ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 1,053
  • ມື້ວານ998
  • ອາທິດນີ້4,203
  • ອາທິດກ່ອນ6,922
  • ເດືອນນີ້17,585
  • ເດືອນກ່ອນ30,760
  • ທັງໝົດ223,052
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ງານແຂ່ງຂັນ ໄອຊີທີລາວ 2017

ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ ( ປທສ) ໄດ້ຈັດງານແຂ່ງຂັນ ໄອຊີທີລາວ 2017 ຫຼື Lao ICT Award 2017 ຂຶ້ນ ໃນວັນທີ 12 ກໍລະກົດ 2017 ທີ່ ສະໜາມກິລາບູໂດ, ຊຶ່ງເປັນກຽດຮ່ວມໂດຍ ທ່ານ ບຸນສະເຫຼີມໄຊ ເຄນນາວົງ, ຮອງລັດຖະມົນຕີ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ, ພ້ອມດ້ວຍແຂກທີ່ຖືກເຊີນ ຈາກບັນດາກະຊວງ, ອົງການທຽບເທົ່າ, ບໍລິສັດທາງດ້ານໄອຊີທີ, ທະນາຄານ, ຫົວໜ່ວຍທຸລະກິດ ແລະ ສະຖາບັນການສຶກສາຕ່າງໆ.
ອ່ານເພີ່ມເຕີມ...

ທ່ານ ທັນສະໄໝ ກົມມະສິດ ໃຫ້ສໍາພາດສື່ມວນຊົນ ເນື່ອງໃນການສະເຫຼີມສະຫຼອງ 2 ວັນປະຫວັດສາດ ລາວ - ຫວຽດນາມ.

ເນື່ອງໃນໂອກາດທີ່ທົ່ວພັກ, ທົ່ວລັດ ແລະ ປະຊາຊົນ ສອງຊາດ ລາວ-ຫວຽດນາມ ຊຶ່ງເປັນເພື່ອນມິດຍຸດທະສາດອັນ ຍາວນານໄດ້ພາກັນສະເຫຼີມສະຫຼອງ 2 ວັນປະຫວັດສາດອັນສຳຄັນຄື: ວັນເຊັນສັນຍາມິດຕະພາບ ແລະ ການຮ່ວມມືຄົບຮອບ 40 ປີ (18/7/1977-18/7/2017) ແລະ ວັນສ້າງຕັ້ງສາຍພົວພັນການທູດ ລາວ-ຫວຽດນາມ ຄົບຮອບ 55ປີ (5/9/1962-5/9/2017).
ອ່ານເພີ່ມເຕີມ...

ລັດຖະມົນຕີ ກະຊວງ ປທສ ເຂົ້າຮ່ວມ ກອງປະຊຸມດຳເນີນ ຊີວິດການເມືອງປັບປຸງປົວແປງທົ່ວພັກ ບໍລິສັດ ອີທີແອລ ມະຫາຊົນ

ເມື່ອບໍ່ດົນມານີ້, ທ່ານ ທັນສະໃໝ ກົມມະສິດ ເລຂາຄະນະພັກກະຊວງ, ລັດຖະມົນຕີ ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ (ປທສ) ໄດ້ເຂົ້າຮ່ວມກອງປະຊຸມດຳເນີນຊີວິດການເມືອງ ປັບປຸງປົວແປງທົ່ວພັກ ພາຍໃນ ຄະນະພັກຮາກຖານ ບໍລິສັດ ອີທີແອລ ມະຫາຊົນ ປະຈຳປີ 2017 ເຊິ່ງ ກອງປະຊຸມໄດ້ດຳເນີນມາເປັນເວລາ 03 ວັນ ແຕ່ວັນທີ 27 ເຖິງ 29 ມິຖຸນາ 2017, ມີຄະນະພັກຮາກຖານພາຍໃນບໍລິສັດເຂົ້າຮ່ວມ. ເພື່ອຮັບຟັງການສະຫລຸບຜົນຂອງການດຳເນີນຊີວິດການເມືອງ ປັບປຸງປົວແປງທົ່ວພັກ ພາຍໃນ ຄະນະພັກຮາກຖານ ບໍລິສັດ ອີທີແອລ ມະຫາຊົນ ປະຈຳປີ 2017 ໂດຍປະຕິບັດຕາມເອກະສານເດັດດ່ຽວປົວແປງພັກ ໃຫ້ປອດໃສ, ເຂັ້ມແຂງ-ໜັກແໜ້ນ ແລະສະຫລຸບຕີລາຄາຄືນ ຄວາມຮັບຜິດຊອບລວມ ຂອງຄະນະພັກຮາກຖານ ບໍລິສັດ ອີທີແອລ ມະຫາຊົນ ໃນການຈັດຕັ້ງປະຕິບັດ ມະຕິກອງປະຊຸມໃຫຍ່ ຄັ້ງທີ X ຂອງພັກ ປະຊາຊົນ ປະຕິວັດລາວ, ມະຕິກອງປະຊຸມໃຫຍ່ ຄັ້ງທີ I ຂອງຄະນະພັກ ກະຊວງ ປທສ ເວົ້າລວມ ເວົ້າສະເພາະ ການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ I ຂອງຄະນະພັກຮາກຖານ ບໍລິສັດ ອີທີແອລ ມະຫາຊົນ.
ອ່ານເພີ່ມເຕີມ...

