ກອງປະຊຸມໃຫຍ່ຄັ້ງທີ II ຂອງພັກໜ່ວຍພັກຫ້ອງການກະຊວງ ປທສ.

11/03/2019

ກອງປະຊຸມໃຫຍ່ຄັ້ງທີ  II ຂອງພັກໜ່ວຍພັກຫ້ອງການກະຊວງ ປທສ.

 

        ເພື່ອປະຕິບັດ​ຕາມ​ກົດ​ລະບຽບ​ຂອງ​ພັກ​ສະ​ໄໝ​ທີ່ X ມາດ​ຕາ 30, 31 ສະໄໝ​ກອງ​ປະຊຸມ​ໃຫ່ຍ, ໜ້າທີ່ຂອງກອງປະຊຸມໃຫຍ່ ແລະ ກອງປະຊຸມປະຖົມມະລຶກ ຄະນະພັກຮາກຖານ, ​ໜ່ວຍ​ພັກຮາກຖານ, ໜ່ວຍພັກທີ່ຂື້ນກັບຄະນະພັກຮາກຖານ ​ແລະ ມະຕິ​ຕົກລົງ​ຂອງ​ຄະນະ​ພັກ ກະຊວງ ປທສ ວ່າ​ດ້ວຍ​ການ​ອະນຸມັດ​ໃຫ້​ໜ່ວຍ​ພັກຫ້ອງການ ກະຊວງ ປທສ ດຳ​ເນີນ​ກອງ​ປະຊຸມ​ໃຫ່ຍໃນຂັ້ນຂອງ​ຕົນ. ດັ່ງນັ້ນ, ຫ້ອງການ, ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ ຈຶ່ງໄດ້ຈັດກອງ​ປະຊຸມ​ໃຫ່ຍຄັ້ງທີ່ II ຂອງ​ໜ່ວຍ​ພັກຫ້ອງການ​ຂື້ນ​ໃນ​​ວັນ​ທີ່ 5 ມີນາ ຜ່ານມານີ້. ໂດຍການເປັນປະທານຂອງ ສະຫາຍ ທອງໃສ ຊານໄຊຍະ ຮອງເລຂາຄະນະພັກກະຊວງ, ປະທານກວດກາຄະນະພັກກະຊວງ, ຮອງລັດຖະມົນຕີກະຊວງ ປທສ ມີບັນດາໜ່ວຍພັກຮາກຖານອ້ອມຂ້າງກະຊວງເຂົ້າຮ່ວມ.

          ສະຫາຍ ວະລະໄຊ ດາລາລອຍ  ເລຂາໜ່ວຍພັກ, ຮັກສາການຫົວໜ້າຫ້ອງການ ໄດ້ຜ່ານບົດລາຍງານການ​ເມືອງ, ສະຫຼຸບຕີ​ລາຄາ​ຜົນງານ​ທີ່​ຍາດ​ມາ​ໄດ້, ​ຂໍ້ຄົງຄ້າງ ​ແລະ ບົດຮຽນທີ່ຖອດຖອນໄດ້ໃນ​ການ​ຊີ້ນໍາ ນຳພາ​ຂອງ​ໜ່ວຍ​ພັກ​ທາງ​ດ້ານການ​ເມືອງ, ແນວ​ຄິດ, ການຈັດຕັ້ງ, ແບບ​ແຜນການນໍາພາ ດ້ານວິຊາສະເພາະ, ວຽກງານ​ອົງການ​ຈັດຕັ້ງມະຫາຊົນ, ວຽກງານກວດກາ ແລະ ກໍານົົດທິດທາງການນໍາພາໃນຕໍ່ໜ້າ. ພິເສດ, ໜ່ວຍພັກຫ້ອງການສາມາດ ສ້າງໄດ້ມະຫາຊົນກ້າວໜ້າ ຂະຫຍາຍເປັນສະມາຊິກພັກໄດ້ 09 ສະຫາຍ, ຍິງ 05 ສະຫາຍ, ສ້າງໄດ້ໜ່ວຍພັກເຂັ້ມແຂງ, ຮູ້ນໍາພາຮອບດ້ານ 02 ປີ ຕໍ່ເນື່ອງ, ສໍາລັບ ປີ 2018 ໄດ້ສໍາເລັດການຕີລາຄາພາຍໃນໜ່ວຍ ແລະ ສະເໜີຕໍ່ຄະນະປະຈໍາພັກກະຊວງ ພິຈາລະນາຮັບຮອງເປັນໜ່ວຍພັກ ປອດໃສ, ເຂັ້ມແຂງ, ໜັກແໜ້ນຢ່າງຕໍ່ເນື່ອງ. ໃນໂອກາດດຽວກັນນີ້, ໃນກອງປະຊຸມຍຍັງໄດ້ ປ່ອນ​ບັດ​ຄັດ​ເລືອກ​ເອົາ​ຄະນະ​ພັກ​ຊຸດ​ໃໝ່ ບົນ​ພື້ນຖານ​ຖືກຕ້ອງ​ສອດຄ່ອງ​ກັບ​ມາດຕະຖານ​ເງືອນ​ໄຂ​ທີ່​ກຳນົດ​ໄວ້ ຈໍານວນ 03 ສະຫາຍຄື: ສະຫາຍ ວະລາໄຊ ດາລາລອຍ ເປັນເລຂາ, ສະຫາຍ ສະກຸນຄໍາ ແກ້ວບຸນຍາສິດ ເປັນຮອງເລຂາ, ປະທານກວດກາ ແລະ ສະຫາຍ ນາງ ຈັນອົບ ສີຫາລາດ ເປັນກໍາມະການໜ່ວຍພັກ ໃນການສຶບຕໍ່ນໍາພາສະມາຊິກພັກ ໃຫ້ມີຄວາມປອດໃສ, ເຂັ້ມແຂງ ແລະ ໜັກແໜ້ນ.

