ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 461
  • ມື້ວານ1,359
  • ອາທິດນີ້1,820
  • ອາທິດກ່ອນ7,501
  • ເດືອນນີ້18,588
  • ເດືອນກ່ອນ43,980
  • ທັງໝົດ301,420
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ທ່ານ ຮອງ ລມຕ ໄດ້ໄປເຄື່ອນໄຫວຊຸກຍູ້ວຽກງານຢູ່ ແຂວງຊຽງຂວາງ ແລະ ຫົວພັນ.

ທ່ານ ບຸນສະເຫລີມໄຊ ເຄນນາວົງ ຮອງລັດຖະມົນຕີ ກະຊວງ ໄປສະນີ ໂທລະຄົມມະນາຄົມ ແລະການສື່ສານ (ປທສ) ພ້ອມດ້ວຍຄະນະ ໄດ້ໄປເຄື່ອນໄຫວຢ້ຽມຢາມ ແລະ ຊຸກຍູ້ວຽກງານດ້ານວິຊາການ ຂອງພະແນກ ປທສ ແຂວງຊຽງຂວາງ ແລະ ແຂວງຫົວພັນ ໃນລະຫວ່າງ ວັນທີ 09-12 ຕຸລາ 2017 ຜ່ານມາ. ພ້ອມດຽວກັນນັ້ນ, ຍັງໄດ້ເຂົ້າພົບ ທ່ານ ວັນໄຊ ແພງຊຸມມາ ເຈົ້າແຂວງຫົວພັນ ແລະ ທ່ານ ຄຳບາວ ມົວ, ຮອງເຈົ້າແຂວງ ແຂວງຊຽງຂວາງ ເພື່ອຮັບຟັງລາຍງານການເຄື່ອນໄຫວວຽກງານ ຂອງພະແນກ ປທສ ຢູ່ແຕ່ລະແຂວງ ແລະ ໄດ້ລົງຢ້ຽມຢາມບັນດາ ຫ້ອງການພະແນກ ປທສ ປະຈຳແຂວງ.
ອ່ານເພີ່ມເຕີມ...

ປທສ ຝຶກອົບຮົມກ່ຽວກັບການຮຽນຮູ້ຄວາມເປັນຜູ້ນຳ ຊຸດທີ 5

ກະຊວງ ໄປສະນີ ໂທລະຄົມມະນາຄົມ ແລະການສື່ສານ (ປທສ) ໄດ້ເປີດຊຸດຝຶກອົບຮົມກ່ຽວກັບການຮຽນຮູ້ຄວາມເປັນຜູ້ນຳ ຊຸດທີ 5 ຂອງກະຊວງ ປທສ ຂຶ້ນ, ໃນວັນທີ 11 ຕຸລາ ຜ່ານມານີ້, ທີ່ຫ້ອງປະຊຸມ ຂອງ ໂຮງແຮມຄຳປະເສີດ ເມືອງວັງວຽງ ແຂວງວຽງຈັນ. ໂດຍການເປັນປະທານຮ່ວມຂອງ ທ່ານ ນ ວັນນາ ພົມມະວົງ ຮອງຫົວໜ້າກົມຈັດຕັ້ງ-ພະນັກງານ ກະຊວງ ປທສ ແລະທ່ານ ສິງທະວອນ ດາລາວົງ ຄະນະພັກ, ຫົວຫນ້າຫ້ອງການກະຊວງພາຍໃນ ມີພະນັກງານຂັ້ນພະແນກຂອງບັນດາກົມ/ທຽບເທົ່າ ແລະ ພະແນກ ປທສ 3 ແຂວງເຂົ້າຮ່ວມ.
ອ່ານເພີ່ມເຕີມ...

