນໃຫ້ຮ່າງກົດໝາຍທີ່ຈະນໍາເຂົ້າກອງປະຊຸມສະພາແຫ່ງຊາດມີຄວາມຊັດເຈນ, ເຂົ້າໃຈງ່າຍ, ມີຄວາມວ່ອງໄວ, ໃຊ້ເວລາສັ້ນກະທັດຮັດ ແຕ່ຮັບປະກັນໃຫ້ເນື້ອໃນຂອງກົດໝາຍຖືກຕ້ອງຕາມແນວທາງຂອງພັກ-ລັດ ເພື່ອໃຫ້ສອດຄ່ອງກັບຄວາມມຸ້ງມາດປາດຖະໝາຂອງປະຊາຊົນບັນດາເຜົ່າ.

ໂດຍ: ພະແນກປະຊາສຳພັນ, ຫ້ອງການກະຊວງ ປທສ.