ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 1,577
  • ມື້ວານ651
  • ອາທິດນີ້10,680
  • ອາທິດກ່ອນ5,790
  • ເດືອນນີ້12,589
  • ເດືອນກ່ອນ28,282
  • ທັງໝົດ356,961
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ຈັດສໍາມະນາ ກ່ຽວກັບຍຸດທະສາດອາຊຽນ ດ້ານອິນເຕີເນັດຄວາມໄວສູງ.

ກະຊວງໄປສະນີ, ໂທລະຄົມມະນາຄົມ ແລະ ການສື່ສານ(ປທສ) ໂດຍສົມທົບກັບກອງທຶນອາຊຽນໄອຊີທີ (ASEAN ICT FUND) ໄດ້ຈັດງານສໍາມະນາກ່ຽວກັບ “ຍຸດທະສາດອາຊຽນ ດ້ານອິນເຕີເນັດຄວາມໄວສູງ” ຢູ່ຂົງເຂດອາຊຽນ ຂອບນະໂຍບາຍ ແລະ ລະບຽບການດ້ານອິນເຕີເນັດຄວາມໄວສູງ, ຂຶ້ນໃນລະຫວ່າງ ວັນທີ 23-24 ມີນາ 2017, ທີ່ໂຮງແຮມລາວພລາຊາ ໂດຍການເປັນປະທານຂອງ ທ່ານ ປອ ທະວີສັກ ມະໂນທໍາ, ຫົວໜ້າ ກົມເຕັກໂນໂລຊີຂໍ້ມູນຂ່າວສານ ແລະ ສື່ສານ, ກະຊວງ ປທສ. ມີຜູ້ເຂົ້າຮ່ວມຈາກບັນດາປະເທດສະມາຊິກອາຊຽນ, ພະນັກງານຫຼັກແຫຼ່ງພາຍໃນກະຊວງ, ບັນດາກະຊວງອ້ອມຂ້າງ ແລະ ບໍລິສັດຜູ້ໃຫ້ບໍລິການດ້ານໂທລະຄົມ, ອິນເຕີເນັດ ແລະ ໄອຊີທີ.

ຈຸດປະສົງ ເພື່ອຖອດຖອນບົດຮຽນ ແລະ ແລກປ່ຽນປະສົບການ ກ່ຽວກັບການວາງແຜນຍຸດທະສາດ, ນະໂຍບາຍ ແລະ ການນໍາໃຊ້ເຕັກໂນໂລຊີ ໃນການພັດທະນາອິນເຕີເນັດຄວາມໄວສູງໃນພາກພື້ນ. ລາວຍັງໄດ້ລາຍງານຄວາມຄືບໜ້າ ແນວທາງການພັດທະນາອິນເຕີເນັດຄວາມໄວສູງໃນອະນາຄົດ ເພື່ອເປັນຈຸດກໍານົດຍຸດທະສາດການຮ່ວມມື, ຂອບນະໂຍບາຍ ແລະ ລະບຽບການດ້ານອິນເຕີເນັດຄວາມໄວສູງ ຕາມແຜນແມ່ບົດ ອາຊຽນໄອຊີທີ 2020. ຜົນຂອງການປຶກສາຫາລື ແລກປ່ຽນບົດຮຽນ ໃນການສໍາມະນາຄັ້ງນີ້ຈະປະກອບສ່ວນເຂົ້າເນື້ອໃນຂອງການສຶກສາໂຄງການໃຫ້ມີຄວາມສົມບູນຂື້ນ, ພ້ອມສາມາດນໍາໄປຜັນຂະຫຍາຍ ແລະ ນໍາໃຊ້ຕົວຈິງ. ສໍາລັບ ສປປ ລາວ ແມ່ນສາມາດນໍາເອົາບົດຮຽນໃນການວາງນະໂຍບາຍໃນການພັດທະນາພື້ນຖານໂຄງລ່າງໄອຊີທີໂດຍສະເພາະໃນເຂດຊົນລະບົດ ເພື່ອສົ່ງເສີມໃຫ້ປະຊາຊົນ ມີໂອກາດນໍາໃຊ້ອິນເຕີເນັດໃນການພັດທະນາ ຄວາມຮູ້, ວຽກງານ, ທຸລະກິດ ແລະ ເສດຖະກິດໃຫ້ຫຼາຍຂື້ນ.

