ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 1,052
  • ມື້ວານ998
  • ອາທິດນີ້4,202
  • ອາທິດກ່ອນ6,922
  • ເດືອນນີ້17,584
  • ເດືອນກ່ອນ30,760
  • ທັງໝົດ223,051
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ກວດກາເນື້ອໃນຮອບດ້ານຂອງຮ່າງກົດໝາຍ ວ່າດ້ວຍການປົກປ້ອງຂໍ້ມູນເອເລັກໂຕຣນິກ ແລະ ຮ່າງກົດໝາຍວ່າດ້ວຍ ຄື້ນຄວາມຖີ່ວິທະຍຸສື່ສານ.

ເພື່ອຮັບປະກັນທາງດ້ານເນື້ອໃນ ຂອງຮ່າງກົດກົດໝາຍວ່າດ້ວຍ ການປົກປ້ອງຂໍ້ມູນເອເລັກໂຕຣນິກ ແລະ ຮ່າງກົດໝາຍວ່າດ້ວຍ ຄື້ນຄວາມຖີ່ວິທະຍຸສື່ສານ ທີ່ຈະຜ່ານເຂົ້າ ພິຈາລະນາໃນກອງປະຊຸມສະໄໝສາມັນເທຶ່ອທີ 3 ຂອງະພາແຫ່ງຊາດຊຸດທີ VIII ໃຫ້ມີຄວາມກຽມພ້ອມຮອບດ້ານ ແລະ ເນື້ອໃນຄົບຖ້ວນ, ຮັດກຸມ, ຈະແຈ້ງ, ແທດເໝາະກັບສະພາບການຂະຫຍາຍຕົວທາງດ້ານເສດຖະກິດ-ສັງຄົມ ແລະ ສາມາດຈັດຕັ້ງປະຕິບັດໄດ້. ກະຊວງ ໄປສະນີ, ໂທລະຄົມມະນາຄົມ ແລະການສື່ສານ (ປທສ) ຮ່ວມກັບ ສະພາແຫ່ງຊາດ ຈຶ່ງໄດ້ຈັດກອງປະຊຸມກວດກາເນື້ອໃນຮອບດ້ານ ຮ່າງກົດກົດໝາຍວ່າດ້ວຍ ການປົກປ້ອງຂໍ້ມູນເອເລັກໂຕຣນິກ ແລະ ຮ່າງກົດໝາຍວ່າດ້ວຍ ຄື້ນຄວາມຖີ່ວິທະຍຸສື່ສານ ຂຶ້ນ, ໃນລະຫວ່າງວັນທີ 21-24 ມີນາ 2017, ທີ່ ທ່າລາດ, ເມືອງ ແກ້ວອຸດົມ, ແຂວງ ວຽງຈັນ. ໂດຍການເປັນປະທານຂອງ ທ່ານ ບຸນປອນ ສີສຸລາດ ປະທານກໍາມາທິການເສດຖະກິດ, ເຕັກໂນໂລຊີ ແລະສິ່ງແວດລ້ອມ, ສະພາແຫ່ງຊາດ ແລະ ທ່ານ ທອງໃສ ຊານໄຊຍະ ຮອງລັດຖະມົນຕີ ກະຊວງ ປທສ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ໃນປະຈຸບັນ ເຕັກໂນໂລຊີສື່ສານຂໍ້ມູນຂ່າວສານ ແມ່ນເປັນເຄື່ອງມືຫຼັກໃນການຂັບເຄື່ອນເສດຖະກິດມະຫາພາກ ຂອງປະເທດເຮົາ, ທັງຊ່ວຍເຊື່ອມໂຍງດ້ານຂໍ້ມູນຂ່າວສານຂອງບັນດາປະເທດໃນພາກພື້ນ ແລະສາກົນ ເຂົ້າດ້ວຍກັນ, ສ້າງທຸກເງື່ອນໄຂຄວາມສະດວກໃຫ້ແກ່ຂະແໜງການຕ່າງໆ ໃນການເຄື່ອນໄຫວວຽກງານຂອງຕົນ. ແຕ່ໃນທາງກັບກັນ ກໍ່ຍັງມີບັນຫາຕ່າງໆເຊັ່ນ: ການຖືກເຈາະລະບົບ ເພື່ອລັກເອົາຂໍ້ມູນຂ່າວສານ, ການປອມແປງຂໍ້ມູນ, ການທໍາລາຍຂໍ້ມູນ ແລະການສະກັດເອົາຂໍ້ມູນ ແລະ ໃນຂະນະດຽວກັນ, ວຽກງານໂທລະຄົມມະນາຄົມ ແລະການສື່ສານ, ຄື້ນຄວາມຖີ່ວິທະຍຸສື່ສານກໍ່ຖືເປັນວຽກງານໜຶ່ງທີ່ສໍາຄັນ ເພາະວ່າຄື້ນຄວາມຖີ່ ກໍ່ແມ່ນຊັບພະຍາກອນໂທລະຄົມມະນາຄົມ ທັງເປັນພາຫະນະທີ່ສໍາຄັນໃນການສື່ສານແບບບໍ່ມີສາຍ ຊຶ່ງວ່າໃນຍຸກປະຈຸບັນຄວາມຕ້ອງການນໍາໃຊ້ຄື້ນຄວາມຖີ່ວິທະຍຸສື່ສານກໍນັບມື້ນັບເພີ່ມຂຶ້ນ ແຕ່ ເປັນຊັບພະຍາກອນພັດຈໍາກັດ ສະນັ້ນ, ຕ້ອງໄດ້ມີການຄຸ້ມຄອງທີ່ດີ ຖ້າຄຸ້ມຄອງບໍ່ໄດ້ດີ ອາດຈະເສຍໂອກາດໃນການຊົມໃຊ້ ເຕັກໂນໂລຊີໃໝ່ທີ່ທັນສະໄໝ ແລະ ອາດສ້າງຜົນກະທົບທາງດ້ານລົບຕໍ່ວຽກງານປິ່ນອ້ອມ ໂດຍສະເພາະວຽກງານປ້ອງກັນຊາດປ້ອງກັນຄວາມສະຫງົບ.

