ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 22
  • ມື້ວານ1,145
  • ອາທິດນີ້8,763
  • ອາທິດກ່ອນ12,996
  • ເດືອນນີ້11,277
  • ເດືອນກ່ອນ25,285
  • ທັງໝົດ641,691
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ມອບໃບຢັ້ງຢືນໜ່ວຍພັກເຂັ້ມແຂງ-ຮູ້ນໍາພາຮອບດ້ານ ປະຈໍາປີ 2016 ແລະ ມອບການຍ້ອງຍໍກອງປະຊຸມສຸດຍອດອາຊຽນ ຄັ້ງທີ 28, 29.

ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດພິທີມອບໃບຢັ້ງຢືນໜ່ວຍພັກເຂັ້ມແຂງ-ຮູ້ນຳພາຮອບດ້ານ, ມອບບັດສະມາຊິກພັກສົມບູນ ຊຸດທີ 2, ມອບໃບຍ້ອງຍໍໃນການຮັບໃຊ້ກອງປະຊຸມສຸດຍອດອາຊຽນຄັ້ງທີ 28,29 ທີ່ລາວເຮົາເປັນເຈົ້າພາບ ແລະ ມອບໃບຍ້ອງຍໍຜູ້ທີ່ມີຜົນງານດີເດັ່ນປະຈຳປີ 2016 ໃຫ້ກັບພະນັກງານອ້ອມຂ້າງກະຊວງ ປທສ ຂຶ້ນ, ໃນວັນທີ 24 ກຸມພາຜ່ານມານີ້, ທີ່ກະຊວງ ດັ່ງກ່າວ. ໂດຍການເປັນປະທານຂອງ ທ່ານ ທັນສະໄໝ ກົມມະສິດ ເລຂາຄະນະພັກກະຊວງ, ລັດຖະມົນຕີກະຊວງ ປທສ , ມີບັນດາສະມາຊິກພັກອ້ອມຂ້າງກະຊວງເຂົ້າຮ່ວມ.
ອ່ານເພີ່ມເຕີມ...

ຮອງລັດຖະມົນຕີ ປທສ ຊີ້ນໍາແຂວງ ຈໍາປາສັກໃນການພັດທະນາ ໄອຊີທີ ທີ່ທັນສະໄໝ.

ທ່ານ ທອງໃສ ຊານໄຊຍະ ຮອງລັດຖະມົນຕີ ກະຊວງ ປທສ ໄດ້ຊີ້ນໍາໃຫ້ພະແນກ ປທສແຂວງຈໍາປາສັກ ເອົາໃຈໃສ່ຊຸກຍູ້ ບັນດາຫົວໜ່ວຍບໍລິສັດ ລັດວິສາຫະກິດ ດ້ານໄປສະນີ, ໂທລະຄົມມະນາຄົມ ແລະ ການສື່ສານ ຂະຫຍາຍເຄື່ອຂ່າຍການບໍລິການໃຫ້ໄດ້ຢ່າງທົ່ວເຖິງ, ວ່ອງໄວ, ໝັ້ນຄົງ, ປອດໄພ ແລະ ຮັບປະກັນຄຸນນະພາບ. ກອງປະຊຸມການເຄື່ອນໄຫວວຽກງານໄປສະນີ, ໂທລະຄົມມະນາຄົມ ແລະ ການສື່ສານ ປະຈໍາສົກປີ 2015-2016 ແລະ ທິດທາງການເຄື່ອນໄຫວ ສົກປີ 2017 ຂອງພະແນກ ປທສ ແຂວງຈໍາປາສັກ ໄດ້ຈັດຂຶ້ນເມື່ອວັນທີ 15 ກຸມພາ ຜ່ານມານີ້, ທີ່ ຈໍາປາສັກ. ໂດຍມີ ທ່ານ ທອງໃສ ຊານໄຊຍະ ຮອງລັດຖະມົນຕີ ກະຊວງ ປທສ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ອ່ານເພີ່ມເຕີມ...

ລັດຖະມົນຕີ ປທສ ຕ້ອນຮັບຄະນະຜູ້ແທນ ອົງການສື່ສານທາງອາວະກາດສາກົນ ອິນເຕີສະປຸດນິກ ເຂົ້າຢ້ຽມຂໍ່ານັບ

ທ່ານ ທັນສະໄໝ ກົມມະສິດ ລັດຖະມົນຕີກະຊວງ ໄປສະນີ, ໂທລະຄົມມະນາຄົມ ແລະ ການສື່່ສານ (ປທສ) ໄດ້ຕ້ອນຮັບ ທ່ານ Victor VESHCHUNOV ຕາງໜ້າຄະນະຜູ້ແທນ ຈາກອົງການສື່ສານທາງອາວະກາດສາກົນ ອິນເຕີສະປຸດນິກ (Intersputnik) ເຂົ້າຢ້ຽມຂໍ່ານັບ, ໃນຕອນສວຍຂອງວັນທີ 14 ກຸມພາ 2017 ນີ້, ທີ່ຫ້ອງຮັບແຂກ ຂອງກະຊວງ. ໃນໂອກາດດັ່ງກ່າວ ທ່ານ ທັນສະໄໝ ກົມມະສິດ ລັດຖະມົນຕີ ປທສ ໄດ້ສະແດງຄວາມຍິນດີຕ້ອນຮັບ, ຊົມເຊີຍ ພ້ອມທັງຕີລາຄາສູງຕໍ່ການຢ້ຽມຂໍານັບຂອງຄະນະຜູ້ແທນ ອົງການສື່ສານທາງອາວະກາດສາກົນ ອິນເຕີສະປຸດນິກ.
ອ່ານເພີ່ມເຕີມ...