         ສະຫາຍ ທອງໃສ ຊານໄຊຍະ ໄດ້ໃຫ້ກຽດໂອລົມຕໍ່ກອງປະຊຸມ ເຊິ່ງສະຫາຍ​ໄດ້​ສະ​ແດງ​ຄວາມ​ຍ້ອງຍໍ​ຊົມ​ເຊີຍ​ຕໍ່​ກາ​ນຊີ້​ນຳ-ນຳພາ ​ຄະນະ​ພັກ​ຊຸດ​ເກົ່າ ທີ່​ໄດ້​ຊີ້​ນຳ​-ນຳພາ​ສະມາຊິກ​ພັກ, ພະນັກງານ ປະຕິບັດ​ໜ້າ​ທີ່​ການ​ເມືອງ ​ແລະ ​ຍາດ​ໄດ້​ຜົນສຳ​ເລັດ​ໃນຫລາຍ​ດ້ານ. ພ້ອມ​ນີ້, ສະຫາຍ​ຍັງໄດ້ເນັ້ນໜັກໃຫ້ພະນັກງານສະມາຊິກພັກໝົດທຸກຄົນ ​ເອົາ​ໃຈ​ໃສ່​ໃນ​ການ​ຊຸກຍູ້​ຕິດຕາມ​ກວດກາ​ສະຫລຸບ​ລາຍ​ງານ, ຈັດຕັ້ງປະຕິບັດ​ນິຕິ​ກຳ​ຕ່າງໆ ​ທີ່ກ່ຽວ​ກັບ​ວຽກ​ງານ​ກໍ່ສ້າງ​ພັກ​ຂອງ​ຄະນະ​ພັກ​ ແຕ່ລະ​ຂັ້ນຕໍ່​ວຽກ​ງານ​ກໍ່ສ້າງ​ຮາກ​ຖານ​ພັກ  ​ເປັນຕົ້ນແມ່ນການ​ກໍ່ສ້າງ​ໜ່ວຍ​ພັກ​ປອດໃສ ເຂັ້ມ ແຂງ, ໜັກແໜ້ນ ພ້ອມທັງຍົກໃຫ້ເຫັນ​ໄດ້ເຖິງ​ດ້ານ​ຕັ້ງໜ້າ, ຂໍ້ຄົງຄ້າງ ​ເພື່ອຫາ​ວິ​ທີແກ້ໄຂ, ​ປັບປຸງ​ ​ແລະ ສະ​ເໜີ​ຂັ້ນ​ເທິງ​ພິຈາລະນາ​ແກ້​ໄຂ​ໃຫ້​ສອດ​ຄອງ​ກັບ​ສະພາບ​ຄວາມ​ເປັນ​ຈິງ, ເອົາ​ໃຈ​ໃສ່​ຕໍ່​ກັບ​ວຽກ​ງານ​ຄຸ້ມ​ຄອງ​ສະມາຊິກ​ພັກ, ການ ຈັດຕັ້ງພັກ, ຂໍ້​ມູນ​ຂ່າ​ວສານ​ໃຫ້​ຖືກຕ້ອງ​ ຊັດ​ເຈນ ​ແລະ ທ່ວງທັນ​ກັບ​ເວລາ, ສືບຕໍ່​ຕິດຕາມ​ກວດກາ​ວຽກ​ງານ​ກວດກາໃຫ້​ໄດ້​ຕາມ​ລະດັບ​ຄາດ​ໝາຍ ​ແລະ ຖືກຕ້ອງ​ຕາມ​ຫລັກການ. ນອກນີ້, ສະຫາຍຍັງ​ມີ​ຄວາມ​ເຊື່ອ​ໝັ້ນຕໍ່​ຄະນະ​ພັກ​ຊຸດ​ໃໝ່ ທີ່​ຈະ​ສືບຕໍ່​ຊີ້​ນຳ ນຳ​ພາ​ຈັດຕັ້ງປະຕິບັດ​ມະຕິ​ກອງ​ປະຊຸມ​ໃຫ່ຍຄັ້ງທີ່ II ຂອງ​ໜ່ວຍ​ພັກ ຫ້ອງການກະຊວງ​ໃຫ້​ມີຜົນ​ງານອັນ​ຍິ່ງ​ໃຫ່ຍກວ່າ​ເກົ່າ.

ພາບ+ຂ່າວ: ຫ້ອງການກະຊວງ.

 

ວາ​ລະ​ສານ ໄອ​ຊີ​ທີ
ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