ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 1,048
  • ມື້ວານ998
  • ອາທິດນີ້4,198
  • ອາທິດກ່ອນ6,922
  • ເດືອນນີ້17,580
  • ເດືອນກ່ອນ30,760
  • ທັງໝົດ223,047
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ສະຫຼຸບວຽກງານກວດກາປີ 2016 ແລະ ທິດທາງແຜນການ ປະຈຳປີ 2017.

ກອງປະຊຸມ ສະຫຼຸບວຽກງານກວດກາ ປະຈຳປີ 2016 ແລະ ທິດທາງແຜນການ ປະຈຳປີ 2017 ຂອງ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ແລະ ເຜີຍແຜ່ ການຈັດຕັ້ງປະຕິບັດດຳລັດວ່າດ້ວຍ ການແຈ້ງຊັບສິນ ແລະ ລາຍຮັບ (ສະບັບປັບປຸງ), ໄດ້ຈັດຂື້ນ ໃນຕອນເຊົ້າຂອງ ວັນທີ 28 ມີນາ 2017 ນີ້, ທີ່ ສະຖາບັນເຕັກໂນໂລຊີຂໍ້ມູນຂ່າວສານ. ໂດຍການເປັນປະທານຂອງ ທ່ານ ທອງໃສ ຊານໄຊຍະ ຮອງເລຂາຄະນະພັກ, ປະທານຄະນະກວດກາຄະນະພັກ, ຮອງລັດຖະມົນຕີ ກະຊວງ ປທສ, ມີບັນດາພາກສ່ວນກ່ຽວຂ້ອງເຂົ້າຮ່ວມ.

ກອງປະຊຸມໃນຄັ້ງນີ້, ບັນດາຜູ້ເຂົ້າຮ່ວມໄດ້ພ້ອມກັນຮັບຟັງການເຜີຍແຜ່ ຜັນຂະຫຍາຍເນື້ອໃນຈິດໃຈກອງປະຊຸມວຽກງານກວດກາ ທົ່ວປະເທດ ປະຈຳປີ 2016 ຂອງຄະນະກວດກາສູນກາງພັກ ພ້ອມທັງໄດ້ເຊື່ອມຊຶມ ບົດແນະນໍາຂອງອົງການກວດກາລັດຖະບານ ສະບັບເລກທີ 46/ອກລ ກ່ຽວກັບການຈັດຕັ້ງປະຕິບັດດໍາລັດ ວ່າດ້ວຍການແຈ້ງຊັບສິນ (ສະບັບປັບປຸງ), ນອກຈາກນີ້ ຕາງໜ້າຈາກທຸກພາກສ່ວນ ອ້ອມຂ້າງກະຊວງ ປທສ ໄດ້ຮ່ວມຮັບຟັງ ແລະ ຜ່ານບົດສະຫຼຸບຕີລາຄາ ວຽກງານກວດກາ ປະຈຳປີ 2016 ແລະ ທິດທາງແຜນການ ປະຈຳປີ 2017 ຂອງກະຊວງ ປທສ, ພ້ອມດ້ວຍ ປະກອບຄວາມຄິດເຫັນ, ແລກປ່ຽນບົດຮຽນ ເພື່ອໃຫ້ບົດສະຫຼຸບມີເນື້ອໃນຄົບຖ້ວນ ແລະ ສົມບູນ. ນອກນັ້ນ, ຍັງເປັນການປະກອບສ່ວນສໍາຄັນໃນການຕິດຕາມ, ກວດກາ ເຊິ່ງສາມາດຊອກໃຫ້ເຫັນດ້ານດີ, ດ້ານອ່ອນຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ຂອງວຽກງານດັ່ງກ່າວ ເພື່ອນຳໄປຈັດຕັ້ງປະຕິບັດ ໃຫ້ຖືກຕ້ອງຕາມແນວທາງ ນະໂຍບາຍຂອງພັກ-ລັດ ເປັນຕົ້ນແມ່ນການປະຕິບັດ ມະຕິກອງປະຊຸມໃຫຍ່ຄັ້ງທີ X ຂອງພັກ. ພ້ອມດຽວກັນນີ້, ກອງປະຊຸມຍັງໄດ້ ປາຖະກະຖາວັນສ້າງຕັ້ງ ອົງການກວດກາພັກ-ລັດ ສປປ ລາວຄົບ ຮອບ 35 ປີ.

