ພິທີມອບໃບຢັ້ງຢືນ ໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2018.

10/04/2019

ພິທີມອບໃບຢັ້ງຢືນ ໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2018.

        ໃນວັນທີ 05 ເມສາ 2019 ທີ່ກະຊວງ ໄປສະນີ, ໂທລະຄົມມະນາຄົມ ແລະ ການສືື່ສານ ໄດ້ຈັດພິທີມອບໃບຢັ້ງຢືນ ໜ່ວຍພັກປອດໃສ, ເຂັ້ມແຂງ, ໜັກແໜ້ນ ໂດຍການເປັນປະທານຂອງ ສະຫາຍ ບຸນສະເຫຼີມໄຊ ເຄນນາວົງ ຄະນະປະຈຳພັກ, ຮອງລັດຖະມົນຕີ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ, ມີບັນດາຄະນະພັກ, ຄະນະນຳກະຊວງ, ຄະນະໜ່ວຍພັກ ບັນດາກົມ/ທຽບເທົ່າ, ຄະນະພັກຮາກຖານ, ຄະນະອຳນວຍການ ບໍລິສັດລັດ ວິສາຫະກິດ ໄປສະນີ, ໂທລະຄົມມະນາຄົມ ພ້ອມສະມາຊິກພັກ ແລະ ພະນັກງານ-ລັດຖະກອນເຂົ້າຮ່ວມ.

         ໃນພິທີໄດ້ຜ່ານບົດສະຫຼຸບ ການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ຂອງກະຊວງ ປທສ ໃນໄລຍະຜ່ານມາເຊິ່ງຄະນະໜ່ວຍພັກໄດ້ມີຄວາມເອົາໃຈໃສ່ ໃນການຊີ້ນຳ-ນຳພາ ຕໍ່ວຽກງານທີ່ ພັກ-ລັດ ໄດ້ມອບໝາຍໃຫ້ ໂດຍຖືເອົາວຽກງານສຶກສາອົບຮົມ ການເມືອງ-ແນວຄິດ ເປັນຕົ້ນຕໍເຮັດໃຫ້ສະມາຊິກພັກສ່ວນຫຼາຍຍັງຮັກສາຄຸນທາດການເມືອງໄດ້ຢ່າງໜັກແໜ້ນ, ມີອຸດົມການ ແລະ ມີນຳໃຈການປະຕິວັດສູງ ໂດຍປະຕິບັດຕາມແນວທາງຂອງພັກ, ກົດໝາຍຂອງລັດໄດ້ດີ, ມີການເຄື່ອນໄຫວຕາມແບບແຜນທີ່ໄດ້ກຳນົດໄວ້ ແລະ ສືບຕໍ່ປັບປຸງໜ່ວຍພັກຂອງຕົນໃຫ້ມີຄວາມໜັກ ແໜ້ນເຂັ້ມແຂງເທື່ອລະກ້າວ, ພ້ອມກັນຕັ້ງໜ້າປະຕິບັດວຽກງານການເມືອງ-ແນວຄິດ ຕິດພັນກັບວຽກງານວິຊາສະເພາະ ທີ່ໄດ້ຮັບມອບໝາຍຢ່າງມີຜົນສຳເລັດ, ຄະນະໜ່ວຍພັກ ແລະ ສະມາຊິກພັກແຕ່ລະສະຫາຍກໍ່ໄດ້ສຸມໃສ່ວຽກງານກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ຕາມ 05 ດ້ານ: ນຳພາດ້ານການເມືອງ, ດ້ານແນວຄິດ, ດ້ານການຈັດຕັ້ງ, ດ້ານແບບແຜນວິທີນຳພາ ແລະ ປະຕິບັດໜ້າທີ່ການເມືອງ, ສາມາດເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ຈຳນວນ  17 ໜ່ວຍພັກ.

             ນອກຈາກໄດ້ມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ແລ້ວພາຍໃນພິທີຍັງໄດ້ມອບໃບຍ້ອງຍໍ ຜົນງານການປະຕິບັດວຽກງານ ປະຈຳປີ 2018 ໃຫ້ພະນັກງານ-ລັດຖະກອນ ແລະ ມອບຫຼຽນກາທີລະນຶກວັນສະເຫຼີມສະຫຼອງເມືອງວຽງໄຊ-ຖານທີໝັ້ນການປະຕິວັດລາວຄົບຮອບ 50 ປີ, ໃນໂອກາດດັ່ງກ່າວນີ້: ສະຫາຍ ບຸນສະເຫຼີມໄຊ ເຄນນາວົງ ໄດ້ໃຫ້ກຽດໂອ້ລົມ ແລະ ໃຫ້ທິດຊີ້ນຳຕໍ່ຄະນະພັກ, ໜ່ວຍພັກບັນດາກົມ/ທຽບເທົ່າ, ຄະນະຮາກຖານ ບໍລິສັດລັດວິສາຫະກິດ, ພ້ອມດ້ວຍສະມາຊິກພັກ ແລະ ພະນັກງານ-ລັດຖະກອນ ໃຫ້ສືບຕໍ່ເສີມຂະຫຍາຍມູນເຊື້ອອັນດີງາມ, ຜົນງານດ້ານດີ, ເດັດດ່ຽວປັບປຸງແກ້ໄຂຈຸດອ່ອນຄົງຄ້າງ ແລະ ສິ່ງທີ່ທ້າທາຍເປັນໄພອັນຕະລາຍ ຕໍ່ພັກເຮົາ, ແນໃສ່ເຊີດຊູບົດບາດຄວາມສາມາດນຳພາຂອງໜ່ວຍພັກ ແລະ ຍົກສູງຄວາມເປັນແບບຢ່າງນຳໜ້າ ຂອງຖັນແຖວສະມາຊິກພັກ, ເພີ່ມທະວີເຄື່ອນໄຫວວຽກງານວິຊາສະເພາະ, ສາມາດປະຕິບັດໜ້າວຽກທີ່ການ ຈັດຕັ້ງມອບໝາຍໃຫ້ສຳເລັດຜົນ, ມີແນວຄິດການເມືອງໜັກແໜ້ນເຂັ້ມແຂງຕໍ່ການຈັດຕັ້ງ, ເອົາໃຈໃສ່ຝຶກຝົນຫຼໍ່ຫຼອມຕົນເອງຕາມ 05 ດ້ານ ເພື່ອຮັບປະກັນໃຫ້ພັກເຮົາມີຄວາມປອດໃສ, ເຂັ້ມແຂງ, ໜັກ  ແໜ້ນ.

              ຂ່າວ: ກົມຈັດຕັ້ງ-ພະນັກງານ.

 

ວາ​ລະ​ສານ ໄອ​ຊີ​ທີ
ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ລະ​ບົບ​ຂື້ນ​ທະ​ບຽນ​ປະ​ຊຸມ