ປທສ ຝຶກອົບຮົມວຽກງານໂຄສະນາ - ປາຖະກາຖາ

ກະຊວງ ໄປສະນີ, ໂທລະຄົມມະນາຄົມ ແລະການສື່ສານ (ປທສ) ໄດ້ເປີດຊຸດຝຶກອົບຮົມວຽກງານໂຄສະ ນາ-ປາຖະກາຖາ ຊຸດທີ II ຂຶ້ນ ໃນວັນທີ 05 ກໍລະກົດ 2017 ນີ້, ທີ່ສະຖາບັນເຕັກໂນໂລຊີຂໍ້ມູນ-ຂ່າວສານ. ໂດຍການເປັນປະທານກ່າວເປີດຂອງ ທ່ານ ຄຳພູ ດວງຖະໜອມ ຄະນະພັກກະຊວງ, ຫົວໜ້າກົມຈັດຕັ້ງ- ພະນັກງານ, ກະຊວງ ປທສ ແລະ ໃຫ້ກຽດເຂົ້າຮ່ວມ ຂອງທ່ານ ນາງ ພວງມາລີ ອັກຄະມຸນຕີ ຮອງຫົວໜ້າກົມໂຄສະນາ, ຄະນະໂຄສະນາອົບຮົມສູນກາງພັກ ພ້ອມດ້ວຍບັນດານັກສາມະນາກອນ ຈາກບັນດາກົມ/ທຽບເທົ່າ ແລະ ບໍລິສັດ ລັດວິສະຫະກິດ ໄປສະນີ, ໂທລະຄົມມະນາຄົມ ລວມທັງໝົດ 35 ສະຫາຍ.
ອ່ານເພີ່ມເຕີມ...

ທ່ານ ທັນສະໄໝ ກົມມະສິດ ຢ້ຽມຢາມເຮັດວຽກ ທີ່ ສສ. ຫວຽດນາມ

ໂດຍຕອບສະໜອງຕາມຄໍາເຊີນ ຂອງ ທ່ານ ປອ ເຈືອງ ມິ່ງ ຕວນ (Truong Minh Tuan), ລັດຖະມົນຕີ ກະຊວງ ຖະແຫຼງຂ່າວ ແລະ ການສື່ສານ ແຫ່ງ ສາທາລະນະລັດ ສັງຄົມນິຍົມ ຫວຽດນາມ, ທ່ານ ປອ ທັນສະໄໝ ກົມມະສິດ, ລັດຖະມົນຕີ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ພ້ອມດ້ວຍຄະນະ ໄດ້ເດີນທາງໄປຢ້ຽມຢາມເຮັດວຽກ ກັບຄະນະຜູ້ແທນ ກະຊວງ ຖະແຫຼງຂ່າວ ແລະ ການສື່ສານ, ສສ. ຫວຽດນາມ ຢ່າງເປັນທາງການ ໃນລະຫວ່າງວັນທີ 20-23 ມິຖຸນາ 2017, ຊຶ່ງເປັນປີແຫ່ງການສະເຫຼີມສະຫຼອງ ສອງ ວັນປະຫວັດສາດ ລາວ-ຫວຽດນາມ ກໍ່ຄື ວັນສ້າງຕັ້ງສາຍພົວພັນການທູດ ລາວ-ຫວຽດນາມ ຄົບຮອບ 55 ປີ ແລະ ວັນເຊັນສົນທິສັນຍາມິດຕະພາບ ແລະ ການຮ່ວມມືຄົບຮອບ 40 ປີ ອັນເປັນນິມິດໝາຍໃຫ້ແກ່ການເພີ່ມທະວີສາຍພົວພັນມິດຕະພາບ ແລະ ການຮ່ວມມື ທີ່ເປັນມູນເຊື້ອອັນດີງາມໃຫ້ ແໜ້ນແຟ້ນຍິ່ງຂຶ້ນ ເວົ້າລວມ, ເວົ້າສະເພາະ ໃນຂະແໜງການ ໄປສະນີ, ໂທລະຄົມມະນາຄົມ ແລະ ໄອຊີທີ ຂອງສອງຊາດ ລາວ-ຫວຽດນາມ ໃຫ້ນັບມື້ນັບແຕກດອກອອກຜົນ ໂດຍຜ່ານການປຶກສາຫາລື ແລະ ແລກປ່ຽນຂໍ້ມູນລະຫວ່າງກັນ ເພື່ອສ້າງເງື່ອນໄຂອັນດີ ໃນການພັດທະນາ ແລະ ຊຸກຍູ້ສົ່ງເສີມວຽກງານ ໄອຊີທີ ຂອງສອງປະເທດ.
ອ່ານເພີ່ມເຕີມ...

