ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 1,069
  • ມື້ວານ942
  • ອາທິດນີ້11,008
  • ອາທິດກ່ອນ9,214
  • ເດືອນນີ້24,227
  • ເດືອນກ່ອນ26,947
  • ທັງໝົດ482,957
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ປາຖະກະຖາ ວັນຕ້ານການສໍ້ລາດບັງຫຼວງສາກົນ ຄົບຮອບ 14 ປີ

ກະຊວງ ໄປສະນີ, ໂທລະຄົມມະນາຄົມ ແລະການສື່ສານ (ປທສ) ໄດ້ຈັດພິທີປາຖະກະຖາ ວັນຕ້ານການສໍ້ລາດບັງຫຼວງສາກົນ ຄົບຮອບ 14 ປີ ( 9 ທັນວາ 2003 – 9 ທັນວາ 2017 ) ຂຶ້ນໃນວັນທີ 9 ມັງກອນ ຜ່ານມານີ້, ທີ່ຫ້ອງປະຊຸມໃຫຍ່ ຕຶກສູນຝຶກອົບຮົມ ຄື້ນຄວາມຖີ່ ກະຊວງ ປທສ. ໃຫ້ກຽດຂຶ້ນປາຖະກະຖາໂດຍ ທ່ານ ທອງໃສ ຊານໄຊຍະ ຮອງເລຂາຄະນະພັກ, ປະທານກວດກາ ກະຊວງ ມີຄະນະພັກ, ເລຂາໜ່ວຍພັກ ບັນດາກົມ/ທຽບເທົ່າ, ເລຂາຄະນະພັກຮາກຖານ ບັນດາບໍລິສັດ ລັດວິສາຫະກິດ ທີ່ຂື້ນກັບການຄຸ້ມຄອງຂອງ ກະຊວງ ປທສ ແລະ ພະນັກງານຜູ້ເຮັດວຽກງານກວດກາທັງໝົດເຂົ້້າຮ່ວມ.

ເພື່ອເປັນການເພິ່ມທະວີຄວາມຮັບຜິດຊອບຂອງຄະນະພັກ, ຄະນະນຳ ແຕ່ລະຂັ້ນໃນການຕິດຕາມກວດກາ ແລະ ແກ້ໄຂ ບັນດາກໍລະນິທີ່ມີພຶດຕິກຳການສໍ້ລາດບັງຫຼວງ ແລະ ເປັນການທົບທວນຄືນ ການສ້າງຕັ້ງວັນຕ້ານການ ສໍ້ລາດບັງຫຼວງສາກົນ, ການຈັດຕັ້ງປະຕິບັດ ການສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ໃນຂະແໜງ ໄປສະນີ ໂທລະຄົມມະນາຄົມ ແລະ ການສື່ສານ ເພື່ອເຮັດໃຫ້ວຽກງານສະກັດກັ້ນ ແລະ ຕ້ານການສໍ້ລາດບັງຫຼວງໃຫ້ກາຍເປັນໜ້າທີ່ ແລະ ຄວາມຮັບຜິດຊອບ ຂອງຄະນະພັກ, ຄະນະນໍາ ແລະ ພະນັກງານ-ລັດຖະກອນ ໃນການຕິດຕາມ, ກວດກາ, ແກ້ໄຂ ພຶດຕິກຳທີ່ເປັນການສໍ້ລາດບັງຫຼວງຢ່າງກ້ວາງຂວາງ ແລະ ເລິກເຊິ່ງ.

