ໃນວັນທີ 30 ພຶດສະພາ 2016 ໄດ້ມີກອງປະຊຸມລັດຖະມົນຕີ (Ministerial Forum), ທີ່ປະເທດສິງກະໂປ ໂດຍການເຂົ້າຮ່ວມຂອງທ່ານ ທ່ານ ທອງໃສ ຊານໄຊຍະ ຮອງລັດຖະມົນຕີ ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ ທີ່ມີເນື້ອໃນສຳຄັນຂອງກອງປະຊຸມຄື: ການຂະຫຍາຍພື້ນຖານໂຄງລ່າງຂອງ ICT ເພື່ອເສີມຂະຫຍາຍການເຊື່ອມຕໍ່, ວີທີການໃນການຊຸກຍູ້ສົ່ງເສີມ ໃຫ້ມີການລົງທຶນພື້ນຖານໂຄງລ່າງ ແລະ ຜູ້ປະດິດສ້າງບັນດາແອັບພິເຄເຊັນ, ນະວັດຕະກຳ ໃໝ່ໆໃຫ້ຫຼາຍຂື້ນ, ໃນນັ້ນ ຍັງເວົ້າເຖິງ ພາລະບົດບາດຂອງ ຜູ້ປະກອບການທ້ອງຖິ່ນ ແລະ ວິສາຫະກິດຂະຫນາດກາງ ແລະ ຂະ ຫນາດຂະຫນາດນ້ອຍ (SME)

ກອງປະຊຸມສົນທະນາ ຂອງກອງປະຊມສຸດຍອດສັງຄົມຂໍ້ມູນຂ່າວສານ ປະຈໍາສົກປີ 2016 (World Summit on Information Technology Forum, WSIS Forum 2016) ໄດ້ຈັດຂື້ນໃນລະຫວ່າງ ວັນທີ່ 1-7 ພຶດສະພາ 2016 ຢູ່ສໍານັກງານໃຫຍ່ ອົງການໂທລະຄົມສາກົນ ທີ່ນະຄອນເຈເນວາ ໂດຍການເປັນເຈົ້າພາບຮ່ວມກັນຂອງອົງການ ITU, UNESCO, UNCTAD ແລະ UNDP, ຊຶ່ງມີຜູ້ເຂົ້າຮ່ວມ ກ່ວາ 1,800 ຄົນ ທີ່ມາ

ໃນວັນທີ 26 ພຶດສະພາ 2016 ໄດ້ມີການເປີດກອງປະຊຸມ “ກວດກາເນື້ອໃນຮອບດ້ານ” ຂອງຮ່າງກົດໝາຍ ວ່າດ້ວຍ ເຕັກໂນໂລຊີສື່ສານຂໍ້ມູນ ຫລື ເອີ້ນວ່າ ICT ຈັດໂດຍ ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ, ໂດຍການເປັນປະທານຂອງ ທ່ານ ສາຍທອງ ແກ້ວດວງດີ, ປະທານກໍາມະທິການກົດໝາຍ, ທ່ານ ທອງໃສ ຊານໄຊຍະ ຮອງລັດຖະມົນຕີ ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ, ບັນດາຮອງປະທານ ກໍາມະທິການ ສະພາແຫ່ງຊາດ, ນັກຊ່ຽວຊານດ້ານກົດໝາຍ ພ້ອມດ້ວຍທ່ານຫົວໜ້າກົມ, ຮອງກົມ ແລະ ຄະນະກອງປະຊຸມເຂົ້າຮ່ວມ ລວມທັງໝົດກວ່າ 70 ທ່ານ.

ໃນວັນທີ 9 ພຶດສະພາ 2016 ທີ່ ໂຮງແຮມລາວພຣາຊາ ໄດ້ມີງານເປີດໂຕ ໂປຼແຣມອ່ານອອກສຽງພາສາລາວ. ເຊິ່ງໃຫ້ກຽດກ່າວເປີດພິທີໂດຍ ທ່ານ ພົນປະສິດ ພິດສະໄໝ ຫົວໜ້າສູນບໍລິຫານລັດດ້ວຍເອເລັກໂຕຼນິກ ແລະ ການສະແດງຄວາມຄິດເຫັນຂອງ ທ່ນ ດຣ ສະຣັນ ສໍາລິດເດດຂະຈອນ ຜູ້ອໍານວຍການ ສູນເຕັກໂນໂລຊີ, ເອເລັກໂຕຼນິກ ແລະ ຄອມພິວເຕີແຫ່ງປະເທດໄທ, ເປັນກຽດເຂົ້າຮ່ວມໂດຍ ທ່ານ ນາງ ກອງແກ້ວ ຕຸນາລົມ ປະທານສະມາຄົມຄົນພິການຕາລາວ, ທ່ານ ນາງ ເກສອນ ສຸລິວົງ ຮອງຫົວໜ້າກົມແຜນການ ແລະ ການຮ່ວມມື ກະຊວງ ປທສ, ພ້ອມດ້ວຍບັນດາທ່ານ ທີ່ມາຈາກພາກລັດ, ສະຖາບັນການສຶກສາ, ພາກທຸລະກິດ ແລະ ຄົນພິການທາງສາຍຕາ ເຂົ້າຮ່ວມປະມານ 100 ຄົນ.