ປທສ ເກັບກຳຂໍ້ມູນຄຸນນະພາບການໃຫ້ບໍລິການໂທລະສັບມືຖື ແລະ ອິນເຕີເນັດ 4 ແຂວງ ພາກໃຕ້

ອົງການດັດສົມໂທລະຄົມມະນາຄົມ, ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດກອງປະຊຸມຈັດຕັ້ງປະຕິບັັດໂຄງການລົງທຶນຂອງລັດກ່ຽວກັບການເກັບກຳຂໍ້ມູນດ້ານຄຸນນະພາບການໃຫ້ບໍລິການໂທລະສັບມືຖື ແລະ ອິນເຕີເນັດຢູ່ 4 ແຂວງພາກໃຕ້ ໃນວັນທີ 28 ກັນຍາ ຜ່ານມານີ້, ທີ່ແຂວງຈໍາປາສັກ.ໂດຍການເປັນປະທານຂອງ ທ່ານ ພວງປະເສີດ ແກ້ວສຸວັນ ຮອງຫົວໜ້າອົງການດັດສົມໂທລະຄົມມະນາຄົມ ແລະ ທ່ານ ກອງແກ້ວ ປັນຍາພອນ ຮອງຫົວໜ້າພະແນກ ປທສ ແຂວງຈຳປາສັກ ແລະ ມີຜູ້ຕາງໜ້າຈາກບັນດາ 4 ແຂວງພາກໃຕ້ປະກອບດ້ວຍ: ແຂວງຈຳປາສັກ, ແຂວງສາລາວັນ, ແຂວງເຊກອງ ແລະ ແຂວງອັດຕະປື ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ອ່ານເພີ່ມເຕີມ...

ປທສ ໄຂຊຸດຝຶກອົບຮົມ ທິດສະດີການເມືອງ ແລະ ການປົກຄອງ ຊຸດທີ III

ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດພິທີ ໄຂຊຸດຝຶກອົບຮົມ ທິດສະດີການເມືອງ ແລະ ການປົກຄອງ ໄລຍະສັ້ນ 45 ວັນ ຊຸດທີ III ຂອງກະຊວງ ປທສ ຂຶ້ນ, ໃນວັນທີ 03 ຕຸລາ 2017 ນີ້, ທີ່ສະຖາບັນເຕັກໂນໂລຊີ ສື່ສານຂໍ້ມູນຂ່າວສານ. ໂດຍການເປັນປະທານຮ່ວມຂອງ ທ່ານ ທອງໃສ ຊານໄຊຍະ, ຮອງເລຂາຄະນະພັກ, ຮອງລັດຖະມົນຕີກະຊວງ ປທສ ແລະທ່ານ ສະໝຸດທອງ ສົມພິນິດ ຄະນະພັກ, ຮອງຫົວໜ້າສະຖາບັນການເມືອງ ແລະ ການປົກຄອງແຫ່ງຊາດ. ມີຄະນະພັກກະຊວງ, ຄະນະໜ່ວຍພັກ ບັນດາກົມ/ທຽບເທົ່າ, ຄະນະພັກຮາກຖານ ບໍລິສັດ ລັດວິສາຫະກິດ ອ້ອມຂ້າງກະຊວງ ແລະ ນັກຝຶກອົບຮົມ 40 ສະຫາຍ ເຂົ້າຮ່ວມ.
ອ່ານເພີ່ມເຕີມ...

ທ່ານ ທັນສະໄໝ ກົມມະສິດ ເຂົ້າຮ່ວມກອງປະຊຸມ ໄອທີຢູ 2017 ທີ່ ສ.ເກົາຫຼີ.

