ປທສ ລົງເຄື່ອນໄຫວເກັບກຳຂໍ້ມູນທາງດ້ານວຽກງານໂທລະຄົມມະນາຄົມ ຢູ່ 04 ແຂວງພາກໃຕ້

06/02/2019

ປທສ ລົງເຄື່ອນໄຫວເກັບກຳຂໍ້ມູນທາງດ້ານວຽກງານໂທລະຄົມມະນາຄົມ ຢູ່ 04 ແຂວງພາກໃຕ້

       ອົງການດັດສົມໂທລະຄົມມະນາຄົມ, ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ລົງເຄື່ອນ​ໄຫວວຽກ​ງານຢູ່ 04 ແຂວງ​ພາ​ກ​ໃຕ້ (ແຂວງ ຈຳ​ປາ​ສັກ, ແຂວງ ເຊກອງ, ແຂວງ ​ອັດ​ຕະ​ປຶ  ແລະ ແຂວງ ​ສາ​ລະ​ວັນ) ໃນລະຫວ່າງວັນທີ 13-     24 ມັງ​ກອນ ຜ່ານມານີ້, ​ຊຶ່ງ​ນຳພາຄະນະໂດຍ ທ່ານ ນາງ ພິ​ສິດ​ໄພ ກອກ​ມີ​ລາ ຮອງຫົວໜ້າອົງການດັດສົມໂທລະຄົມມະນາຄົມ, ກະຊວງ ປທສ ມີພາກສ່ວນທີ່ກ່ຽວຂ້ອງເຂົ້າຮ່ວມ.

   ການ​ລົງເຄືຶ່ອນ​ໄຫວວຽກງານ​ໃນ​ຄັ້ງ​ນີ້ ແມ່ນ​ເພື່ອ​ເກັບ​ກຳ​ຂໍ້​ມູນສະພາບການຈັດຕັ້ງປະຕິບັດວຽກງານຕົວຈິງຂອງບັນດາພະແນກ ປທສ ແລະ ບັນດາ ສາຂາບໍລິສັດຜູ້ທີ່ໃຫ້ບໍລິການດ້ານໂທລະຄົມ ໃນການຈັດຕັ້ງປະຕິບັດວຽກງານຕົວຈິງເຊັ່ນ: ການຈັດຕັ້ງປະຕິບັດວຽກງານການຂື້ນທະບຽນເລກໝາຍໂທລະສັບ, ການຈຳໜ່າຍຊິມກາດ, ການຂະຫຍາຍເຄືອຂ່າຍໂທລະຄົມມະນາຄົມ, ຮູບແບບການສົ່ງເສີມການຂາຍ ແລະ ການບໍລິການຂອງບັນດາບໍລິສັດ ໂທລະຄົມມະນາຄົມ ເພື່ອເປັນຂໍ້ມູນ ແລະ ບ່ອນອີງໃນວຽກງານການຄຸ້ມຄອງ, ອຳນວຍຄວາມສະດວກໃຫ້ພາກທຸລະກິດ ແລະ ຜູ້ຊົມໃຊ້ບໍລິການ ຮູ້ໄດ້ເຖີງຂໍ້ສະດວກ, ຂໍ້ຫຍຸ້ງຍາກໃນຂອດການຈັດຕັ້ງປະຕິບັດວຽກງານໃນແຕ່ໄລຍະ ພ້ອມທັງຫາວິທີແກ້ໄຂໃນຕໍ່ໜ້າ ແລະ ບັນຫາອື່ນໆ. ພ້ອມນີ້, ຍັງເປັນການກະກຽມທາງດ້ານເນື້ອໃນ ໃຫ້ແກ່ການຄົ້ນຄວ້າ, ສ້າງ ແລະ ປັບປຸງບັນດານິຕິກຳທີ່ມີແລ້ວຈຳນວນໜື່ງ ໃຫ້ຮັບປະກັນຄວາມຖືກຕ້ອງຕາມລະບຽບກົດໝາຍ, ສອດຄ່ອງແທດເໝາະກັບສະພາບຕົວຈິງໃນແຕ່ລະໄລຍະ, ເປັນເອກະພາບກັນໃນການຈັດຕັ້ງປະຕິບັດ ແລະ ມີປະສິດທິຜົນດີ.

       ວຽກງານອົງການດັດສົມໂທລະຄົມມະນາຄົມກໍ່ເປັນວຽກງານໜື່ງທີ່ມີຄວາມໝາຍຄວາມສຳຄັນໃນການສ້າງນິຕິກຳກົດໝາຍ ເພື່ອຄຸ້ມຄອງ, ດັດປັບ ແລະ ອຳນວຍຄວາມສະດວກໃຫ້ບັນດາພາກທຸລະກິດ ໃຫ້ຄວາມເປັນທຳຕໍ່ຜູ້ຊົມໃຊ້ບໍລິການ ໂດຍສະເພາະທາງດ້ານຄຸນນະພາບ ແລະ ອັດຕາຄ່ານຳໃຊ້ບໍລິການຢ່າງສົມເຫດສົມຜົນ.

         

             ພາບ+ຂ່າວ: ອົງການດັດສົມໂທລະຄົມມະນາຄົມ, ກະຊວງ ປທສ.

 

ວາ​ລະ​ສານ ໄອ​ຊີ​ທີ
ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