ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 1,044
  • ມື້ວານ998
  • ອາທິດນີ້4,194
  • ອາທິດກ່ອນ6,922
  • ເດືອນນີ້17,576
  • ເດືອນກ່ອນ30,760
  • ທັງໝົດ223,043
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ແຂ່ງຂັນກິລາ ຊິງຂັນຄະນະບໍລິຫານງານຊາວໜຸ່ມກະຊວງ ປທສ

ຄະນະບໍລິຫານງານຊາວໝຸ່ມ ກະຊວງໄປສະນີ ໂທລະຄົມມະນາຄົມ ແລະ ການສື່ສານ ໄດ້ເປີດພິທີສ້າງຂະບວນການແຂ່ງຂັນກິລາ ພາຍໃນກະຊວງ ແລະ ບໍລິສັດອ້ອມຂ້າງກະຊວງ ເພື່ອຊີງຂັນຄະນະບໍລິຫານງານຊາວໝຸ່ມ ກະຊວງ ປທສ ແລະ ອອກແຮງງານລວມອ້ອມຂ້າງສຳນັກງານຂອງຕົນ, ໃນວັນທີ 31/03/2017 ທີຜ່ານມານີ້, ພາຍໃຕ້ການເປັນປະທານຂອງທ່ານ ທ່ານ ບຸນສະເຫຼີມໄຊ ເຄນນາວົງ ຄະນະປະຈຳພັກ, ຮອງລັດຖະມົນຕີ ກະຊວງ ປທສ ແລະ ທ່ານ ແກ້ວວິສຸກ ໂສລະພົມ ເລຂາ ຄຊປປລ ກະຊວງ ປທສ, ຕ່າງໜ້າຈາກບັນດາຄະນະພັກຮາກຖານອ້ອມຂ້າງ ກະຊວງ ປທສ, ແຂກທີ່ຖຶກເຊີນ ແລະ ຄະນະນັກກິລາຈາກບັນດາກົມ, ສູນ ແລະ ບໍລິສັດໂທລະຄົມມະນາຄົມອ້ອມຂ້າງກະຊວງເຂົ້າຮ່ວມ.

ການແຂ່ງຂັນກິລາຄັ້ງນີ້ ແມ່ນເພື່ອເປັນການສ້າງຂະບວນການສະເຫຼີມສະຫຼອງວັນສ້າງຕັ້ງພັກປະຊາຊົນປະຕິບັດລາວ ແລະ ວັນສ້າງຕັ້ງຊາວໜຸ່ມປະຊາຊົນປະຕິບັດລາວ ຄົບຮອບ 62 ປີ ເຊີ່ງການແຂ່ງຂັນເລີ່ມແຕ່ວັນທີ 21-31/03/2017, ໃຫ້ມີຄວາມໝາຍຄວາມສຳຄັນ ແລະເປັນການສ້າງເງື່ອນໄຂໃຫ້ນັກກິລາຂອງຊາວໜຸ່ມ ກະຊວງ ປທສ ໄດ້ມີໂອກາດພົບປະ ແລະ ແລກປ່ຽນບົດຮຽນເຊີ່ງກັນ ແລະ ກັນ, ສ້າງຄວາມສາມັກຄີຮັກແພງພ້ອມກັນ. ຊື່ງການແຂ່ງຂັນມີຢູ 2 ປະເພດຄື: ກິລາບານເຕະ ແລະ ກິລາເປຕັງ ຊາຍ-ຍິງ ການແຂ່ງຂັນກິລາໃນຄັ້ງນີ້, ເຕັມໄປດ້ວຍບັນຍາກາດເບີກບານມ່ວນຊື່ນ ແລະ ເຕັມໄປດ້ວຍບັນຍາກາດທີ່ດີ ໂດຍຜົນການແຂ່ງກິລາບານເຕະຊາຍທີມຊະນະເລີດແມ່ນທີມຮາກຖານຊາວໝຸ່ມ ບໍລິສັດ ອີທີແອລ ມະຫາຊົນ, ຮອງຊະນະເລີດແມ່ນທີມຮາກຖານຊາວໝຸ່ມ ບໍລິສັດລັດວິສາຫະກິດລາວໄປສະນີລາວ, ກິລາບານເຕະຍິງທີມຊະນະເລີດແມ່ນທີມຮາກຖານຊາວໝຸ່ມ ບໍລິສັດ ອີທີແອລ ມະຫາຊົນ, ຮອງຊະນະເລີດ ແມ່ນທີມຮາກຖານຊາວໝຸ່ມ ບໍລິສັດລັດວິສາຫະກິດລາວໄປສະນີລາວ, ແລະ ຜົນການແຂ່ງກິລາເປຕັງຊາຍ ທີມຊະນະເລີດແມ່ນທີມຮາກຖານຊາວໝຸ່ມ ບໍລິສັດລັດວິສາຫະກິດລາວໂທລະຄົມມະນາຄົມ, ຮອງຊະນະເລີດແມ່ນທີມຮາກຖານຊາວໝຸ່ມ ສະຖາບັນໄປສະນີ,ໂທລະຄົມມະນາຄົມ ແລະ ການສື່ສານ, ກິລາເປຕັງຍິງທີມຊະນະເລີດແມ່ນທີມຮາກຖານຊາວໜຸ່ນກົມໂທລະຄົມມະນາຄົມ ຮອງຊະນະເລີດແມ່ນທີມຮາກຖານຊາວໝຸ່ມ ບໍລິສັດລັດວິສາຫະກິດລາວໄປສະນີລາວ.

ໃນໂອກາດນີ້, ທ່ານປະທານ ກໍ່ໄດ້ມອບຂັນ 1 ໜ່ວຍ ໃຫ້ກັບທີມຊະນະເລີດ, ຮອງສະນະເລີດ ທັງກິລາບານເຕະ ແລະ ກິລາເປຕັງ ຊາຍ-ຍິງ. ນັ້ນກໍ່ເປັນການເລືອກເອົານັກກິລາທີ່ມີພອນສະຫວັນກະກຽມເພື່ອສ້າງເງື່ອນໄຂໃຫ້ເປັນນັກກິລາຂອງ ກະຊວງໄປສະນີ ໂທລະຄົມມະນາຄົມ ແລະ ການສື່ສານ ໃນອານາຄົດ. ໃນວັນດຽວກັນພິທີກໍ່ປິດລົງຢ່າງເປັນທາງການ.

ໂດຍ: ທ່ານ ບຸນສັກດາ ພົມສະຫວັນ, ກົມໂທລະຄົມ.