ກອງປະຊຸມໃຫຍ່ຄັ້ງທີ III ຂອງໜ່ວຍກໍາມະບານຫ້ອງການ ກະຊວງ ປທສ.

11/02/2019

ກອງປະຊຸມໃຫຍ່ຄັ້ງທີ III ຂອງໜ່ວຍກໍາມະບານຫ້ອງການ ກະຊວງ ປທສ.

       ເມື່ອບໍ່ດົນມານີ້, ຫ້ອງການ, ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ເປີດກອງປະຊຸມໃຫຍ່ຄັ້ງທີ III ຂອງໜ່ວຍກໍາມະບານຫ້ອງການ ກະຊວງ ປທສ ຂຶ້ນ, ໂດຍການເປັນເປັນປະທານຂອງ ສະຫາຍ ວະລະໄຊ ດາລາລອຍ ເລຂາໝ່ວຍພັກຫ້ອງການ, ຮັກສາການຫົວໜ້າຫ້ອງການກະຊວງ ປທສ ມີບັນດາສະຫາຍ ຮອງເລຂາໜ່ວຍພັກຫ້ອງການ ພ້ອມດ້ວຍສະມາຊິກກຳມະບານໜ່ວຍຫ້ອງການເຂົ້າຮ່ວມຢ່າງພ້ອມພຽງ.

        ການຈັດກອງປະຊຸມໃນຄັ້ງນີ້, ກໍ່ເພື່ອເປັນການສະຫຼຸບຕີລາຄາຄືນແຜນການເຄື່ອນໄຫວວຽກງານໜ່ວຍກຳມະບານຫ້ອງການກະຊວງ ປທສ ໃນລະຍະ 5 ປີຜ່ານມາ (2014-2018) ແລະ ແຜນ ການໃນຕໍ່ໜ້າ (2019-2024). ໃນໄລຍະຜ່ານມາ ບັນດາສະມາຊິກກຳມະບານ ຫ້ອງການ ໄດ້ເອົາໃຈ ໃສ່ ປະຕິບັດໜ້າທີ່ວຽກງານວິຊາສະເພາະ ທີ່ຖືກມອບໝາຍດ້ວຍຄວາມຕັ້ງໜ້າ ແລະ ມີຄວາມຮັບຜິດຊອບສູງ ຊຶ່ງໄດ້ສະແດງອອກຈາກຜົນສຳເລັດອັນພົ້ນເດັ່ນໃນຫຼາຍໆວຽກງານ ເຊັ່ນ: ວຽກງານບໍລິຫານ-ຈັດຕັ້ງ, ວຽກງານເລຂານຸການ-ພິທີການ, ວຽກງານສັງລວມ, ວຽກງານສົ່ງເສີມຄວາມກ້າວໜ້າຂອງແມ່ຍິງ ແລະ ແມ່-ເດັກ ແລະ ວຽກງານປະຊາສໍາພັນ. ນອກນີ້, ຍັງໄດ້ເອົາໃຈໃສ່ກໍ່ສ້າງ ແລະ ຊຸກຍູ້ ສະມາຊິກກຳມະບານໄດ້ມີບົດບາດໃນຕໍາແໜ່ງຊີ້ນໍາ-ນໍາພາໃນສາຍພັກ-ສາຍລັດ, ຍົກລະດັບຄວາມຮູ້ຄວາມສາມາດທາງດ້ານທິດສະດີການເມືອງ-ການປົກຄອງ, ວິຊາສະເພາະ, ດ້ານພາສາຕ່າງປະ ເທດ, ດ້ານເຕັກເນິກວິຊາການ, ເຂົ້າຮ່ວມຝຶກອົບຮົມສໍາມະນາໃນຫົວຂໍ້ຕ່າງໆທັງພາຍໃນ ແລະ ຕ່າງປະ ເທດ. ຄຽງຄູ່ກັນນັ້ນ ກໍຍັງມີຂໍ້ຄົງຄ້າງ ຈໍານວນໜຶ່ງ ທີ່ຈະໄດ້ປັບປຸງແກ້ໄຂໃນໄລຍະຕໍ່ໄປ. ໃນໂອກາດດຽວກັນນີ້, ກໍ່ໄດ້ມີການປ່ອນບັດເລືອກຕັ້ງເອົາຄະນະໜ່ວຍກໍາມະບານຫ້ອງການ ກະຊວງ ຊຸດໃໝ່ ຈໍານວນ 03 ສະຫາຍຄື: ສະຫາຍ ນາງ ໄພພອນ ບຸນທະວົງ ເປັນເລຂາ, ສະຫາຍ ໄຊຍະພອນ ໄຊຊະນະ ເປັນຮອງເລຂາ ແລະ ສະຫາຍ ນາງ ວົງພະຈັນ ຈັນທະສຸກ ເປັນຄະນະ ໃນການສືບຕໍ່ນໍາພາສະມາຊິກກໍາມະບານ ຈັດຕັ້ງປະຕິບັດວຽກງານກໍາມະບານຫ້ອງການ ໃຫ້ໄດ້ຮັບຜົນສໍາເລັດຢ່າງສະຫງ່າງາມ.

        ພາບ+ຂ່າວ: ຫ້ອງການ, ພະແນກປະຊາສໍາພັນ.

 

ວາ​ລະ​ສານ ໄອ​ຊີ​ທີ
ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