ດັ່ງນັ້ນ, ເພື່ອໃຫ້ສອດຄ່ອງກັບສະພາບຄວາມເປັນຈິງ ໃນການພັດທະນາເສກຖະກິດ-ສັງຄົມ ແລະໃຫ້ທັນກັບການປ່ຽນແປງໃນໄລຍະໄໝ່ ຊ່ວຍໃຫ້ພາກລັດຖະບານ ມີເຄື່ອງມືໃນການຄຸ້ມຄອງ, ປົກປ້ອງຂໍ້ມູນເອເລັກໂຕຣນິກ ແລະ ຄື້ນຄວາມຖີ່ວິທະຍຸສື່ສານ ລວມທັງປົກປ້ອງສິດຂອງຜູ້ຊົມໃຊ້ ໃຫ້ໄດ້ຮັບຄວາມເປັນທໍາ ແລະປອດໄພ. ກະຊວງ ປທສ ຈຶ່ງໄດ້ຄົ້ນຄວ້າສ້າງຮ່າງກົດໝາຍ 2 ສະບັບນີ້ຂຶ້ນ, ໂດຍ ກົດໝາຍວ່າດ້ວຍການປົກປ້ອງຂໍ້ມູນເອເລັກໂຕຣນິກ ປະກອບມີ IX ພາກ, 4 ໝວດ, 55 ມາດຕາ ແລະ ຮ່າງກົດໝາຍວ່າດ້ວຍ ຄື້ນຄວາມຖີ່ວິທະຍຸສື່ສານປະກອບມີ XI ພາກ, 5 ໝວດ, 76 ມາດ ຕາ, ຮ່າງກົດໝາຍວ່າດ້ວຍ ຄື້ນຄວາມຖີ່ວິທະຍຸສື່ສານ ໄດ້ຖືກສ້າງເປັນດໍາລັດແລ້ວ ແລະໄດ້ຍົກລະດັບມາເປັນກົດໝາຍ. ໂດຍໄດ້ເລີ່ມຄົ້ນຄວ້າມາແຕ່ຕົ້ນປີ 2016, ພາຍຫຼັງ ໄດ້ຜ່ານກອງປະຊຸມເປີດກວ້າງພາຍໃນກະຊວງ ປທສ ແລະ ເປີດກວ້າງຮ່ວມກັບບັນດາກະຊວງທີ່ກ່ຽວຂ້ອງອ້ອມຂ້າງສູນກາງ, ບັນດາບໍລິສັດໂທລະຄົມມະນາຄົມ, ກ່ອນນໍາສົ່ງກະຊວງຍຸດຕິທໍາຮຽບຮຽງດ້ານເຕັກນິກການຂຽນ, ພ້ອມສະເໜີເຂົ້າພິຈາລະນາໃນກອງປະຊຸມລັດຖະບານໃນເດືອນກຸມພາ 2017 ທີ່ຜ່ານມາ, ຊຶ່ງຄະນະລັດຖະບານ ກໍ່ໄດ້ເຫັນດີເປັນເອກະພາບ ແລະສະເໜີເຂົ້າສູ່ກອງປະຊຸມ ສະໄໝສາມັນເທື່ອທີ III ຂອງສະພາແຫ່ງຊາດຊຸດທີ VIII.

ໂດຍ: ຫ້ອງການ, ພະແນກປະຊາສໍາພັນ.