ການສົ່ງເສີມໃຫ້ແມ່ຍິງ ກະຊວງ ປທສ ມີຄວາມຮູ້ດ້ານໂພສະນາການ ແລະ ການຮັກສາສຸຂະພາບຂັ້ນຕົ້ນ

ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ ( ປທສ ) ໄດ້ຈັດກອງປະຊຸມສຳມະນາ ໃນຫົວຂໍ້ ‘‘ການສົ່ງເສີມໃຫ້ແມ່ຍິງມີຄວາມຮູ້ດ້ານໂພສະນາການ ແລະ ການຮັກສາສຸຂະພາບຂັ້ນຕົ້ນ’’ ຂຶ້ນ, ໃນຕອນເຊົ້າຂອງວັນທີ 16 ກຸມພາ 2017 ນີ້, ໃຫ້ກຽດເຂົ້າຮ່ວມບັນຍາຍເອກະສານ ໂດຍ ອາຈານ ແສງມະນີ ໜໍ່ຈະເລີນ, ຈາກສູນໂພສະນາການ, ກົມອານາໄມ ແລະ ສົ່ງເສີມສຸຂະພາບ, ກະຊວງ ສາທາລະນະສຸກ, ໂດຍມີພະນັກງານ-ລັດຖະກອນ ທີ່ເປັນເພດຍິງ ຈາກທຸກພາກສ່ວນເຂົ້າຮ່ວມ.
ອ່ານເພີ່ມເຕີມ...

ການນໍາ ກະຊວງ ປທສ ເຂົ້າຮ່ວມ ກອງປະຊຸມສະຫຼຸບວຽກງານປະຈໍາປີ 2016 ຂອງ ແຂວງຫຼວງພະບາງ.

ໃນວັນທີ 11 ກຸມພາ 2017 ຜ່ານມານີ້, ທ່ານ ທອງໃສ ຊານໄຊຍະ ຮອງລັດຖະມົນຕີ ກະຊວງ ປທສ ພ້ອມດ້ວຍຄະນະ ໄດ້ເຂົ້າຮ່ວມກອງປະຊຸມການເຄື່ອນໄຫວວຽກງານໄປສະນີ, ໂທລະຄົມມະນາ ຄົມ ແລະ ການສື່ສານ ປະຈໍາສົກປີ 2015-2016 ແລະ ທິດທາງການເຄື່ອນໄຫວ ສົກປີ 2017 ຂອງພະແນກ ປທສ ແຂວງຫຼວງພະບາງ (ປທສ.ຫຼບ), ທີ່ ຫຼວງພະບາງ. ໂດຍເປັນປະທານຮ່ວມກັບ ທ່ານ ວົງສະຫວັນ ແສງພະຈັນ ຮອງເຈົ້າແຂວງແຂວງຫຼວງພະບາງ ຊຶ່ງມີບັນດາທ່ານເຈົ້້າເມືອງ, ພະແນກອ້ອມຂ້າງແຂວງ ແລະ ບັນດາບໍລິສັດເຂົ້າຮ່ວມ.
ອ່ານເພີ່ມເຕີມ...

ລາວ-ລັດເຊຍ ຈັດສໍາມະນາຄື້ນຄວາມຖີ່ຕາມລຽບຊາຍແດນ

ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ກະຊວງ ປທສ), ຮ່ວມກັບ ກະຊວງ ໂທລະຄົມມະນາຄົມ ແລະ ສື່ສານມວນຊົນ ແຫ່ງ ສ. ຣັດເຊຍ ໄດ້ຈັດງານສຳມະນາ “ການປະສານງານຄື້ນຄວາມຖີ່ລຽບຕາມຊາຍແດນ” ຂຶ້ນໃນວັນທີ 13 ກຸມພາ 2016, ທີ່ ສະຖາບັນ ເຕັກໂນໂລຊີການສື່ສານຂໍ້ມູນຂ່າວສານ, ໂດຍການເປັນປະທານຮ່ວມຂອງທ່ານ ທັນສະໄໝ ກົມມະສິດ, ກໍາມະການ ສູນກາງພັກ, ລັດຖະມົນຕີ ກະຊວງ ປທສ ແລະ ທ່ານ ມິເຄອິວ ບາຣາໂນບ (H.E. Mikhail Baranov) ເອອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງສະຫະພັນ ຣັດເຊຍ ປະຈໍາ ສປປ ລາວ, ມີນັກສໍາມະນາກອນເຂົ້າຮ່ວມ.
ອ່ານເພີ່ມເຕີມ...

