ປທສ ສຳມະນາກ່ຽວກັບວຽກງານມາດຕະຖານການນຳໃຊ້ອຸປະກອນ ຮັບສັນຍານໂທລະພາບຜ່ານດາວທຽມ

04/01/2019

ປທສ ສຳມະນາກ່ຽວກັບວຽກງານມາດຕະຖານການນຳໃຊ້ອຸປະກອນ ຮັບສັນຍານໂທລະພາບຜ່ານດາວທຽມ

        ເມື່ອບໍ່​ດົນ​ມາ​ນີ້, ​ກະ​ຊວງໄປ​ສະ​ນີ​, ໂທ​ລະ​ຄົມ​ມະ​ນາ​ຄົມ ແລະ ​ການ​ສື່ສານ (ປ​ທ​ສ) ໄດ້​ຈັດ​​ຝຶກ​ອົບ​ຮົມສຳ​ມະ​ນາ​ກ່ຽວກັບການກວດກາ ແລະ ຢັ້ງຢືນ ມາດຕະຖານເຕັກນິກອຸປະກອນຮັບສັນຍານໂທລະພາບຜ່ານດາວທຽມ​ ໃຫ້ລັດຖະກອນ​ບັນດາ​ພະ​ແນ​ກ ປທສ 06 ແຂວງ​ພາກ​ເໜືອ ​ຊຶ່ງຈັດ​ຂື້ນໃນ​ລະ​ຫວ່າງ​ວັນ​ທີ 06-07 ທັນວາ ຜ່ານມານີ້, ທີ່​ ແຂວງ​ຫຼວງ​ນ້ຳ​ທາ​ ໂດຍ​ການ​ເປັນ​ປະ​ທານ​ຂອງ​ທ່ານ ຈະເລີນສີບຸນເຮືອງ ຮອງ​ຫົວ​ໜ້າ​ກົມ​ຄື້ນ​ຄວາມ​ຖີ່, ກະຊວງ ປທສ ມີບັນ​ດາ​ທ່ານ​ຜູ້​ຕາງ​ໜ້າ​ຄະ​ນະ​ພະ​ແນກ ປທສ 06 ແຂວງ​ພາກ​ເໜືອ ພ້ອມ​ດ້ວຍ​ວິ​ຊາ​ການ​ເຂົ້າ​ຮ່ວມ​.

         ​ການ​ຈັດ​ຝຶກ​ອົບ​ຮົມ​ໃນ​ຄັ້ງ​ນີ້ ກໍ່ເພື່ອ​ໃຫ້ຜູ້ເຂົ້າຮ່ວມ ມີ​ຄວາມ​ຮູ້, ຄວາມເຂົ້າໃຈ​ກ່ຽວ​ກັບ​ການ​ສື່ສານຜ່ານ​ດາ​ວ ທຽມ, ລະບຽບຫຼັກການ, ມາດຕະການ ການກວດກາ ແລະ ຢັ້ງຢືນມາດຕະຖານເຕັກນິກອຸປະກອນຮັບສັນຍານໂທລະພາບຜ່ານດາວທຽມ ເພື່ອຮັບປະກັນຄວາມຖືກຕ້ອງຕາມມາດຕະຖານເຕັກນິກຂອງສາກົນ ທີ່ກະຊວງ ປທສ ໄດ້ຮັບຮອງນຳໃຊ້ເປັນເອກະພາບກັນ ໃນທົ່ວປະເທດ, ແນໃສ່ສ້າງຄວາມທັນສະໃໝ, ປອດໄພ ແລະ ຍຸຕິທໍາ, ສາມາດຮັບຊົມ, ຮັບຟັງຂໍ້ມູນຂ່າວສານຂອງພາຍໃນ, ພາກພື້ນ ແລະ ສາກົນ, ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງຊາດ.

       ວຽກ​ງານ​ການ​ສື່ສານ​ຜ່ານ​ດາວ​ທຽມ ກໍ່​ເປັນ​ວຽກ​ງານ​ໜຶ່ງ​ທີ່​ມີ​ຄວາມ​ໝາຍ​ຄວາມ​ສຳ​ຄັນ​ໃນ​ການ​ພັດ​ທະ​ນາ​ ແລະ ສ້າງ​ສາ​ປະ​ເທດ​ຊາດ ທີ່​ນຳ​ໃຊ້ການ​ສື່ສານ​ຜ່ານ​ດາວ​ທຽມເຂົ້າໃນ​ການ​ຈັດ​ຕັ້ງ​ປະ​ຕິ​ບັດ​ວຽກ​ງານ​ຕ່າງໆ​ເຊັ່ນ: ວຽກ​ງານ​ການ​ສຶກ​ສາທາງ​ໄກ, ປະຊຸມ​ທາງ​ໄກ, ລະບົບ​ການ​ສື່ສານ​ສຸກ​ເສີນ,  ສາ​ທາ​ລະ​ນະ​ສຸກ, ວັດ​ທະ​ນາ​ທຳ-​ສັງ​ຄົມ, ວິ​ທະ​ຍຸ-ໂທ​ລະ​ພາບ, ການ​ສື່​ສານ​ຂໍ້​ມູນ​ຂ່າວ​ສານ, ໂທ​ລະ​ຄົມ​ມະ​ນາ​ຄົມ, ທະນາ​ຄານ ແລະ ອື່ນໆ.

ພາບ + ຂ່າວ: ກົມຄື້ນຄວາມຖີ່, ກະຊວງ .

 

ວາ​ລະ​ສານ ໄອ​ຊີ​ທີ
ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ລະ​ບົບ​ຂື້ນ​ທະ​ບຽນ​ປະ​ຊຸມ