ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 1,045
  • ມື້ວານ998
  • ອາທິດນີ້4,195
  • ອາທິດກ່ອນ6,922
  • ເດືອນນີ້17,577
  • ເດືອນກ່ອນ30,760
  • ທັງໝົດ223,044
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ຮອງລັດຖະມົນຕີ ກະຊວງ ປທສ ລົງເຄື່ອນໄຫວຊຸກຍູ້ວຽກງານ ຢູ່ 4 ແຂວງພາກເໜືອ.

ໃນເມື່ອບໍ່ດົນຜ່ານມານີ້ ທ່ານ ບຸນສະເຫລີມໄຊ ເຄນນາວົງ ຮອງລັດຖະມົນຕີ ກະຊວງ ປທສ ພ້ອມຄະນະ ໄດ້ລົງເຄື່ອນໄຫວຢ້ຽມຢາມ ແລະ ຊຸກຍູ້ວຽກງານດ້ານວິຊາການ ຢູ່ 4 ແຂວງພາກເໜືອ (ຜົ້ງສາລີ, ບໍ່ແກ້ວ, ຫຼວງນ້ຳທາ ແລະ ອຸດົມໄຊ) ໃນລະຫວ່າງ ວັນທີ 13-17ມີນາ 2017 ນີ້, ໂດຍໃຫ້ກຽດຕ້ອນຮັບຂອງບັນດາຫົວໜ້າພະແນກ ປທສ ປະຈຳ 4 ແຂວງພາກເໜືອ ພ້ອມດ້ວຍຄະນະຢ່າງອົບອຸ່ນ. ຈາກນັ້ນທ່ານຮອງລັດຖະມົນຕີ ພ້ອມດ້ວຍກັນນັ້ນ ຄະນະໄດ້ເຂົ້າພົບ ບັນດາຮອງເຈົ້າແຂວງ ເພື່ອລາຍງານການເຄື່ອນໄຫວວຽກງານ ຢູ່ແຕ່ລະແຂວງ ແລະຢ້ຽມຢາມບັນດາ ຫ້ອງການພະແນກ ປທສ ປະຈຳແຂວງ.

ໃນໂອກາດ ດັ່ງກ່າວ ບັນດາທ່ານ ຫົວໜ້າ ພະແນກ ປທສ ປະຈຳ 4 ແຂວງ ພາກເໜືອ ໄດ້ລາຍງານຫຍໍ້ ຕໍ່ສະພາບການຈັດຕັ້ງປະຕິບັດດ້ານນວຽກງານຕ່າງໆ ຂອງ ປທສ ໃນ 1 ປີຜ່ານມາ ໃຫ້ຊາບ ເປັນຕົ້້ນດ້ານວຽກງານ ສົ່ງເສີມການພັດທະນາພື້ນຖານໂຄງລ່າງ, ດ້ານລະບົບໂທລະຄົມ ແລະ ຂໍ້ມູນຂ່າວສານທາງເອເລັກໂຕນິກ ໃຫ້ມີຄວາມໄວສູງ ແລະ ມີຄຸນນະພາບ. ສ່ວນທ່ານ ຮອງລັດຖະມົນຕີ ກໍ່ໄດ້ປະກອບຄຳຄິດເຫັນໃສ່ວ່າ: ການພັດທະນາຂອງຂະແໜງການໂທລະຄົມ ແລະ ການສື່ສານ ນັບມື້ນັບພັດທະນາຢ່າງວອງໄວ ມັນໄດ້ກາຍເປັນເຄື່ອງມືທີ່ສຳຄັນໃນການຊຸກຍູ້ຜັກດັນ ການພັດພະນາທາງດ້ານເສດຖະກິດ ກໍ່ຄືການພັດທະນາປະເທດຊາດ ຄຽງຄູ່ກັນອັນດີກໍ່ມີອັນອ່ອນໃນນັ້ນກໍ່ຄືການຊົມໃຊ້ສື່ສັງຄົມອອນລາຍໃນປະຈຸບັນ ໂດຍສະເພາະບັນດາພະນັກງານຫຼັກແຫຼ່ງ. ນອກຈາກນັ້ນຍັງໄດ້ຮຽກຮ້ອງໃຫ້ປະຊົນ ຍົກສູງມີສະຕິການເມືອງຍຶດໝັນຕໍ່ລະບຽບກົດໝາຍຂອງ ສປປ ລາວ ຢ່າງເຂັ້ມງວດ. ເອົາໃຈໃສເຜີຍແຜ່ບັນດາລະບຽບ, ນິຕິກຳຂອງກະຊວງ ປທສ ໄດ້ວ່າງອອກສູ່ມວນຊົນຢ່າງກວ້າງຂວາງ, ຮຽກຮ້ອງໃຫ້ສົ່ງເສີມການນຳໃຊ້ຜະລິດຕະພັນລາວ ກໍຄືບັນດາຈານຮັບໂທລະພາບດາວທຽມລາວ ທີ່ໄດ້ໃຫ້ບໍລິການແລ້ວໃນປະຈຸບັນ. ພ້ອມນັ້ນທ່ານກໍຍັງໄດ້ຊີ້ນຳ ໃຫ້ເຫັນເຖີງຄວາມສຳຄັນ ເຊິ່ງຕິດພັັນເຖິງຄວາມໝັນຄົງແຫ່ງຊາດ ກ່ຽວກັບວຽກງານການຂື້ນທະບຽນເບີໂທລະສັບ, ທຸກໆບໍລິສັດ ທີໃຫ້ບໍລິການທາງດ້ານໂທລະຄົມໃນ ສປປ ລາວ ໃຫ້ເປັນເຈົ້າການໃນການຮ່ວມມືກັບບັນດາພະແນກ ປທສ ປະຈໍາແຂວງໃນການລົງເກັບກຳໂຕຈິງ ຈະໄດ້ເລີມຈັດຕັ້ງປະຕິບັດໃນທ້າຍເດືຶອນ ມີຖຸນາ 2017 ທີ່ຈະມາຮອດນີ້ ໃຫ້ສໍາເລັດຕາມຄາດໝາຍ.