ກອງປະຊຸມເຜີຍແຜ່ສະເຫຼີມສະຫຼອງວັນສ້າງຕັ້ງ ອົງການກຳມະບານລາວ ຄົບຮອບ 61 ປີ

ໃນຕອນເຊົ້າ ຂອງວັນທີ 3 ກຸມພາ 2017 ນີ້, ຄະນະບໍລິຫານງານສະຫະພັນກຳມະບານ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດກອງປະຊຸມເຜີຍແຜ່ ຫວນຄືນມູນເຊື້ອວັນສ້າງຕັ້ງອົງການກຳມະບານລາວ ຄົບຮອບ 61 ປີ ( 1 ກຸມພາ 1956 ຫາ 1 ກຸມພາ 2017 ) ຂຶ້ນ,ທີ່ຫ້ອງປະຊຸມໃຫຍ່ ກະຊວງ ປທສ. ເປັນກຽດເຜີຍແຜ່ເອກະສານໂດຍ ທ່ານ ວັນນາ ດວງພະຈັນ ຄະນະພັກ, ຮອງປະທານສູນກາງສະຫະພັນກຳມະບານລາວ, ມີການເຂົ້າຮ່ວມຂອງ ທ່ານ ທອງໃສ ຊານໄຊຍະ ຮອງເລຂາຄະນະພັກກະຊວງ, ຮອງລັດຖະມົນຕີກະຊວງ ປທສ, ພ້ອມດ້ວຍຄະນະບໍລິຫານງານສະຫະພັນກຳມະບານ ກະຊວງ ປທສ, ຄະນະກຳມະບານຮາກຖານ ບັນດາກົມ/ທຽບເທົ່າ ແລະ ສະມາຊິກກຳມະບານ ອ້ອມຂ້າງກະຊວງ ປທສ.
ອ່ານເພີ່ມເຕີມ...

ກອງປະຊຸມວຽກງານ ໄປສະນີິ, ໂທລະຄົມມະນາຄົມ ແລະ ການສື່ສານ ແຂວງສະຫວັນນະເຂດ ປະຈໍາປີ 2015-2016 ແລະ ທິດທາງປະຈໍາປີ 2017.

ໃນວັນທີ 27 ມັງກອນ 2016 ນີ້, ພະແນກໄປສະນີິ, ໂທລະຄົມມະນາຄົມ ແລະ ການສື່ສານ ແຂວງສະຫວັນນະເຂດ ( ພປທສ.ສຂ) ໄດ້ຈັດກອງປະຊຸມວຽກງານ ໄປສະນີິ, ໂທລະຄົມມະນາຄົມ ແລະ ການສື່ສານ ທົ່ວແຂວງສະຫວັນນະເຂດ ປະຈໍາສົກປີ 2015-2016 ແລະ ທິດທາງແຜນການປະຈໍາປີ 2017 ຂຶ້ນ, ທີ່ ສະໂມສອນໃຫຍ່ແຂວງສະຫວັນນະເຂດ ພາຍໃຕ້ຄຳຂັວນທີ່ວ່າ: “ ຮ່ວມສ້າງສັງຄົມສີວິໄລ ດ້ວຍການເລືອກໃຊ້ໄອຊີທີປອດໄພ ແລະ ເປັນປະໂຫຍດ ’’. ໂດຍການເປັນປະທານຮ່ວມຂອງ ທ່ານ ປອ ທັນສະໄໝ ກົມມະສິດ, ກຳມະການສູນກາງພັກ, ລັດຖະມົນຕີກະຊວງ ປທສ ແລະ ທ່ານ ສັນຕິພາບ ພົມວິຫານ ກໍາມະການສູນກາງພັກ, ເລຂາພັກແຂວງ, ເຈົ້້າແຂວງ ແຂວງສະຫວັນນະເຂດ, ມີການເຂົ້າຮ່ວມຂອງ ທ່ານຮອງລັດຖະມົນຕີ, ຫົວໜ້າກົມ/ທຽບເທົ່າ, ເຈົ້າເມືອງ ແລະ ຫົວໜ້າພະແນການ, ຜູ້ຕາງໜ້າຈາກບັນດາ ປທສ ເມືອງ, ຜູ້ອໍານວຍການບໍລິສັດປະຈໍາແຂວງ ພ້ອມດ້ວຍແຂກທີ່ຖືກເຊີນ.
ອ່ານເພີ່ມເຕີມ...

ວາລະສານໄອຊີທີ
ເຂົ້າສູ່ລະບົບ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 22
  • ມື້ວານ1145
  • ອາທິດນີ້8763
  • ອາທິດກ່ອນ12996
  • ເດືອນນີ້11277
  • ເດືອນກ່ອນ25285
  • ທັງໝົດ641691
Loding...