ໃນໂອກາດນີ້, ທ່ານຮອງລັດຖະມົນຕີ ໄດ້ມີຄໍາເຫັນ ແລະ ເນັ້ນຕື່ມໃຫ້ບັນດາຄະນະພັກ, ຄະນະກົມ ແລະ ບັນດາໜ່ວຍພັກ ໃຫ້ນຳເອົາເນື້ອໃນຈິດໃຈນຳໄປຜັນຂະຫຍາຍ ໝູນໃຊ້ເຂົ້າໃນວຽກງານຕົວຈິງ ແລະເອົາໃຈໃສ່ສຶກສາຮົບຮົມທາງດ້ານການເມືອງ ແນວຄິດໃຫ້ໝັກແໜ້ນ, ເຊື່ອມຊືມຢ່າງເລິກເຊິ່ງໂດຍສະເພາະມັດຕິກອງປະຊຸມໃຫຍ່ຂອງພັກຄັ້ງທີ 10 ແລະແຜນພັດທະນາເສດຖະກິດ-ສັງຄົມ ນອກຈາກນັ້ນ, ກ່ຽວກັບວຽກງານກວດກາ ແລະ ການສະກັດກັ້ນການສໍ້ລາດບັງຫຼວງ ຕ້ອງປະຕິບັດໃຫ້ໄດ້ຕາມເປົ້າໝາຍ ແລະ ປຽບສະເໝືອນເປັນຄວາມຮັບຜິດຊອບຂອງທຸກຄົນ ດັ່ງຄໍາເວົ້າທີ່ວ່າ: “ຖ້າບໍ່ມີການກວດກາ ກໍ່ໝາຍຄວາມວ່າບໍ່ມີການນຳພາ”, ພ້ອມນັ້ນ, ທ່ານຍັງໄດ້ເນັ້ນໜັກ ໃຫ້ເພີ່ມທະວີຄວາມຮັບຜິດຊອບຕໍ່ກັບວຽກງານຕິດຕາມກວດກາຢູ່ໃນຂົງເຂດຄວາມຮັບຜິດຊອບຂອງຕົ້ນຢ່າງສູງ ບໍ່ວ່າຈະເປັນທາງການຈັດຕັ້ງ ຫຼືບຸກຄົນ ຕ້ອງໄດ້ເຮັດຢ່າງເປັນປະຈຳແລະ ຕໍ່ເນື່ອງ. ພ້ອມດຽວກັນນັ້ນ, ຕ້ອງໄດ້ສະກັດກັ້ນແນວຄິດການສໍ້ຫຼາດບັງຫຼວງຢູ່ໃນຖັນແຖວການຈັດຕັ້ງຂອງພະນັກງານສະມາຊິກພັກ ແລະໃຫ້ພະນັກງານທຸກຄົນ, ການ ຈັດຕັ້ງທຸກຂັ້ນຕ້ອງໄດ້ເອົາໃຈໃສ່ໃນການຈັດຕັ້ງປັບປຸງຄະນະກວດກາທັງໝົດ ໃຫ້ໝັກແໜ້ນ ແລະ ເຂັ້ມແຂງ, ເອົາໃຈໃສ່ໃນການກໍ່ສ້າງບຳລຸງສ້າງທຸກເງື່ອນໄຂໃຫ້ສາມາດຈັດຕັ້ງປະຕິບັດ ຕາມພາລະບົດບາດຂອງຕົ້ນໄດ້.

ໂດຍ: ທ່ານ ພຸດທະສັກ ບຸນສຸດທະວີ, ກົມກວດກາ.