ທ່ານ ປອ ທັນສະໄໝ ກົມມະສິດ, ລັດຖະມົນຕີ ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ພ້ອມດ້ວຍຄະນະໄດ້ເດີນທາງເຂົ້າຮ່ວມກອງປະຊຸມ ITU Telecom World 2017 ທີ່ ເມືອງບູຊານ ສ.ເກົາຫຼີ, ໃນລະຫວ່າງວັນທີ 24-28 ກັນຍາ 2017 ນີ້. ກອງປະຊຸມດັ່ງກ່າວໄດ້ຈັດຂຶ້ນໂດຍ ສະຫະພາບໂທລະຄົມມະນາຄົມສາກົນ ຫຼື ITU ຊຶ່ງເປັນຜູ້ທີ່ຮັບຜິດຊອບກ່ຽວກັບ ມາດຕະຖານດ້ານໂທລະຄົມ ແລະ ວຽກງານສົ່ງເສີມໂທລະຄົມມະນາຄົມ ຫຼື ICT ສາກົນ, ງານ ITU Telecom World ແມ່ນໄດ້ຈັດຂຶ້ນທຸກໆປີ. ພ້ອມນີ້, ຍັງມີງານວາງສະແດງດ້ານ ICT ທີ່ເພື່ອເປັນເວທີໃຫ້ກັບ ບັນດາກະຊວງ ແລະ ອົງການລັດຖະບານ, ຜູ້ວາງນະໂຍບາຍຂະແໜງ ICT, ຜູ້ປະກອບການຂະແໜງການ ICT ແລະ ສະຕາດອັບ (ICT StartUp) ຕ່າງໆໄດ້ມາພົບປະກັນ ຜ່ານກອງປະຊຸມສຳມະນາ ແລະ ງານວາງສະແດງ. ນອກນັ້ນ, ຍັງເປັນເວທີ ໃນການສ້າງໂອກາດອັນດີໃນການຮ່ວມມື, ການລົງທຶນຮ່ວມກັນ ແລະ ແລກປ່ຽນບົດຮຽນລະຫວ່າງພາກພຶ້ນ ແລະ ສາກົນ. ຊຶ່ງໃນງານວາງສະແດງຄັ້ງນີ້ ໄດ້ມີຫຼາຍກວ່າ 450 ບູດ ວາງສະແດງ ທີ່ມາຈາກພາກສ່ວນ ລັດຖະບານ ແລະ ເອກະຊົນ ຈາກທົ່ວໂລກ ໂດຍສະເພາະຈາກບັນດາປະເທດອາຊຽນ ແລະ ອັບຟຣິກາ, ແລະ ມີຜູ້ເຂົ້າຮ່ວມຊົມງານ ຫຼາຍກວ່າ 9.000 ຄົນ.
ອ່ານເພີ່ມເຕີມ...

ສູນອິນເຕີເນັດແຫ່ງຊາດຈັດຝຶກອົບຮົມມາດຕະຖານໂປໂຕຄອນ IPV6 ຂັ້ນສູງ

ສູນອິນເຕີເນັດແຫ່ງຊາດ ໄດ້ໄຂຊຸດຝຶກອົບຮົມຫົວຂໍ້ ມາດຕະຖານໂປໂຕຄອນ IPv6 ຂັ້ນສູງ ໃນວັນທີ 19 ກັນຍານີ້ທີ່ສູນດັ່ງກ່າວ ໂດຍການກ່າວໄຂຂອງ ທ່ານ ພູຂົງ ຈິດຮູບໂລກ, ຫົວໜ້າກົມແຜນການ ແລະ ການຮ່ວມມື, ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ ໂດຍມີພະນັກງານວິຊາການຂອງສູນອິນເຕີເນັດ ແຫ່ງຊາດ, ບັນດາບໍລິສັດໂທລະຄົມມະນາຄົມ, ຜູ້ໃຫ້ບໍລິການອິນເຕີເນັດ, ຜູ້ໃຫ້ບໍລິການດ້ານຂໍ້ມູນຂ່າວສານຜ່ານສື່ອິນເຕີເນັດ ເຂົ້າຮ່ວມຢ່າງພ້ອມພຽງ.
ອ່ານເພີ່ມເຕີມ...

ຮອງລັດຖະມົນຕີ ກະຊວງ ປທສ ເຂົ້າຮ່ວມ ກອງປະຊຸມ ອາຊີ ປາຊີຟິກ ລະດັບພາກພື້ນ ຄັ້ງທີ 03 ທີ່ບາງກອກ, ປະເທດໄທ.