ການປາຖະກະຖາໃນຄັ້ງນີ້ເຫັນໄດ້ວ່າ ບັນດາຜູ້ເຂົ້າຮ່ວມສາມາດຮັບຮູ້ ແລະ ເຂົ້າໃຈເຖີງເນື້ອໃນຈິດໃຈວຽກງານດັ່ງກ່າວ ຢູ່ໃນ ສປປລາວ ເວົ້າສະເພາະກໍ່ຄືຂະແໜງ ໄປສະນີ ໂທລະຄົມມະນາຄົມ ແລະ ການສື່ສານ ເນື່ອງຈາກວ່າການສໍ້ລາດບັງຫຼວງ ແມ່ນສະພາບການຫຍໍ້ທໍ້ທີ່ສຳຄັນອັນໜື່ງໃນກົງຈັກການຈັດຕັ້ງ, ເປັນໄພອັນຕະລາຍຮ້າຍແຮງໜື່ງ ທີ່ເກີດຂື້ນດ້ວຍຫຼາຍຮູບແບບ ແລະ ສົ່ງຜົນກະທົບ ກົດໜ່ວງຖ່ວງດືງເຖິງການພັດທະນາເສດຖະກິດ-ສັງຄົມ, ເປັນໄພຂົ່ມຂູ່ ເຖີງຄວາມສະຖຽນລະພາບ, ບົດບາດ ແລະ ຄວາມສາມາດໃນການນຳຂອງພັກ, ການຄຸ້ມຄອງຂອງລັດ ກໍ່ຄືຄວາມເຊື່ອໝັ້ນຂອງປະຊາຊົນ, ເປັນການບັນທອນກໍາລັງແຮງຄວາມເຊື່ອໝັ້ນ ແລະ ຄ່ານິຍົມຂອງສັງຄົມຕໍ່ສະຖາບັນການປົກຄອງ; ມັນສ້າງຄວາມເສຍຫາຍໃຫ້ແກ່ຊັບສິນ, ເງິນຄຳຂອງລັດ ຂອງລວມໝູ່, ຂອງປະຊາຊົນຈໍານວນມະຫາສານ ແລະ ເປັນອຸປະສັກກົດໜ່ວງຕໍ່ການພັດທະນາ ແລະ ແກ້ໄຂຄວາມທຸກຍາກຂອງພະນັກງານ-ລັດຖະກອນ ແລະ ພໍ່ແມ່ປະຊາຊົນທົ່ວ ສປປ ລາວ;

ໃນຕອນທ້າຍ ທ່ານປະທານໄດ້ເນັ້ນໜັກໃຫ້ຄະນະພັກ-ຄະນະນຳແຕ່ລະຂັ້ນ ເອົາໃຈໃສ່ເຊື່ອມຊືມ ເຜີຍແຜ່ ແລະ ນຳໄປຜັນຂະຫຍາຍຈັດຕັ້ງປະຕິບັດຕົວຈິງ ບັນດາມະຕິ, ຄຳສັ່ງ, ກົດໝາຍ ວ່າດ້ວຍການຕ້ານການສໍ້ລາດບັງຫຼວງ, ຍຸດທະສາດ ການຕ້ານການສໍ້ລາດບັງຫຼວງແຕ່ນີ້ ຮອດປີ 2020, ດຳລັດ ວ່າດ້ວຍການແຈ້ງຊັບສິນ ແລະ ລາຍຮັບ, ດໍາລັດວ່າດ້ວຍການປະຢັດ ແລະ ຕ້ານການຟູມເຟືອຍ, ບັນດາຂໍ້ຫ້າມສໍາລັບສະມາຊິກພັກ ແລະ ພະນັກງານ-ລັດຖະກອນ; ຄະນະພັກ-ຄະນະນຳທຸກຂັ້ນ ຕ້ອງເອົາໃຈໃສ່ ຕິດຕາມ, ກວດກາ, ແກ້ໄຂບັນດາກໍລະນີທີ່ມີພຶດຕິກຳການສໍ້ລາດບັງຫຼວງ ໃນສິດຄຸ້ມຄອງຂອງຕົນໃຫ້ເດັດຂາດ, ເຂັ້ມງວດ, ທັນການ ແລະ ສັກສິດຕາມລະບຽບການ ໂດຍຖືເອົາການສະກັດກັ້ນການສໍ້ລາດບັງຫຼວງແຕ່ຫົວທີເປັນຕົ້ນຕໍ ແລະ ເປັນບັນຫາພື້ນຖານ.

ຂ່າວ+ພາບ: ກົມກວດກາ, ປທສ.


ວາລະສານໄອຊີທີ
ເຂົ້າສູ່ລະບົບ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 1069
  • ມື້ວານ942
  • ອາທິດນີ້11008
  • ອາທິດກ່ອນ9214
  • ເດືອນນີ້24227
  • ເດືອນກ່ອນ26947
  • ທັງໝົດ482957
Loding...