ໃນປະຈຸບັນ ວຽກງານດ້ານເຕັກໂນໂລຊີຂໍ້ມູນຂ່າວສານ(ໄອຊີທີ) ໄດ້ມີບົດບາດສໍາຄັນ ແລະ ກາຍເປັນສ່ວນໜຶ່ງຂອງການດໍາລົງລົງຊີວິດໃນສັງຄົມ, ກໍ່ຄືໄດ້ປະກອບສ່ວນສະໜັບສະໜູນ ໃນການພັດທະນາເສດຖະກິດທຸກໆດ້ານ. ໃນນັ້ນການພັດທະນາດ້ານອິນເຕີເນັດຄວາມໄວສູງ ກໍ່ເປັນວຽກງານໜຶ່ງທີ່ບັນດາປະເທດຕ່າງໆໃນອາຊຽນ ລວມທັງ ສປປ ລາວ ໄດ້ໃຫ້ຄວາມເອົາໃຈໃສ່ພັດທະນາເພື່ອໃຫ້ຜູ້ຊົມໃຊ້ສາມາດເຂົ້າເຖິງລະບົບອິນເຕີເນັດຄວາມໄວສູງ(ລະບົບອິນເຕີເນັດແບບມີສາຍ ແລະ ບໍ່ມີສາຍ)ຢ່າງທົ່ວເຖິງ ເພື່ອຍົກສູງປັດໃຈການດໍາລົງຊີວິດໃນຍົກປະຈຸບັນໃຫ້ສະດອກສະບາຍຂື້ນ. ພ້ອມກັນນັ້ນຍັງໄປຄຽງຄູ່ກັບການເຜີຍແຜ່ນະໂຍບາຍ, ລະບຽບການໃນການຄຸ້ມຄອງໃຫ້ບັນດາຜູ້ມີສ່ວນຮ່ວມທຸກພາກສ່ວນໄດ້ຮັບຮູ້ ແລະ ເຂົ້າໃຈ ເພື່ອການໍາໃຊ້ຢ່າງມີປະສິດທິຜົນ ແລະ ປອດໄພ.

ພ້ອມນີ້ ສປປ ລາວ ເປັນປະເທດທີ່ບໍ່ມີຊາຍແດນຕິດກັບທະເລ. ດັ່ງນັ້ນ ການເຊື່ອມໂຍງອິນເຕີເນັດຄວາມໄວສູງແມ່ນເປັນບຸລິມະສິດອັນໜຶ່ງ ເພື່ອຫັນ ສປປ ລາວ ໃຫ້ເປັນປະເທດໃຈກາງໃນການເຊື່ອມໂຍງພາກພື້ນ, ບັນດາປະເທດສະມາຊິກອາຊຽນ ແມ່ນໄດ້ທຸ້ມເທ ແລະ ຮັດແໜ້ນການຮ່ວມມືໃນພາກພື້ນ ເພື່ອການພັດທະນາໄອຊີທີ ແລະ ບັນດາໂຄງການຕ່າງໆສະໜັບສະໜູນແຜນງານ ເພື່ອຂັບເຄື່ອນປະຊາຄົມອາຊຽນ ໃຫ້ຫັນເປັນດິຈິຕອນ, ຮັບປະກັນຄວາມປອດໄພ ແລະ ການພັດທະນາສັງຄົມແບບຢືນຢົງ.

ໂດຍ: ຫ້ອງການ, ພະແນກປະຊາສໍາພັນ.