ທ່ານ ບຸນສະເຫຼີມໄຊ ເຄນນາວົງ, ຮອງລັດຖະມົນຕີ ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ພ້ອມດ້ວຍຄະນະ ໄດ້ເຂົ້າຮ່ວມກອງປະຊຸມ ອາຊີປາຊີຟິກລະດັບພາກພື້ນ ຄັ້ງທີ 03 ແລະ ກອງປະຊຸມ ປິ່ນອ້ອມ ພາຍໃຕ້ຫົວຂໍ້ ການຫັນເປັນລັດດິຈິຕອນ ແລະ ການສ້າງຕົວເມືອງທັນສະໄໝ ໃນລະຫວ່າງວັນທີ 21 ເຖິງ 23 ກັນຍາ ທີ່ ບາງກອກ, ເຊີ່ງຈັດຂື້ນໂດຍ ສະຫະພາບໂທລະຄົມມະນາຄົມສາກົນ (ITU) ເປັນປະທານໂດຍ ທ່ານ ປອ ພິເສດ ດຸລົງຄະວິໂລດ, ລັດຖະມົນຕີ ກະຊວງ ດິຈິຕອນ ເພື່ອເສດຖະກິດ ແລະ ສັງຄົມ ປະເທດໄທ, ແລະ ປະທານຮ່ວມ ໂດຍ ທ່ານ ມາວຄອມ ຈອນຊັນ, ຮອງເລຂາທິການ ສະຫະພາບໂທລະຄົມມະນາຄົມສາກົນ.
ອ່ານເພີ່ມເຕີມ...

ກອງປະຊຸມລັດຖະມົນຕີອາຊຽນ ດ້ານຄວາມປອດໄພທາງໄຊເບີ ປະຈຳປີ 2017 ທີ່ ປະເທດ ສິງກະໂປ

ທ່ານ ບຸນສະເຫຼີມໄຊ ເຄນນາວົງ, ຮອງລັດຖະມົນຕີ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ນໍາພາຄະນະ ເຂົ້າຮ່ວມກອງປະຊຸມລັດຖະມົນຕີອາຊຽນ ດ້ານຄວາມປອດໄພທາງໄຊເບີ 2017 (ASEAN Ministerial Conference on Cyber Security 2017), ທີ່ຈັດຂື້ນໃນວັນທີ 18 ກັນຍາ 2017 ທີ່ຜ່ານມານີ້ ຢູ່ທີ່ປະເທດສິງກະໂປ ພາຍໃຕ້ການເປັນປະທານຂອງ ທ່ານ Dr. Yaacob Ibrahim, ລັດຖະມົນຕີກະຊວງ ຂໍ້ມູນຂ່າວສານ, ຜູ້ຮັບຜິດຊອບວຽກງານດ້ານຄວາມປອດໄພທາງໄຊເບີ ຂອງສິງກະໂປ, ມີລັດຖະມົນຕີ ແລະ ຄະນະວິຊາການ ດ້ານຄວາມປອດໄພທາງໄຊເບີ ທີ່ກ່ຽວຂ້ອງ ຂອງບັນດາປະເທດສະມາຊິກອາຊຽນເຂົ້າຮ່ວມຢ່າງພ້ອມພຽງ. ຈຸດປະສົງຂອງກອງປະຊຸມຄັ້ງນີ້ ແມ່ນເພື່ອເສີມສ້າງການຮ່ວມມືໃນກອບຂອງອາຊຽນ ດ້ານວຽກງານການປ້ອງກັນຄວາມປອດໄພທາງໄຊເບີ ຊຶ່ງໄດ້ມີການປຶກສາຫາລືກ່ຽວກັບສິ່ງທີ່ສາມາດເຮັດຮ່ວມກັນໄດ້ ເພື່ອກ້າວໄປເຖິງການສ້າງຂີດຄວາມສາມາດ ແລະ ສ້າງຄວາມເຂັ້ມແຂງດ້ານການປ້ອງກັນໄພທາງໄຊເບີໃນເຂດພາກພື້ນ ແລະ ໃນອາຊຽນ.
ອ່ານເພີ່ມເຕີມ...