ພ້ອມນີ້ ທ່ານ ຮອງລັດຖະມົນຕີ ກໍ່ໄດ້ເນັ້ນໜັກ ການຍົກສູງພາລະບົດບາດ, ສິດ ແລະ ໜ້າທີຂອງພະແນກ ປທສ ປະຈຳແຂວງ ໃນການຄູ້ມຄອງມະຫາພາກ ບັນດາສາຂາ ບໍລິສັດໂທລະຄົມ ພາຍໃນແຂວງ ຮຽກຮ້ອງໃຫ້ບັນດາບໍລິສັດເອົາໃຈໃສ່ ຄວາມສຳຄັນ ແລະ ໃຫ້ການຮ່ວມມືກັບພະແນກ ປທສ ປະຈຳແຂວງ, ສຸມໃສ່ຈັດຕັ້ງປະຕິບັດວຽກງານໃນຂອບເຂດສິດ ແລະ ໜ້າທີ່ຂອງຕົນ, ເຮັດໃຫ້ວຽກງານທີ່ຕົນເອງໄດ້ຮັບຜິດຊອບມີຄວາມສໍາຄັນ ແລະ ປະກອບສ່ວນເຂົ້າໃນການສ້າງສາພັດທະນາປະເທດຊາດ ຕາມແນວທາງແຜນຍຸດທະສາດຂອງລັດຖະບານແຫ່ງ ສປປ ລາວ.

ໃນໂອກາດນີ້ ທ່ານ ຮອງລັດຖະມົນຕີ ກະຊວງ ປທສ ໄດ້ໃຫ້ກຽດເປັນປະທານ ໃນການລົງນາມບົດບັນທຶກ ສອງຝ່າຍ ລະຫວ່າງເຈົ້າຂອງໂຄງການພັດທະນາເຂດເສດຖະກິດພິເສດ ແລະ ພະແນກ ປທສ ປະຈໍາແຂວງ ພ້ອມດ້ວຍພາກສ່ວນອ້ອມຂ້າງເຂົ້າຮ່ວມໃນການລົງນາມບົດບັນທຶກຄັ້ງນີ້ ເພື່ອຢຸດຕິບັນຫາ ການນຳໃຊ້ສັນຍານ ໂທລະສັບ ແລະ ອິນເຕີເນັດ ທີ່ທາງບໍລິສັດເຈົ້າຂອງໂຄງການໄດ້ນຳມາຈາກ ສປ ຈີນ ໂດຍບໍ່ໄດ້ຮັບອະນຸຍາດ ແລະຜິດຕໍ່ລະບຽບກົດ ໝາຍແຫ່ງ ສປປລາວ ທີ່ເອົາມານໍາໃຊ້ໃນຂົງເຂດພັດທະນາເສດຖະກິດພິເສດ ບໍໍ່ແຕນແດນງາມ ແລະ ເຂດເສດຖະກິດພິເສດສາມຫຼ່ຽມທອງຄຳ.

ໂດຍ: ຫ້ອງການ, ພະແນກປະຊາສໍາພັນ.