ເຜີຍ​ແຜ່​ນີ​ຕິ​ກຳ​ກ່ຽວ​ກັບ​ການ​ຄຸ້ມ​ຄອງວຽກ​ງານ​ດັດ​ສົມ​ໂທ​ລະ​ຄົມມະນາຄົມ

18/12/2018

ເຜີຍ​ແຜ່​ນີ​ຕິ​ກຳ​ກ່ຽວ​ກັບ​ການ​ຄຸ້ມ​ຄອງວຽກ​ງານ​ດັດ​ສົມ​ໂທ​ລະ​ຄົມມະນາຄົມ

         ກະຊວງ ໄປສະນີ, ໂທລະຄົມມະນາູຄົມ ແລະ ການສື່ສານ (ປທສ) ໄດ້ລົງເຜີຍ​ແຜ່​ນີ​ຕິ​ກຳການ​ຄຸ້ມ​ຄອງວຽກ​ງານ​ດັດ​ສົມ​ໂທ​ລະ​ຄົມມະນາຄົມ ຢູ່ 04 ແຂວງ​ພາ​ກ​ກາງ (ແຂວງ ຄຳມ່ວນ, ແຂວງ ສະ​ຫວັນ​ນະ​ເຂດ, ແຂວງ ບໍ​ລິ​ຄຳ​ໄຊ  ແລະ ແຂວງ ວຽງ​ຈັນ) ໃນລະ​ຫວ່າງ ວັນທີ 26 ພະ​ຈິກ ເຖີງ ວັນ​ທີ 7 ຕຸ​ລາ ຜ່ານມານີ້, ໂດຍການເປັນປະທານຮ່ວມຂອງ ທ່ານ ພວງປະເສີດ ແກ້ວສຸວັນ ຮອງຫົວໜ້າອົງການດັດສົມໂທລະຄົມມະນາຄົມ, ກະຊວງ ປທສ ແລະ ຫົວໜ້າພະແນກ ປທສ ປະຈໍາແຕ່ລະແຂວງ ​ມີ ຄະ​ນະ​ອຳ​ນວຍ ​ການ​ຂອງ​​ບໍ​ລິ​ສັດ​   ລັດ​ວິ​ສາ​ຫະ​ກິດ ລາ​ວ​ໂທ​ລະ​ຄົມ, ບໍ​ລິ​ສັດ ສະ​ຕ​ຣາ​ໂທ​ລະ​ຄົມ, ບໍ​ລິ​ສັດ ອີ​ທີ​ແອ​ລ​ຈຳ​ກັດ, ບໍ​ລິ​ສັດ​ລັດສະ​ກາຍ​ໂທ​ລະ​ຄົມ ແລະ ບໍ​ລິ​ສັດ ວິມ​ເປວ​ຄອມ​ລາວ ພ້ອມ​ດ້ວຍ ວິ​ຊາ​ການ​ພະ​ແນກ ປ​ທ​ສ ແຂວງ ເຂົ້າ​ຮ່ວມ.