ປທສ ສຳມະນາ ວຽກງານຄຸ້ມຄອງບໍລິການ OTT ໃນ ສປປ ລາວ

ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ຮ່ວມກັບ ສະຫະພາບໂທລະຄົມມະນາຄົມສາກົນ (International Telcommunication Union : ຫຼືເອີ້ນວ່າ ອົງການ ITU) ຈັດກອງປະຊຸມສຳມະນາ ວຽກງານຄຸ້ມຄອງບໍລິການ Over-The-Top ຫຼື OTT ຂຶ້ນ ເມື່ອບໍ່ດົນມານີ້, ທີ່ສະຖາບັນ ເຕັກໂນໂລຊີສື່ສານຂໍ້ມູນຂ່າວສານ (ICT). ໃຫ້ກຽດເປັນປະທານໂດຍ ທ່ານ ພູຂົງ ຈິດຮູບໂລກ, ຫົວໜ້າກົມແຜນການ ແລະ ການຮ່ວມມື, ກະຊວງ ປທສ ແລະ ທ່ານ Sharma Sameer ຊ່ຽວຊານອາວຸໂສ, ຈາກອົງການ ITU. ມີການເຂົ້າຮ່ວມຂອງຄະນະກົມອ້ອມຂ້າງກະຊວງ ປທສ, ກະຊວງ ອຸດສະຫະກຳ ແລະ ການຄ້າ, ກະຊວງຖະແຫຼ່ງຂ່າວ, ວັດທະນາທຳ ແລະ ທ່ອງທ່ຽວ, ກະຊວງການເງິນ, ທະນາຄານກາງ, ບໍລິສັດ ທີ່ໃຫ້ບໍລິການໂທລະຄົມ ແລະ ອິນເຕີເນັດ.
ອ່ານເພີ່ມເຕີມ...

ປທສ ເປີດກອງປະຊຸມຮຽບຮຽງຄືນກົດໝາຍ 2 ສະບັບ

ກະຊວງ ໄປສະນີ, ໂທລະຄົມມະນາຄົມ ແລະການສື່ສານ (ປທສ) ຮ່ວມກັບສະພາແຫ່ງຊາດ ໄດ້ຈັດກອງປະຊຸມຮຽບຮຽງກົດໝາຍວ່າດ້ວຍ ຄື້ນຄວາມຖີ່ວິທະຍຸສື່ສານ ແລະ ກົດໝ່າຍວ່າດ້ວຍ ການປົກປ້ອງຂໍ້ມູນເອເລັກໂຕຣນິກ ຂື້ນໃນວັນທີ 12 ມີຖຸນາ ທີ່ຜ່ານມານີ້, ທີ່ເມືອງແກ້ວອຸດົມ ແຂວງວຽງຈັນ. ໂດຍການເປັນປະທານຂອງ ທ່ານ ບຸນສະເຫຼີມໄຊ ເຄນນາວົງ ຮອງລັດຖະມົນຕີກະຊວງ ປທສ, ທ່ານ ບຸນປອນ ສີສຸລາດ ປະທານກຳມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ສະພາແຫ່ງຊາດ, ທ່ານ ສາຍທອງ ແກ້ວດວງດີ, ປະທານ ກຳມາທິການກົດໝາຍ ສະພາແຫ່ງຊາດ, ມີບັນດາພະນັກງານຈາກສະພາແຫ່ງຊາດ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ອ່ານເພີ່ມເຕີມ...

ປທສ ປະກາດແຕ່ງຕັ້ງ ແລະຊັບຊ້ອນຂັ້ນຫົວໜ້າກົມ/ທຽບເທົ່າກົມໃໝ່

ພິທີປະກາດການແຕ່ງຕັ້ງ ແລະຊັບຊ້ອນ ຂັ້ນຫົວໜ້າກົມ/ທຽບເທົ່າກົມ ພາຍໃນກະຊວງ ໄປສະນີ ໂທລະຄົມມະນາຄົມ ແລະການສື່ສານ (ປທສ) ໄດ້ຈັດຂຶ້ນໃນວັນທີ 09 ມິຖຸນາ ຜ່ານມານີ້, ທີ່ ຫ້ອງປະຊຸມຊັ້ນ 1 ຂອງສະຖາບັນເຕັກໂນໂລຊີ ການສື່ສານຂໍ້ມູນຂ່າວສານ. ໂດຍການເປັນປະທານຂອງ ທ່ານ ທອງໃສ ຊານໄຊຍະ ຮອງລັດຖະມົນຕີກະຊວງ ປທສ, ມີບັນດາຫົວໜ້າກົມ, ຮອງກົມ ແລະພະນັກງານອ້ອມຂ້າງກະຊວງເຂົ້າຮ່ວມ.
ອ່ານເພີ່ມເຕີມ...