          ການຈັດກອງປະຊຸມໃນຄັ້ງນີ້, ແມ່ນ​ເພື່ອລົງເຜີຍ​ແຜ່​ນີ​ຕິ​ກຳ​ກ່ຽວ​ກັບ​ການ​ຄຸ້ມ​ຄອງວຽກ​ງານ​ດັດ​ສົມ​ໂທ​ລະ​ຄົມມະນາຄົມເປັນ​ຕົ້ນ: ຄວາມ​ຮູ້​ທົ່ວ​ໄປ​ກ່ຽວ​ກັບ​ການ​ຄຸ້ມ​ຄອງນຳ​ໃຊ້​ເລກ​ໝາຍ​ໂທ​ລະ​ສັບ, ວຽກ​ງານ​ການ​ແຂ່ງ​ຂັນ ແລະ​ ບໍ​ລິ​ການ ແລະ ວຽກ​ງານ​ການ​ຄຸ້ມ​ຄອງ​ການອອ​ກ​ອະ​ນຸ​ຍາດ​ດ້ານ​ເລກ​ໝາຍ​ໂທ​ລະ​ຄົມ​ມະ​ນາ​ຄົມ. ນອກນີ້, ບັນ​ດາຫົວ ໜ້າ​ພະ​ແນກ ປ​ທ​ສ​ ແຂວງ ແລະ ບໍ​ລ​ິ​ສັດ​ຜູ້​ໃຫ້​ບໍ​ລິ​ການ​ດ້າ​ນ​ໂທ​ລະ​ຄົມ​ມະ​ນາ​ຄົມ ​ຍັງໄດ້ມີ​ການ​ແລກ​ປ່ຽນ​ຄວາມ​ຮູ້​ດ້ານ​ໂທ​ລະ​ຄົມ​ມະ​ນາ​ຄົມ ຢ່າງ​ກົງ​ໄປ​ກົງ​ມາ ໃນ​ການຖາມ-ຕອ​ບ, ​ແລກ​ປ່ຽນ​ປະ​ສົບ​ການ ​ການ​ຈັດ​ຕັ້ງ​ປະ​ຕິ​ບັດ​ວຽກ​ງານ​ໃນ​ໄລ​ຍະ​ຜ່ານ​ມາ ເຮັດ​ໃຫ້​ສາ​ມາດ​ເຂົ້າ​ໃຈ​ໄດ້​ຢ່າງ​ຈະ​ແຈ້ງ​ກ່ຽວ​ກັບ​ການ​ນຳ​ໃຊ້​ນິ​ຕິ​ກຳ​ເຂົ້າ​ໃນ​ການແກ້​ໄຂ​ບັນ​ຫາ​ຕົວ​ຈີງ ແລະ ສາ​ມາດ​ເກັບ​ກຳ​ຂໍ້​ຄົງ​ຄ້າງ​ບາງ​ຈຸດ​ທີ່​ສາມ​າ​ດນຳ​ເອົາ​ມາ​ເປັນ​ບ່ອນ​ອີງ​ໃນ​ການ​ປັບ​ປຸງ​ນິ​ຕິ​ກຳ​ໃນ​ຕໍ່​ໜ້າ.

          ຄຽງ​ຄູ່​ກັບ​ການ​ເຜ​ີຍ​ແຜ່​ບັນ​ດາ​ນິ​ຕິ​ກຳ​ນັ້ນ ຄະ​ນະ​ຈັດຕັ້ງຍັງ ​ໄດ້ສົມ​ທົບ​ກັບບ​ັນ​ດາ​ພະ​ແນກ ປ​ທ​ສ ແຂວງ ລົງຕິດ​ຕາມ​ ແລະ ເກັບ​ກຳ​ຂໍ້​ມູນ ຈຳ​ນວນ​ໜື່ງ ກ່ຽວ​ກັບ ການ​ຈຳ​ໜ່າຍຊີມ​ກາດ, ການ​ຈັດ​ຮູບ​ແບບ​ການ​ສົ່ງ​ເສີມ​ການ​ຂາຍຜະ​ລິດ​ຕະ​ພັນ ແລະ ການ​ບໍ​ລິ​ການ ຢູ່​ທີ່​ປ່ອງ​ບໍ​ລິ​ການ​ໂທ​ລະ​ຄົມ​ມະ​ນາ​ຄົມ ໃນ​ແຕ່​ລະ​ແຂວງ  ເພື່ອກວດ​ກາ​ຈັດ​ຕັ້ງ​ປະ​ຕິ​ບັດ​ບັ​ນດາ​ນິ​ຕ​ີ​ກຳ​ທີ່​ກະ​ຊວງ ປ​ທ​ສ ວາງ​ອອກໃນ​ແຕ່​ລະ​ໄລ​ຍະ.

ພາບ+ຂ່າວ: ອົງການດັດສົມໂທລະຄົມ, ປທສ.

 

ວາ​ລະ​ສານ ໄອ​ຊີ​ທີ
ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ລະ​ບົບ​ຂື້ນ​ທະ​ບຽນ​ປະ​ຊຸມ